Ep fe 9

1 Shawulu phi shin lukut niyen mwan nder Naan mu nah ji tiyoh niyeh, bhi mwan nder phi thikim wuyon (Fieia). 2 Dang phi muk mpe de nhi shin ran njin ji mwan khinhi nlhiNaan ndhi Damaskus de kat ji kat gwo ndhi khika yar mhi Naan daas khi shorop bhi yak mu diyan wakji khi mu khi yil Urushalima. 3 Ndhi nhi khi yar, ji rhi kus khi Damaskus, nkiyen bhi me pebang shi tong khiting den nhi nnar. 4 Bhi putah nyil yakal khiling dhikil phi sat nah, "Shawulu, Shawulu, anang ghi phi shin jel nnan ye?" 5 Shawulu piring/lap nah, "Ghi aweeh Nda?" Nda Naan nah, "An ah Jesu ndhi ghi phi shin jel/wula nhi. 6 Ghi yakal ghi del ndhikin yil fe, bhi mukhi sat bi ndhi ghi shin". 7 Gurum ndhi mu phi mwan awukhi me khini mu ndok, mu khiling dhikil dang, mu nah megwo ma. 8 Shawulu yakal nyil, ndhi ehp yit, bhi nah pe ma, mu dhil ah dhil nhi shin kam Damaskus. 9 Nih phi nah peh ma mpe teer kun, vhukhum, binshin sih membi ma, bin shu membi ma. 10 Khidetsi me ngu mwan nder Naan dhi sim muk ah Hananiya. Nda Naan nhin nnhi sukun, nah "Hananiya!" bhi nah "ghi nah an si Nda". 11 Nda sat nhi nah, "ghi yakal ghi yah khiyar ndhi mukhi yong ah ndharih khipe lhi Yahuza, ghi tal kop meh ngu Tarsus dhi mukhi yong sim muk ah Shawulu, nhi phi dang phi Naan. 12 Bhi nah nbut sukun gurum ndhi mukhi nhi ah Hananiya phi del ndhikin deh nhi lih/zan sar nhi khi kah ghi deh nghi, ghi nah pe dhi." 13 Bhi Hananiya piring/lap nah, "Nda ah khiling nder gurum mu bwer nkah gwo si, bi wubis ndhi shin ngurum fhik mu nUrushalima. 14 Kat bal nder Firis wuyon mpe yak niyen ndhi mu phi yong sim ghi." 15 Bhi Nda Naan sat nhi nah, Ghi mwan mpe dhi mu bil nhi ah leh shiit fin mpe deh nhi mwan khi sim ndhi nhi ah man nder mu ndhi mu niyang lap Naan (alumai) dhi, long mu, daskakam mu khi jep Israaila mu, 16 An mpe nhin nhi jel/wula ndhiki shu mpe sim ndhi ah aman". 17 Mpe wuni bhi Hananiya yakal mwan rhi dhi nlhi fe, lih/zan sar khi kah muk, bhi nah, emnhikin nhi Shawulu, "Nda Jesu ndhi nhin kah shini nghi khi yar ndhi ghi phi sam lep an nghi deh yit ghi ehp, ghi nah pe deh ghi lap riin wubang dhi." 18 Dhi leh bhi membi shi khipe riip put nyit muk bhi nah pe, yakal bhi mu shin batisma nhi; 19 Bhi sisih, yakal kat bal. Tong ah wukhime khi niyen Naan mu nDamaskus mpe teer bwer. 20 Dhi mbhisi bhi lap Jesu nlhi Naan, nah nhi ah lah Nda Naan. 21 Gurum ndhi mu khiling, mu ahp pwo khiding muna, "Ah gwo si nhi ah ngu thikok khi niyen Naan ndhi mu phi yong sim ndhisi nUrshalima mhingha? Ji mhisi ah mpe yak mu diyan nthikim Firis wunan mu" 22 Shawulu phi kat bal nthikim nthikim ndhi lhi deh en Yahudawa ndhi mukhi tong Damaskus, nhin ndhi Jesu nhi ah Khristi. 