1 Ndhi mu pe ben mu yikhil mvhing am mpe wak ya Italiya, bhi mu yit Bulus khi sar pak mu dhi mlhi kwo, khisar me dengmar ndhi mu khi yong sim muk ah yulias ndhi pe kur mhi Agustus. 2 Ndhi mu del mbut me mvhing mhi Adaramitiya ndhi nih mwan ya mpak yil mu phi kom Asiya. Mu mwan nkong am Aristarkus ngu Tasalonika khi yil Makidoniya ah wukshime khi mun. 3 Dhi dhar fe bhi mu mwan mu rho khi yil sidon. Dhi mbisi bhi yuliyas shin wuret nBulus/shawulu shin peh nih mwan mder shar nih mu de nhi kat bam dih. 4 Dhi mbisi bhi mu yah nkong am ndhi mu phi yong nih ah kubrus mpe ndhi kokom phi dem khi mun ma. 5 Dhi mu dhik am si mu roh kus khi kilikiya, khi Bamfiliya bh mu mira khi yil likiya. 6 Dhi mbisi bhi khinshong kat me nving am mhi Iskandariya ndhi nih mpe mwan khi yil Italiya, dhik mun dih. 7 Ndhi mu mwan nbut nvhing am si le le mpe theer mu bwer, mu shu jel dang deshe mu roh kus khi kinidas dih. Dhi kokom dam mun mpe kam nthikim, bhi mu pet ndangkong phikom karita kus khi Salmoni. 8 Mu pet phikom fe khi wula, deshe mu roh mepe ndhi mu yong ah (Amintaciyar mafaka) ndhi kus khi yil lasiya. 9 Mu mang phe dih bwer mwan fe lhapwo, pe mu wet khi meem del, bhi Bulus shin kar mu. 10 Sat mu nah, "dassoh, an anah mwan si ah bhilang khi mangshik bwer, ba amhi leh khi nvhing det ma, awukhime khi seen mu." 11 Khinshong lhi ehn nih khika mgu tuk nvhing fe khi mgumbi nvhing am fe, khi jep bi ndhi Bulus/shawulu nih sath. 12 Khi wuni bhi petong fe ret deh nvhing am/girgi mu tong dhi mpas ma, dhi bhi mu shin karmu dhe mu shepe, koye anang bhi du mwan du roh finikiya, me pe dhi khi yil karita, khi sar kansikin khi pus kah. 13 Ndhi kokom sar kansikin(kudu) del bhi niyen thuk girgi mu kat bi ndhi dum phi dem fe, mu dhil teng girgi shin ji phikom kong fe. 14 Ndhi de dih leh bhi me kokom wu bal bal ndhi mu phi yong ah "yurokilidon"tahap pe dih mbisi. 15 Ndhi kokom si shit girgi /nvhing si bhi mu tong deh ah nih nah pe ndhi khi pet dhi khi mun det. 16 Ndhi mu pet shi esokop ndhi mu khi yong ah kauda bhi yah kha girgi/nvhing si. 17 Khidangkong ndhi mu dhil girgi wule si nbut wuyon fe, mu shin me sen mu bwakat teng mbhider girgi wuyon fe deh nih pan si leh dhi yak kon mu phikom esh. 18 Mpe dhi vuun (Lhibin) phi dam mwan ah wuret ngirgi(nvhing am) dih dhi dar fe bhi mu kok leh ndhi mbut girgi fe mu shar mbut am. 19 Nbut ter wu kun, bhi mu shika sut mu shar leh shiit girgi (nving) fe. 20 Ndhi mu shin teer mu bwer mu mah puus khi zar ma, bhiga kokom khi lhibin yakal, ndhi mun mu pwat khi leng ndhi mun mpe bar. 21 Ndhi mu shin ter bwer nnot nsih sih bhi Bulus (shawulu) yakal dar khinar bhi sat nah, "kat ye gu khiling bhilip fhin,bhi ye gu yit yil karita