1 Me gurum nhi dhi nKaiseriya, sim muk ah Karniliyas, nhi ah gurum wuyon mhi soja, ndhi song sokol ndhi Italiya. 2 Nhi ah gurum ndhi man bhin lukut Naan khi gurum lhi nhi mu khiding, nhi phi shin zukum khi dang phi Naan nka nka. 3 Me bhit nkarfe kun mhi khansikin, bhi nah lah lep khi Naan nbut sukhun del bhi sat nhi nah "Karnaliyas" 4 bhi Karnaliyas ehp yit nah nhi khi lukut, bhi sat nah "Nda Naan, ame dhiye"? Bhi lah lep khi Naan sat nhi na, dang Naan khi shin zukum fhik khi rhi nthikim Naan, ah bi leng nder muk. 5 Khidet si ghi lep gurum mu khi yil Yafa, deh mu wakji khi me gurum ndhi sim muk ah Saminu ndhi mu khi yong nhi ah Bitrus. 6 Nhi phi tong nder Saminu majemi ndhi lhi muk phi am bahar". 7 Ndhi lah lep khi Naan ndhi lap bhilip khinhi del bhi Karnaliyas yong kurem/kuram fini mu vhil, khime soja ndhikin niyen ndhi mu phi shiit khinhi. 8 Karnaliyas sat bi ndhi taah mu khiding, bhi lep mu nYafa. 9 Dhi dhidaar nbut hour wu pemeh, ndhi mu khiyar mwan, mu kus khi yil fe, bhi Bitrus kah khi ka lhi mpe dang phi Naan. 10 Mbisi bhi nen la nhi, nhi phi dem sih mpe sih, bhi ndhi niyen fe mu phi shet sih, bhi sukhun, 11 Bhi nah pe khiting e'ep bhi me dah shi tong khiting sam, membi khi pe kaal si tong sam nyil, sam shi kokop dhi wu feer mu. 12 Nbut fe bhi luh kwak fee mu shi khan mu dhi khi mu ndhi mu phi mwan khi buut, khi yer ndhi khiting mu. 13 Bhi me dhikil lap bhilip khji nhi nah "Bitrus ghi yakal ghi thi ghi ahr". 14 Bhi Bitrus na "hai Nda, mpe dhi ah sham sih membi ndhi khi rap ma". 15 Dhi bhinshin khiling dhikil fe wu vhil, "bi ndhi Naan dak ah wubang bhi ghi sat ghi lhi nhi khi rap ma". 16 Bio fe taah asi yit kun; bhi nkiyen mu mang daah fe sshin kah khiting. 17 Ndhi Bitrus rhuk mpe ndhi man phishi sukhun fe ma, leh det bhi nah niyen ndhi Karnaliyas lep mu khi diyerem/diyaram phi bong, khidangkong ndhi mu tal yar khipang fe. 18 Mu yongpe mu tal, kotsi Saminu ndhi mukhi yong nhi ah Bitrus phi tong mbhisi o-h. 19 Ndhi Bitrus kudhi phi shin leng nkah sukhun fe, bhi riin sat nhi nah, "gurum mu kun mu phi tal kop ghi. Pak ran wugiyet bhi biit mukhi nhi ah si. Gurum mu vhil phi bong ghi, mah bhi, me gurum mu phi thang ghi. 20 Ghi yakal sam ghi mwan nder mu, tap yaak ghi shimkur pe mwan nder mu ma, mpe ndhi ah lep mu". 21 Bitruss del sam nder niyen fe mu, nah, "Ah an ah gwo ndhi gun phi tang fe. Gu wul ah kwat me ye?" 22 Munah, gurum zen zen ndhi sim muk ah Karnaliyas, gurum ndhi khi zen bhin lhukut Naan, mu man nhi ah wuret khi yil Yahudawa mu, mu lep lep nhi nder Naan khi sar lah lep wubang, lep nhi nder ghi naah, "ghi ji deh jin ji khiling me sim bhilip nder ghi dhi". 23 Mpe wuni bhi Bitrus yong mu shin kam nlhi nder nhi. Dhidar mbhit bhi yakal bhi mwan nder mu, pak niyen Naan ndhi Yafa mu awukhime khi nhi. 24 Dar-mbhit bhi mu ji nKaiseriya, Karnaliyas phi tap phimu, yong nkhan fini mu khiding, khi shar nhi wukus mu. 25 Waji rhi ndhi Bitrus waji del ndhikin, Karnaliyas nah nhi bhi phuta nthikim muk mpe dhik yil nhi. 26 Bhi Bitrus ehp nhi naah, "ghi yakal khiting", ana gurum duk". 