23 Khidangkong teer mu bwer bhi Yahudawa mu ben phi du mpe thi nhi. 24 Bhi bhilip ben khi mu tah nkom Shawulu, mu tong phi tap phi peh pus khi lhipar deh mu thi nhi dhi. 25 Bhi shar shiit khi muk mu mang nhi nlhi par kam yarkam nhi shibut pe, mu den nhi but khishak. 26 Ndhi waji rhi Jerusalem, bhi Shawulu phi dem mwan nder niyen mwan nder Naan mu, dang bhi mu phi lwakat nhi, mu shin zeen ndhi nhi ah ngu mwan nder Naan ma. 27 Dhi bhi Barnabas mang nhi mwan khi nhi nder shar shiit khi Jesu mu, yakal kam yar ndhi Shawulu kaat khi Naan dhi khi yar deh lap bhilip khi nhi khi ndhi lap bhilip Damaskus khi bal nkah Jesu. 28 Nhi ah wukhime khi mu Jerusalem mpe ndhi mu roh dhi. Lap bhilip khi bal nkah Nda Jesu. 29 Mpe wuni fe bhi nhi phi bhakhal khika bhilip Naan ngurum Yahudawa mu, bhi mu phi dar deh mu thi nhi dhi. 30 Ndhi gokoshi niyen mwan nder Naan mu khiling ah si bhi mu waksam khi nhi Kaiseriya shin waya Ntarsus. 31 Mpe wuni bhi niyen Naan ndhi khi yil Yahudiya khi Galili khi ndhi Samariya mu kat tong shakap, gurum mu wakji bwer riin wubang khi Naan phi bam muk. 32 Ndhi Bitrus mwan khi yil fe khiding, bhi wasam nder gurum wubang khi Naan ndhi mu Lidda. 33 Dhi mhisi bhi kat me gurum khi Naan ndhi mukhi yong sim muk ah Iniyasu, nhi awu khu kut mpe yii pokhokun. 34 Bitrus sat nhi nah "Iniyasu, Jesu Kristi bhar ghi, ghi yakal ghi mang karem/karam fhik", dhi wai det bhi yakal khiting. 35 Mpe wuni bhi gurum ndhi khi yil Lidda khi Sarona ndhi mu nah gwo si mu waKji nthikim Naan. 36 Dhi me yil ndhi mukhi yong ah Yafa me mat mwan nder Naan dhi ndhi sim muk ah Tapita ndhi mukhi yong ah Dokas, mat si dem shiit wuret mu nthikim dhi khi nah jel nniyen shar mu. 37 Ndhi ji deh dhi bhi mat si gok, bhi muut, ndhi mu sukhup kum muk, bhi mu den mme dhikin lhi ndhi khi thing. 38 Mpe dhi Lidda kus khi Yafa, niyen mwan nder Naan mu khiling nah Bitrus dhi mbisi, mu lep gurum vhil nhi phi dang deh nhi "ji nder du nkiyen/lha lha dhi". 39 Bitrus yakal mwan nder mu, ndhi ji rhi dhi, mu kam khi nhi khipe kum fe, bhi shorop kah ndhi mu dhi mu phi wal, mu phi nhin leh khi jep bi ndhi Dokas teen ndun ndhi giyet nhi dhi nder du. 40 Bitrus lhi mu pwat khibang, kurum nyil, yakal dang phi Naan bhi shikhir khipe kuum fe bhi nah "Tapita, yhi yakal". Bhi ehp yit det bhi nah Bitrus bhi tong khiting. 41 Bitrus shin sar nhi, bhi ehp nhi khiting; ndhi yong gurum wubang khi Naan mu khi shorop kaah mu, bhi shin nhi mu khi seen. 42 Bhilip si kat pe khi yil Yafa, yakal gurum mu shin zeen Naan. 43 Shin teer bwer awukhime khi me gurum khi yil Yafa mukhi yong sim muk ah Saminu.