Ep fe

1 Nyen nan mu, gu shin bi wuret kwaram fuk deh ni waarih dhi. Gu man ndhi gun khi nda wuyon fuk khiting. 2 Gu wet pih del tikhim khi aduwa. Gun pih tap peh khini nbuut shin plang. 3 Gu shin dangpe khishak npeh mu duk, peh deh Naan ep philih peh bilih sih, peh deh mu sat bhilip zeen khi Kristi ndhi awu sihsok. A peh nih deh mu shikit an mbut gwa'ar dih. 4 Gu shin dang deh mang-yeh bih ndhi khi kah phinih bhi put a wuret ndhi bizung nih mang. 5 Gu mwan mwan fuk khi seen wu-khime khi nyen ndhi mu khinargu mah, dhi gu tap phi bit (lokashi). 6 Gu daar deh liis gu tong kot leen leen dhi. Gu dak a wuret khi khiin, peh deh gu man peh lap me tal mphi ko a weh (gurum mu dwas). 7 Kot a peh bih ndhi kat an bhi Tikikus khi sat ngun. Nih a emnhign shamshin, ngu shiit zeen, mun pih shuu jeel khi san khi Nda - ka - mu. 8 A an a lep ni der gu peh bhisih, peh deh gu man bih-sih, peh deh gu man bii ndhi mun nbut feh, shin a peh deh nih lhi deh ni buzung gu bal dih zak. (8) Pak ran wu sihir muna: 'An a lep ni nder gu peh bhisih, peh deh ni man bii ndhi gun nbut feh, shin yaghal a peh deh nih lhi buzung gu bal dih zak.' 9 An a lep nih a wukhime khi Onesimus, ngu shin zeen, shin a emnign shamshin ndhi nih a meh khinar gu. Mu peh sat bih ndhi tah khi mun mbesih duk duk. 10 Aristarkus, shar nih ndhi mun khishak but ngwagar pih lep khi tal gun, mu a wukhime khi Markus, emnhign Barnabas (a nih ndhi dok mu lep khi lep wuban gun, kat wul der gu, bhi gu lap nih). 11 Yaghal khi Jesu duk ndhi mu phi yong nih a Justus. A dissih mu dhi muh mbut nyen pun mu a shar shiit fhinih mu peh lhi wuyon ndhi a mhi Naan. Mu pih lih shang khi shik nih. 12 Epafras pih tal gun. Nih a meh guh shin nih a kwaram Jesu Kristi. Nih pih wet dang (Adua) peh gu, peh deh gu dar ndari khi tukur dwan nbut bii dem khi Naan. 13 Peh ndhi an pih shin lang ting khimuk, nih phi dar shin shiit peh gu wai a wuret, peh nyen ndhi mu Laodicea, shin peh nyen ndhi mu Hirapolis. 14 Luke ngu shamshin gu en (Likita) mu-khi Demas pih tal gun. 15 Gu tal gurum fun dhi mu Laodicea, khi Nimfa, khi nyen shin zeen ndhi mu khipang khimuk. 16 Khi dangkong ndhi mu tang ran lep (wasika) sih khi deryit gu, gu mwan gu tang ndhi Naan khi Laodicea mu, yaghal gu daar deh gu tang lep tang (wasika) ndih wa Laudicea sih. 17 Gu sat Archipus asih, "Ghi tap shiit ndhi ghi lap khisar Nda - ka - mu, deh ghi shin nih warhi dih. 18 Lep tal (wasika) sih waa nsar nih - an Pol (Bulus). Dih gu dyel kih an but ngwaar. Mang yeh grasiya kot a wu khime khi gun.