dih de gu thik mbuta wula si ma. 22 Khidet si an phi shin karngun gu thi tukur gu bal bal, mpe dhi me gurun khi bhilang nkop seen nhi ma, gu bhilang ah nkop girgi (nvhing) fe det. 23 Mpe ndhi dhidikin nlhipar bhi me lah lep khi Na'an ndhi an ah gurum khimuk an phi dhik yil nih dar kus khi am. 24 Sat nah ghi lukutsi Bulus (shawulu), ghi nah mpe dar nthikim kaisar, Nda Naan dem ghi bhin khiling dang fhik mpe de nshar mwan fhik mu kat tong shakap dih. 25 Mpe wuni bhi gu lhi tukur kakam gurum mu, mpe ndhi ah shin zeen, khi de ahkhibi bi ndhi giyet mu sat nnan si. 26 "Ah tiit de mun mu mwan khi pak yil wu fhi mu". 27 Mbut teer wu sar kah feer ndhi mu phi gong mun,dhi naar lhipar bhi niyen tuk girgi am si mu na khi bih ndhi ji du roh kus khi pe wu fhi si. 28 Bhi mu kam jong khi am, mu kat am dhi makpe, bhi mu del kam nthikim, bhi mu kam, mu kat pan lhin len. 29 Mu phi lwakat yak san mu sihkang khi lar bhi mu wut pe na sih fe teng fer, de nhi mwan lele dih, mu sha mangye bhit hang. 30 Nigen tuk girgi (nvhing) fe mu, tang sho yit dih,mu lep girgi wule fe shinsam ndhikin am, mpe ndhi mu phi nah khibi ndhi ye dhu dhil teng ndhi nthikim fe bhi du bot nhi si. 31 Bhi Bulus (shawulu) sat nkhinshong liyak mukhi soja nah "kat gurum shi mu diyarem ndhikin girgi fe ma, bhi bah bi ndhi mukhi shin de mu pwat dih ma". 32 Soja mu ghirip teng girgi fe mu yit nih mwan khi ka am. 33 Ndhi bhit wuikus khi bang bhi, Bulus sat mu nah, niyo sham sih; Bhi nah, "shini ah teer wu sar pow feer ndhi gun phi tong nnot me sih. 34 Ahm phi dang shi phi gu, gu shi shi de ngun gu kat bal dih, me kah khi piyan ngun ma. 35 Ndhi sat ah si mang ghil nguk, shin plang Nda Naan khi ka fe, therep koh mu, mu shi. 36 Mu kat bal shop sut mu, mu shi kah sut mu sih sih. 37 Mun duduk ndhikin girgi fe ah gurum yak gurum sar pwo kun ki peme. 38 Ndhi mu sih mu ihkil bhi kok lok thikin khibi alkama mu si, mu shar mbut am deh nih fiyel girgi fe dih. 39 Ndhi bhi bang bhi man yil fe ma, mu nah ghotong pe khi kam si phikon kong, mu tong mu ben kot du dhi girgi shin kam dih. 40 Mu ghirip (anchor) fe mu, mu itdi mbut am, mu kos pe yah girgi fe, de nkokom kat pe bet girgi fe dih mu del kam nthikim. 41 Ndhi ji mu rho me pe ndhi kong kaat dhi bhi mu bet girgi fe shin kam phi ees, mpe wuni bhi girgi kudi khi ther ma, nlat fe bhi ya rhokop msar lu am wu bal mu 42 Bhi soja mu den bhizung du, mu ma du tuwo mu wubis yak mu khi mbhirip. 43 Bhi me dengmar ndhi nih phi dem put khi kah Bulus, daam (niyang) bhilip ben khi mu yakkal shin pe mah gwo ndhi man eet am bhi mu eet wakam phikom ees. 44 Gokoshi mu, pak khi kah shep pak khi girgi, asi fe deh wakji mu rho phikom ees dih khiding khi mu.