Ep fe 5

1 Megurum ndhi mukhi yong nhi ah Anaanias mukhi mat nhi Sapphira, mu seet khi mhar fut. 2 Bhi mu bah khi pak shakal fe (mat fe khi man eh) bhi waji khi gokoshi fe den ntikim niyen shiit mu. 3 Bhi Pita sat nah, "Ananias annang riin wubis del nbhizung ghi ye, deh ghi gap dung phi riin wubang deh ghi ba khi pak shakal fe ye?" 4 Ndhi mar fe nnoot seet bhi ah mak, ndhi ghi seet khi nhi bhi ah mak, aghi khi bal nkaah peh fe mhingha? Awe lhi bhi mmisi mbhizung ghi ye? Ghi gap dung si ah ngurum ma, ghi gap ah Naan". 5 Ndhi Ananias khiling bhi puta, muut, lukut thi gurum ndhi mu khiling bhilip si khiding. 6 Dengmar mu mang kum muk pwat mu wum. 7 Khidangkong hour kun bhi mat muk waji del man bi ndhi taah ma. 8 Pita tal nder muk nah, "gu seet khi mar fe ah sah? Bhi na eeh ah si". 9 Dhi bhi Pita sat nnhi na ame lhi deh niyo kaat pwo mpe kam riin khi Naan dhi ye? Yih khiling vungshi gurum ndhi mu wak nwum mis yih khi shin phi lhi mukhi mang yih shinput". 10 Dhi mbisi bhi puta mu'ut, ndhi dengmar wakji mu del bhi mukat mu'ut gwe, mu mang nhi shin put mu mwan mu wum nhi shighing (eskokop) mis dhi. 11 Lukut thi niyen mwan nder Naan mu khi niyen ndhi mu khiling bisi khiding. 12 Nvhir/khisher bi dhi nbhi nah mu khi bi fih pwo mu tah nsar khi niyen shiit Naan mu. Mu ndershak khidhing ndhi noon khi Sulemanu. 13 Lukut thi gurum mu mpe mwan awukhime khi mu, mpe ndhi mu mang ah niyen ndhi mu kus Naan bwer. 14 Khi ndhi asi bhi, niyen shin zeen mu phi nah yon det duh daas khi shorop. 15 Mu kok niyen gok mu shin pwat khiyar khika peteer mu, kakder ndhi khat Pita del yarkam bhi mhiriin muk khi bim pak mu. 16 Gurum mu bwer khi jep yil Jerusaleem mu wul khi niyen gok mu khi niyen ndhi mukhi riin wubis mu kat kakam (bal). 17 Bhi Firis wuyon yakal khiting khi gurum ndhi mu nder muk khiding (Jep darika mhi Sadukiyawa mu) mu khiling khi tukurnung mpe ndhi mu phi thilik mu. 18 Mu yak niyen shiit naan mu, mu bhal mu nlhi kwo. 19 Dhi asi fe, nlhipar bhi lah lep khi Naan ji eep lhi kwo fe, pwat khimu khibang bhi na, 20 "Gu mwan gu yah nlhi naan, gu sat bhilip ngurum mu nka seen ndhi tai tai". 21 Ndhi mu khiling, bhi mu wakya nlhi naan mphi bit mu kam kam. Bhi Firis wuyon fe khi gurum ndhi nder muk mu ji bhi yong pe mphi-thikim kuut diyel awukhime khi daskaakam fini mu ndhi khi yil Isarila, yakal langlep lhi kwo deh mu wakji khi niyen shiit naan ndhi lhi kwo fe mu dhi. 22 Niyen shiit ndhi mu mwan mu kat megwo nlhi kwo ma, bhi wakji mu bna khi pwo. 23 Mu kat lhikwo awubal, khi niyen tap phi peh mu phi lhi, bhi ndhi mu ohp phi lhi fe bhi mu kat megurum dhi ndhikin ma. 24 "Ndhi niyen phi tikim mu khiling bhi fih pwo nmu bhinshin muna deh du shinnang eh. 25 Dhi le bhi me gurum ji sat mu na "Niyen ndhi gu bal mu nlhi kwo si, mu nlhi naan phi kam kam ngurum mu". 26 Nhi wuyon fe khi niyen shiit fin mu mwan wakji khimu, mu nereng me sut ma mpe ndhi mu phi lwakat yak mukhi fiya dun khi pang. 27 Dhi mu wakji khi mu bhi mu ji khimu ntikim diyel. Nhi firis wuyon fe shin tal phi mu. 28 Nah, mu sat gun khi bal, tap yak shin gu kam kam megurum mu khi sim khimuk ma, bhi gu nokitik gu detikim khi nhi mpe ndhi gun phi dem de ntikim gwosi de nkamu dhi". 29 Bhi Pita mukhi niyen shiit mu, mu piring/lap muna "Atiit mmun mu khiling Naan met ngurum". 30 Na'an mhi Nda mu muh yakal khi Jesu ndhi gu kha khika shep bhi muut. 31 Nda Naan mang nhi shin ka khiting nsar sih denhi deh ah long khi ngu bam khi vwang shikbis (wubis) khi jep Israila mu dhi. 32 Mun ah langting bisi fe mu, khi riin wubang ndhi Nda Naan shin nniyen ndhi mu khiling jin". 33 Ndhi niyen phitikim diyel mu khiling bhi bhizung mu yakal bhi mu phi dem tiyo niyen shiit naan si mu. 34 Me gu Farisawa dhi ndhi sim muk ah Gamaliyel, nhi ah ngu kam wa'ar ndhi mu shin yon nnhi alhile ma, yakal dhi nlhi diyel, lhi mu pwat khi niyen shiit naan fe mu khibang le dangsi. 35 Bhi sat mu, "Gun gurum Israila mu, gu lhi engu mpe bi ndhi gun phi leng shin khi niyen shiit naan si mu. 36 Dang de she teer ndhi si mu dhi, Theudas yakal bhi den shini ah membi bhi gurum mu ndhi mu wul yak gurum yit yaagurum (400) mu ah wukhime khi nhi. Mu thi nhi. Mu rangkah khi gurum khimuk mu mu mak shin membi ma. 37 Khidangkong muut khi Judas mhi Galilee yakal ndhi mu phi kam gurum mu, bhi dhil gurum mu nder nhi. Nhi thikok a wukhime khi gurum ndhi mu nder muk, niyen ndhi mu nder muk mu rangkah. 38 Khidetsi ah sat ngun, gu nok mwan nder niyen si mu si, gu yit mu dhi; kat ah shiit sar khi gurum bhi khi deltikim ma. 39 Mpe wuni, kat a shiit mhi Naan bhi gurum khimak rhikhip fe ma; gu khiling ah gun phi liyak ah Naan" mu dhil en mu. 40 Mu yong niyen shiit Naan fe mu ndhikin, mu bwap mu, yakal mu taat sar mu yakba mukhi lap bhilip khi sim ndhi ah mhi Jesu yakal mu bwot mu. 41 Ndhi mu yikil nthikim niyen diyel mu bhi mukhi bhizung piya mpe ndhi du shu wula/jel mpe sim mhi Jesu. 42 Yakal dhi bhi mu mwan shio lhi sshi lhi khi lhinaan mu phi kop pwo Naan ngurum mu ndhikin sim khi Jesu Khristi.