27 Dhi Bitrus phi lap bhilip khi nhi bhi, kam nlhi kat gurum kur khipe khime. 28 Bhi sat mu nah, "gun shi kah suk gu man ndhi nhi nka yar deh ngu Yahudawa khat kah khi gurum dhi, ma bhi mhizep tongwul, Nda Naan nhin nnan nah tap yak ah mang megwo awurap ma. 29 Ah nhi lhi deh ah wul no'ot nkot kot ndhi mu lep an dhi, asi de ah tal bi ndhi lhi deh ghi lep lep nder nhi dhi". 30 Karnaliyas nah, "teer feer ndhi del si mu peh asi, an phi dang phi Naan hour wu pokofar khipang lhinhi, bhi ah nah gurum nthikim nhi khi leh wu mhilhip. 31 Bhi sat nah, "Karnaliyas, Naan khiling dang fhik bhin zukum fhik kak der Naan khi ghi. 32 Mpe dhi ah si bhi ghi lep megwo shin yah Yafa, deh yong gurum dhi mukhi yong sim muk ah Saminu ndhi mu man nhi ah Bitrus. Nhi phi tang lhi Saminu majeni phi am bahar. Pak ran wugiyet bhibiit nhin fga khat wul bhi khi lap bhilip khi ghi. 33 Ah mpe wuni bhi ah lep nder ghi. Ret ndhi ghi ji. Khidet si mun khiding mun nthikim Naan deh mun mu khiling bii ndhi Nda lep ghi mpe sat fe dhi". Phikop, Nda lep nah, pak ran mu wugiyet bhibiit mukhi Naan lep nah 34 Bhi Bitrus ehp pwo nah, "Zeen, ah man ndhi Naan nhi khi bunyit ma. 35 Ndhikin yil si gurum ndhi nhi phi lukut deh shin ret bhi awulap nder Naan. 36 Gu man bi ndhi lep khi nhi njep Isarila mu, ndhi sat bhilip wuret nkah tong shakap ndhikin sim mhi Jesu Khristi ndhi ah Naan. Gwo ndhi lukut nhi deh lap nhi bhi ah wulap nder Naan mhi khiding. 37 Gun shikasuk gun man jep bi ndhi yakal/tah khi yil Yahudiya, she khi yil Galili khidangkong batisma ndhi Yahaya sat. 38 Sim bhilip mhi Jesu ngu Nazaret, yar ndhi Naan gam nhi khi riin wubang khi bal khi mbi man, phi mwan shin wuret bin pwat khi riin wubis ngurum mu mpe ndhi Naan nhi ah wukhime khi nhi. 39 Mun ah langting jep bi ndhi Jesu shin mu khi yil Yahudawa khi Urushalima, anhi ndhi mu kah khika shep mu thi nhi. 40 Bhi Nda Naan ehp nhi yakal nbut teer kun yakal lhi mu naah nhi, 41 Ah gurum mu khiding ma, ah langting ndhi mu pwan mu nshe nder Naan, ndhi mu sih, mu shu awukhime khi nhi ndhi yakal mphi muut. 42 Nhi lhi mu mwan khi bhilip khi Naan shipe-shipe, phi sat sina, ndhi si ah nhi ndhi khi thok diyel mmu ndhi kakam khi mu ndhi mu dwam. 43 A nhi ndhi niyen nah pe ndhikim mu /jakam mu phi bhilip fe, mpede gurum ndhi shin zeen nhi bhi khi kat kon khi wubis/shikbis ndhikin sim khi muk". 44 Ndhi Bitrus phi bhilip ndhi si bhi, riin wubang sam khi kah niyen ndhi mu phi khiling sim bhilip fe. 45 Gurum Yahudawa ndhi mu niyang lap/shin zeen Naan deh ji nder Bitrus mu nah bi ahp pwo mpe ndhi shin zukum riin wubang mu. 46 Dhi bhimu khiling mu ndhi mu niyang shin zeen si mu phi lap bhilip khi liis lhi du phi sam Naan. Bhi Bitrus piring/lap nah, 47 "Me gurum khi niyang khi duk am si mpe shin batisma nniyen ndhi riin wubang sam khi kah mu khi bi mun saah?" 48 Bhi lhi mu shin batisma nmu ndhikin sim mhi Jesu Khristi. Mu dang phi muk de nhi tang nder du mpe teer mu nthikim dhi.