Ep fe

1 Pol, shar mwan khi Jesu khi dem khi Naan, yagal khi Timoti ndhi a emnign mu, 2 peh shin nyen dhi mu shin zeen shin khi nyen mannpeh emnign Kristi ndhi mu khi yil Kolosiya mu. Mangye gu kot khi grasiya, shin khi tongshahap mhi Nda mu Naan (i) Pak ran feh mu lang ka, shin mu nah, 'Jesu Kristi Ndah khamu." 3 Mu plang Naan, Ndah khi Jesu Kristi ndhi a Nda-kha-mu, shin mun phi wet dang peh gu. 4 Mu kling gun khi shin zeen ni Jesu Kristi khi dem peh ndhi gun khi ni peh nyen ndhi mu den mu shahat a-bih-Naan. 5 Gun khi en mhi demshak sih a peh ndhi mu khi ni a wuden mpeh gu khiting. Gu kling gwe ndhi mu den en khi kah gu a bhilip zeen ndhi a bhilip Naan nbishara, 6 ndhi mu ji khini ngun. Bilip bishara feh thing jeb ting shin nih phi yon biyan peh dhign yil khidhing. Nih phi kaam peh a sih duk nbut buzung guh par bit ndhi gu kling sim bilip bhizung piya mhi Naan ndi a zeen. 7 Bhilip bishara sih a khibi ndhi gu kling gu lap gu ya nsar Epafras, lah sim shar kwaram shiit fun ndhi a kwaram shiit khi Kristi ndhi pih daar phi kop mu (2) Pak sura muna, 'phi kop gu.' 8 Epafras sat en gu mhi demshak fuk gwe mun ndih nbut riin. 9 Peh demshak ndhi mun khini peh gu bhi mun phi dang Naan peh gu khi peh nohok mah. Mun peh wet dang deh mang yeh guh kot khi man khi en khimuk duk duk but man ndhi a but lih en. 10 Mun pih dang mang-yeh gu mwan, but riin mhi nda kah mu khi yar mu ndhi piya bhizung deh mu kat but tihgm, khi kon khi shikbis. Mun phi dang deh mang ye gu daar gu kat kwa gurum muh bwer khi yar bih wuret sih mu, deh mang-yeh gu del tikhim a wuret khi man Naan zak. 11 Mun pih dang mang-ye gu kat bal but daar ndhi gun phi shin khi yar mhi bal khi riin wuret khi muk khi mohor but feh. 12 Mun pih dang deh gu plang Nda khi bhizung a-wupiya peh ndhi baam gun deh gu kat peh petong wuret but jep kop ndhi mu a nyen shin zeen khi peh wu saan (3) Pak mu ran, "ndhi lhi deh mu mak kat pak dih." 13 Gumbi shang mun shin put but dhign peh wu-kwo yagal mwan khi den mun peh wuyon khi Lah muk wu tis. 14 A but Lah muk deh mu kat baarka khi kon khi shikbis dhi. (4) Pak mu ran: "But Lah muk muh kat bar khi yar kon khi tihgm khi muk, khi kon khi shikbis." 15 Lah muk a nih a yit Naan deh khi peh noh mah. A nih a she lah khi bi khiyil duk duk. 16 A nih den bi khiyil, khi dhi mu khiting khi ndhi mu khi yil sih, mu ndhi yit khi nah khi ndhi khipeh nah mah. Kot a petong long-o kot a yil long feh oh, kot a petong karang yil feh oh kot a dak yil feh-oh, bih feh duk-duk a ni den, shin a peh ka shin. 17 A nih dang-she bih mu khidhing, shin but muk bih mu shak kaat khiding. 18 A nih a kah shishik feh, mhi Nyen Naan. Nih a wu nshe shin nih a she lah but nyen ndih mu murap, peh ndhi asih a nih khi kat petong wu she khinar bih khiyil mu khiding. 19 Naan she kot khi bhizung piya khi leng ndhi ye bih khi muk ndih warih ye khi tong a wukhime khi gumbi, 20 de shin wahar bi mu khisar Lah nih duk duk njin gumbi. Naan lih petong shahap khi yar tihkhim khi ghitshep kros khimuh. 21 Dok gun duk a mhizep khi Naan but leng fuk khi shiit fuk wu bis mu. 22 Ba khides sih bhi wahar gun khi ghit shishik nih but yar khi muut. Shin asih peh deh ni mwan khi gun ni a wu bang, khi rap-mah, khi meh shikbis mah khi meh shikbis kat dar ntikhim muk, 23 kat gu wet but shin zeen feh gu yah bal-bal, dar dagas, khi peh ter-bah but khi den en ndih mu khi ni npeh gu kah bhilip zeen ndhi gu kling gwe sih. Ndih sih a zeen ndhi mu nin nduk bih ndhi mu lah den yil bhi der ting naan. Ndisih a bhilip zeen ndhi an Pol a biring lah lep peh nih. 24 Khides sih an khi retyit but jeel ndhi an phi shu feh peh gu, yagal an pih duwar peh n-shisan bi ndhi wen but jeel khi Kristi pe shishik mu, ndhi a nyen shin zeen nih. 25 An a lah lep khi nyen shin zeen sih mu khi bih shiit tihgn ndhi Naan lep khini an mpeh gu, peh deh bhilip Naan gam wahrih dih. 26 A mih-sih a bih zeen mhi nabhiya ndhi pehgyet a wu sihsok peh yii mu bwer ndhi mu yihir ba yihir. Bhi ba khi des sih mu woh nyen ndih shin zeen nnih. 27 Naan gyet phi dem woh khisher bilong petong wuret ndhi mu sok khi mhizep jentiles muh. A nih a Kristi ndhi nbhizung gu, bhilip sim wuyon ndhi khi ben mah ntikhim. 28 A nih a goh ndhi mun pih tahar nih. Mun phi kar ko-a-weh, shin mu kam mu duk duk khi seen man peh deh mu shi mu khiding a bih ret lap but khi Kristi. 29 An pih shu jeel a peh dhisih shin khi dahr khi bal khi muk ndhi shin an deh a kat kakham ndhi an pih shin shiit khi nih.