Ep fe 6

1 Dhi nteer si fe mu, bhi niyen mwan nder Naan mu phi gul bhilip dokom yakal nnar nGrecian Jews mukhi Hebrews mu mpe dhi shorop kah mu phi kat sih khi bhi khiko mu ma. 2 Mu wuh sar-pwo vhil si mu yong pe ngokoshi niyen shiit mu, mu sat muna tap yakba en du khi waya nbut sih dheka shin shiit Naan. 3 Mpe ndhi asi emnhikin nhi mu, gu pwan gurum mu pokovhil nnar gu, gurum ndhi mukhi en khi sim wuret ndhi mukhi riin khibi mman mu deh mmu shin shiit wuni fe dhi. 4 Muhmun, mu del thikim khi dang Naan, khi kop pwo khjimuk". 5 Sim bhilip khi mu ret nyit gurum mu khiding, bhi mu mang Stephen gurum ndhi nhi khi shin-zeen khi riin wubang khi Philip, Prochorus, Nicor, Timon, Permenas khi Nicolaus ngu Proselyle nn Antioch. 6 Niyen shinzeen mu wakji khi gurum si mu nthikim niyen shiit mu, mu dang phi Naan yakal mu zan sar khi kah mu. 7 Bhilip khi Naan kaat peh, niyen mwan nder Naan khi yil Jerusalem mu yon, Firis mu bwer mu yak war khi shin zeen. 8 Stephen ndhi nhi khi riin khi bal mhi Naan shin bi fih pwo mu khi bi nhi na nthikim gurum mu. 9 Dhi bhi thilik yakal, bhi pak gurum ndhi mu yong lhi sam Naan khime mu ah Labartinawa ndhi mu ah Kuraniyawa khi Iskandariyawa khi pak mu khi yil Kilkiya khi Asia mu yhikil khi jaghar nder Stephen. 10 Mpe wuni bhi mukhi me ba ndhi mukhi shin membi khi Stephen ma, mpe ndhi nhi phi bhilip khi mbi man khi riin mhi Naan. 11 Bhi mu khar pak gurum mu mpe de mu sat sinah, "Mu khiling nhi phi fhilip Musa bhin tet Naan". 12 Dhi mu khiling ah si bhi mu khiding khi tukurnung yah daskakamu khi niyen ran wap mu, bhi mu yaa Stephen shin waji nthikim niyen diyel mu. 13 Bhi mu wakji khi langting dung mu nkah muk, muna gwo si phi bhilip wuban nkah yil si khi waar khimu mu. 14 Mu khiling nhi phi sat nah Jesu mhi Nazareth khi rhikip yil fun bin khi vhilling war ndhi Musa yit mun mu. 15 Ndhi gurum ndhi mu dhi mu lhi yit khikaa muk bhi mu naa vhilang khi bi Jep lep khi Naan mu si.