Ep fe 11

1 Niyen mwan nder Naan khi emnhikin mu, mu ndhi khi yil Yahudiya mu khiling nah mu ndhi mu shin zeen nbhilip Naan ma, mu lap pwo Naan. 2 Ndhi Bitrus ji Urushalima, bhi gurum darika mhi dhas ndhi mu koss mu si mu thet nih. 3 Muna, "ghi del nder niyen ndhi mu noot koss, bhin ghi sih sih ah wukhime khi mu. 4 Bhi Bitrus yakshi mu shikam shikam. 5 "An khi yil Yafa phi dang Naan bhi ah sukun ah lhi daa tong khiting wasam khibi khal wukahm si wah khiting shi eskokop mu fher. Wasam nder nhi. 6 Ah nah nhi deeh, bhi ah shin leng khi kah fe. Dhi bhi ah nah luu kwak fher mu khi yil, luu wu biyal mu, ndhi mukhi mwan khi but yakal yer khiting mu. 7 Det bhi ah khiling dhikil phi sat na, "Bitrus, ghi yakal, ghi thi ghi ahr!' 8 Bhi ah lhi 'asi ma, Nda mpe ndhi membi wurap sham del nphi nhi ma' 9 Bhi dhikil fe piring/lap khiting na "bi ndhi Naan dak ah wubang, bhi ghi yong awurap ma'. 10 Bi fe taah asi yit kun, bhi mu mang khiding shin wah kah khiting. 11 Dhi mbisi bhi gurum mu kun mukhi diyerem/diyaram nthikim lhi ndhi mun dhi, mu lep mu nKaiseriya nder nhi. 12 Riin lhi nnan ah mwan nder mu, khi me kot kot ma, emnhikhin wu pheme si mu shinder nhi, mu mwan mu roh lhi gwe si. 13 Sat yar ndhi ji nah lah lep khi Naan khi dar lhi nhi phi satsina, 'ghi lep gurum mu Yafa de mu wakji khi Saminu ndhi mukhi yong nhi ah Bitrus. 14 Khi sat lep nghi ndhi ghi kat seen tai tai - khi ghi khi lhi ghi. 15 Ndhi ah dokom lap bhilip khi mu, bhi riin wubang sam khi kah mu, khi bi ndhi khi kah mu nshe si. 16 Ah leng khi bhilip khi Nda, ndhi sat ma, "Yahaya shin batisma khi am, bhi mukhi shin batisma ngun nbut riin wubang. 17 Bhi kat Naan shin zukum mu khibi ndhi giyet shin mun ndhi mu shin zeen Nda Jesu Khristi. An ah weh, ndhi ah bhakal Naan ye? 18 Ndhi mu khiling bi mhi si mu, bhi mu lap me bhilip ma, mu plang Naan, muna, "du man bi ndhi du sat ma, mu dhik yil Naan, mu nhin gurum ndhi mu niyang shin zeen, mu thiwap Naan deh mu kat seen tai tai dhi". 19 Khidetsi mu ndhi rang nsar Jeel/wula ndhi mu shin Istifanas, mu mwan roh khi yil Finikiya, Cyprus khi yil Antakiya, mu phi kop pwo Naan Yahudawa mu. 20 Bhi pak mu - muh ndhi mu whak kubrus khi ndhi kurane mu ji Antakiya mu lap bhilip khi mu ndhi mu shin zeen ma, mu kam bhilip Naan mu nkah Jesu Khristi. 21 Nda Naan nhi ah wukhime khi mu, gurum bwer mu shin zeen Nda Naan. 22 Bhilip khimu taah nkom niyen mwan nder Naan ndhi Urushalima mu, bhi mu lep Barnaba mpe mwan Antakiya. 23 Ndhi mwan deh nah wuret khi Naan, bhi khiling khi shang/piya bhizung muk, bhi sat bhilip mu khi bal mpe deh mu kat ah wukhime khi Naan khi bizung khime dhi. 24 Nhi ah gurum wuret ndhi gam khi riin wubang, khi shin zeen, bhi gurum mu bwer wakji nder Naan. 25 Bhi Barnaba waya Tarsus deh nhi bong kop Shawulu dhi. 26 Ndhi kat nhi, bhi waji khi nhi Antakiya. Bhi mpe yii khime bhi mu tong awukhime khi niyen mwan nder Naan mu bhi mu phi kamm bi mu bwer ngurum mu. Jep kam khimuk mu khi yong mu a niyen mwan nder Naan dhi khi yil Antakiya fe. 27 Dhi nteer wuni mu, bhi pak niyen nah pe khi kah/jakam mu tong Urushalima waksam Antakiya. 28 Mme mu ndhi sim muk ah Agabas, yakal khiting bhi nhin nbut riin nah bhigha neen nhi mpe taah khi yil khiding. Mu shin nhi ah nteer mhi Kalaudiya. 29 Bhi niyen Naan mu shin zung ko aweh mphi ke khi bal fini lep khi bam nyil Yahudiya. 30 Mu shin asi, mu lep khi shakal mu wunan fe mu khi sar Barnaba mukhi Shawulu.