Ep fe 8

1 Shawulu ter dangkong muut khi Istifanus. Mpe ndhi asi bhi mu ya shin jel niyen mwan nder Naan ndhi Jerusalem, bhi niyen shin zeen mu rang kah khi yil Yahudiya khi Samariya wahde ah shar shiit khi Jesu mu det. 2 Dhi bhi pak niyen dhik yil Naan mu wum kum Istifanus, mu wal muut khimuk. 3 Shawulu thikok khi lhi Naan, mwan shi lhi, lhi, yak daas khi shorop mu bal nli kwo. 4 Asi fe bhi niyen shin zeen ndhi mu rang kah fe mu mwan phi kop bhilip Naan. 5 Filibus del sam khi yil Samariya, phi sat bhilip mu khi bal nkah Khristi. 6 Gurum mu bwer mu lhing kom mpe khiling bhilip ndhi Filibus phi sat fe dhi khi bhizung khime, mu nah bi nhi nah mu ndhi shin. 7 Riin wubis mu pwat nbut gurum ndhi mukhi nhi bwer, mu wal khi dhikil wubal, khi mu ndhi awukut mu khi khi phil mu, mu kat bal/kakam. 8 Mpe wuni bhi retyit dhi khi yil fe. 9 Meh gurum dhi ndhi sim muk ah Saminu ndhi gyet nhi phi kum/ngu mulak, khi yakal bhi shin bi fhi pwo nniyen Samariya mu, mang shin ah bhiga gurum ndhi khi phi shi. 10 Gurum khi yil Samariya mu khiding, yakal mu wudiyen khi wunan mu khiling nhi, munah "Gwo si nhi khi rham Naan ndhi mukhi yong ah wuyon". 11 Mu khiling nnhi mpe ndhi nhi phi shin fhi pwo mu khi pe gyet dhi khi mulak/paah fini. 12 Ndhi mu shin zeen Filibus ndhi nhi phi kop bhilip khi Naan nka petong khimuk khiting khi sim mhi Jesu Khristi bhi mu shin batisma mu daas khi shorop. 13 Saminu shi kah shini shin zeen, yakal khidangkong ndhi mu shin batisma nhi bhi tong awukhime khi Filibus shi bit shi bit. Ndhi nah bi nhi nah mu khi nvhir/khisher bi mu bhi ahp pwo nnhi. 14 Ndhi shar shiit ndhi Jerusalem mu khiling nah Samariya mu lap bhilip khi Naan bhi mu lep Bitrus mukhi Yahaya mmu. 15 Mpe wuni, ndhi mu mwan roh bhi mu dang phi Naan deh riin wubang sam khi ka mu dhi. 16 Dangdeshe pus wuni dhi bhi riin wubang sam khi kah, me gurum ma, mu lap ah batisma ndhikin sim mhi Nda Jesu det. 17 Bhi Bitrus mukhi Yahaya mu zan sar du khi kah muk bhi lap riin wubang. 18 Ndhi Saminu nah kat riin wubang sam ah mpe zen sar khi shar shiit si mu bhi shin shakal nmu. 19 Bhi na "Gu shin bal mhi sinnan kakder ah zeb sar nhi ngurum bhi lap riin wubang" 20 Bhi Bitrus sat nnhi na "mangye shakal fhik thikok khi ghi mpe dhi ghi phi leng kat zuhum Naan khi shakal. 21 Ghi khi bi mpe shin nbut bisi ma, mpe dhi bhizung ghi awukhime khi Naan ma. 22 Mpe wuni bhi ghi thiwap ghi yit yar butdet ghi dang phi Naan, pak bhi kon khi wubis fhik nghi de nghi ghi kat ndhi nleng fhik dhi. 23 Mpe ndhi ah nah ghi ah khuk wudet, ghi bhik awugam khi wubis. 24 Saminu piring/lap nah, "Ghi dang phi Naan mpe nhi yakba bi ndhi ghi sat si nkhi khat ahn". 25 Ndhi mu shin langting yakal mu kop bhilip khi Naan, dhi Bitrus mukhi Yahaya mu wakyah nJerusalem, phi kop bhilip Naan njep yil Samariyawa mu bwer. 26 Dhi bhi lah lep khi Naan lap bnhilip khi Filibus nah, "Ghi yakal ghi mwan khi yar ndhi del sam Jerusalem shin kam Gaza" (Yar fe nhi khi fhi pe). 27 Ndhi yakal del, khi me ngu Habasha ndhi nhi awuyon, khi bhiga peh dar nyil mhi Kaandakatu, mat wuyon mhi Habasha, nhi ah gu yak dam shakal ji Urushalima mpe dhik yil Naan. 28 Nhi phi waya khipang khika bhizing fini, nhi tang ran nbut ngu jakam Ishaya. 29 Riin sat Filibus nah, "Ghi mwan ghi tong kus khi bhizing". 30 Bhi Filibus si mwan ndermuk, bhi khiling nhi phi tang nbut ran khinan wubang ndhikin Ishaya ngu jakam, bhi nah, "Ghi man bi ndhi ghi phi tang fe ah?" 31 Bhi nah, "Shin ah nang ah man ye, mangye megwo kam nnan dangmingha?" Yong peehnFilibus de nhi kah khiduk bhizing, bhi na gwar tong nder nhi. 32 Ndhi si ah sikhin ndhi nhi phi tang fe, mu dhil nhi khibi thim ndhi mu mpe mwan gap fe si, nhi ndhak khibi thim nsar ngu pan si, ehp pwo ma ko leeh. 33 Mu shin jel nnhi, mu dam nhi nkah zeen fini. Ah weh mpe man shin fiyar nkaan khimuk ye? Mpe dhi mu thi nhi" 34 Bhi nhi wuyon (eunuch) tal phi Filibus nah, "Kambok ghi sat nnan, ngu jakam fe phi sat awe, ah kah shini ah amegwo wudhik ye? 35 Filibus she lap bhilip khinhi nkah bhilip Naan khi bal nka Jesu. 36 Ndhi mukhi yar, 'mu kat pe am bhi nhi wuyon fe (eunuch) sat Filibus nhin ame khi dang ndhi ah shin batisma eh?" 37 Ran wuret ndhi bhi biit mukhi Shiit 8:37 ma. Filibus nah, "Kat ghi shin zeen khi bhizung ghi khiding bhi ghi lap batisma". Bhi nhi Saminu ngu Ethopia piring/lap nah, "Ah shin zeen ndhi Jesu Khristi ah lah Naan". 38 Dhi bhi ngu Ethopia si lhi mbhizing fe dar mu sam nbut am fe, nhi Filibus khi wuyon fe bhi Filibus shin batisma nhi. 39 Ndhi mu pwat nbut am eh, bhi riin khi Naan mang Filibus del khini, bhi gwo wuyon si shin nah nhi ma, bhi yah yar fin khi retyit (shangshak). 40 Bhi Filibus nhin kah shin nAzotus, mwan khi yil khiding phi kop bhilip Naan wakam Kaiseriya.