Ep fe 3

1 Peter mukhi Jon mu mwan yah nlihnaan mpe dang Naan. 2 Me gurum nhi dhi ndhi mu lah nhi ah kungkuut mu phi mang nhi den phi lhi naan shi bhit shi bhit de nhi dang dang dhi. 3 Ndhi nah Peter mukhi Jon mu mpe roh lhi naan, bhi dang dang nder mu. 4 Peter mukhi Jon mu lhi yit kihkaah muk muna "Ghi na mun" 5 Kungkuut si namu, nhi phi nah khibi ndhi jin mpe kat membi nder mu si. 6 Peter sat nhi na an khi sshakal ma, bi ndhi an khini bhi a shin anhi nghi, "ndhikin sim mhi Jesu Kristtti Nazareth ghi mwan mwan. 7 Ndhi Peter yah nhi nsar wu sih bhi eep nhi, leh bhi kwak kungkuut si bal. 8 Ndhi dahap yakal bhi ya mwaan mwan bhi rhi ndhikin lhi naan nder Peter mukhi Jon, nhi phi kos nahpeer phi sam sim Nda Naan. 9 "Gurum ndhi mudhi munah nhi phi mwan yakal sam sim Nda Naan." 10 Ndhi mu nah nhi bhi mu phi tankoh nkah muk, ndhi si ah kungkuut ndhi tong khi dang dang philhi naan si maah - ahp pwo mu bhin phi mu mpe bi ndhi munah. 11 Ndhi nhi phi yah Peter mukhi Jon bhi gurum mu bwer mu mwan ndermu khipe nhook khi Sulemanu, mu phi ahp pwo khi bhi ndhi du nah khiyit du. 12 Ndhi Peter nah asi bhi piring/lap mmu nah "Gun gurum Isarila mu, Ame phi put ngun ye? Annang gun phi nah mun deeh khibi ndhi mulhi nhi mwan ashi bal fun sihye. 13 Naan khi Ibrahim, Naan khi Ishaku khi mhi Jacob , Naan ndhi nhi amhi Nda fun mu shin yon kwaram khimuk Jesu. Anhi ndhi gu niyang nah yit muk ntikim Hirdus ndhi nhi phi dem bot nhi. 14 Gu niyang pe bang khi zeen, gu lap ngu thikah nkop muk. 15 Gu thi kar se'en ndhi Naan yakal khini, mun ah langting fe. 16 Ndhikin sim khimuk, khi shin zeen khi sim khimuk anhi shin bal khi kakam ndhi mun phi nah fe. 17 Emnikin nhi mu aman dhi gu shin asi ah nbut shiin khi man khibi ndhi niyen phitikim fuk mu gyet mu shin si. 18 Mpe wuni fe, mbhi ndhi Nda Naan giyet sat phi niyen Jakam mu nah Khristi khi shu jel/wula gam khidet si. 19 Gu thiwap deh mu kon khi shikbis fuk mu ngun dhi. 20 Mpe deh tongshakap kot khinar mu khi Nda Naan dhi, deh mmun mu lhi yit mpe nah Jesu Kristi dhi. 21 Ah tiit deh nhi dem asi dhi waji rhi nviling khi jep bi mu ndhi bhiting khibi ndhi mu khiting mphi Jep lep mu wugiyet. 22 Musa sat nah, Ndah Naan khi eep meh ngu jakam khibi ansi nnar emnhikin gu mu; gu khiding bi ndhi nhi phi sat ngun. 23 Gwo ndhi niyang khiling ngu jakam si bhi khi thikok khinar gokoshi gurum mu. 24 Asi, khi niyen jakam ndhi yakal Samuel khi mu ndhi mu wul khidangkong muk, mu sat bhilip nteer wuni fe. 25 Gun ah jep niyen jakam si mu nbut shwar-shik ndhi Naan shin khi bhikam fun mu, ndhi sat Ibrahim, 'Ah ndhikin sherem/nkaan fik bhi mu lhi wuret mu. 26 Khi dangkong yakal kwarem fe bhi she lep anhi ngun dangsi, nhi vhiling gun nbut wubis fuk mu dhi.