1 Ndhi mu pwat shakap, mu khilling mu ma sim yil fe ah matta. 2 Surum khi yil fe mu shin wuret mum ndhi del phi del, mpe ndhi mu bhil wus mum duk duk mpe ndhi fwan phi wul, kut zukum duk. 3 Ndhi Bulus kok ghet sheep den mwus, bhi me nwoh put msar ihkhin, gap ka khi sar muk. 4 Ndhi gurum khi yil fe mu nah nwoh wubis si khi ka sar Bulus bhi mu sat mshak muna " Asih gwo si ah mgu hi kah" pu shakap mphi girgi khi mut 5 Bulus waht nwoh fe shinkam nbut wuus, kat shwal ma. 6 Mu phi nah khi bi ndhi pe fe khi fwak si; ma bhi khi muuk si, ndhi mu bhi nah membi kat nih ma, bhi muma gwo fe ame naan. 7 Dhi mepe kus me mar dih ndhi ah mhi long yil ndhi sim muk ah Babiliyas anih lap mun, sih, khi mun mpe teer kun. 8 Khi na kan mdah Babiliyas nih khi ter ndhi, lah piip ya nih khi kokot. Bhi Bulus del der muk yakkal dand phi Naan, thi sar khi ka muk bhi kat kakam. 9 Ndhi mu nah asi bhi mu kok niyen gok mu shin ji nder muk, mu kat bal khi kakam shop sut mu. 10 Ndhi mum mpe yikil del bhi gurum mu shark zukum mu mun bwer, duk bi ndhi ndhi mun phi dem mu. 11 Khidangkong tar kun bhi mu yikil nmbut me girgi mhi Iskadariya ndhi shin yil dih mu shin me kakal (alama) nih khi jep Jan ndhi ah daas mu. 12 Ndhi mu rho me yil ndhi mukhi yong nih ah sirakusa, bhi mu shin ter kun mbisi. 13 Dhi bhi mu shikir mu mwan mu rho Rigiyum mu ter dih, kokom yakkal nsar kansikhin, dar fe bhi mu rho khi yil Butiyoli. 14 Dhi mbisi bhi mu kat me emnighmnu mu, mu dang shi phi mu de mun shin teer pokovhil ah wukhi me khi dun dih asi fe ji mu rho Roma. 15 Ndhi emnighnmu mu ndhi mbisi mu khiling kop mu, mwan kat mun nkaswa Abiyus khi pe ndhi phi yong nih ah maciya kun. Ndhi Bulus nah mu bhi shin plang Nda Naan, mu kat bal nshop sut 16 Ndhi ji mu rho Roma bhi Bulus tong mhi kah shin ah wukhime khi ngu tap phi muk. 17 Khidangkong ter kun bhi yong mu wunan khi yil yahudawa, ndhi mu kaat (kur) lat bhi sat nmu na, emnighn nhi mu, ah sham shin wunis ngurum fun mu ma, shin bin ah del khi ka waar mhi bhikam fun mu ma, mu niyang yit nhi, mu bwakat ahn khi yil Roma mu nurshalima. 18 Khidangkong ndhi mu tal tal mu shiphi mhi, mu phi dem bot ahn, mpe dhi mukat me wuhis ndhi ah shin mak lap mu'ut mah. 19 Ndhi gurum yahudawa mu dem ma, bhi ah mwan khi bhilip fe nthikim kaisar, ba ampe ndhi an phi diyel khi gurum fun mu ma. 20 Ah pe wuni fe de ahn phi dem de mun khiling nshak khi gun, mpe dhi ah mbut zeen deh gurum Israila mu niyang yil nhi, mu bwakat ahn dih." 21 Bhi mu sat nih munah, "Dun du kat me ran khi ka ghi ndhi tong yahudiya ji ma, me emnighn mu ndhi sat bhilip fhik bhi me bhilip wuban nka ghi ma. 22 Mun phi dem khiling nder ghi bi ndhi nih n'en ghi, mpe ndhi kot mu mwan mpe en pe dkik yil si bhi mu niyong gwe. 23 Ndhi mu mang bhit den nih mu ji khipe ndhi nih khi tong dih mu bwer nih phi kam phi fe mu, nkah pwo Naan, yakkal mbit ji rhi nkansikin, nih phi kam rhikit Jesu mu nka yar mbi Musa khi ran wubang khi mu wugyettt bhibiit. 24 Bhizung pak mu tep khi bhilip khimuk, pak mu niyang shinzen. 25 Ndhi mu niyang khiyang khiling nshak deshe mu rang dih bhi Bulus lap me bhilip mu khi me, mah "khi na riin wuband sat ah zeen, ndhi sat bhilip mbhikaam fun mu mphi gu lep Ishaya nah; 26 Ghi mwan nder gurum si mu, ghi sat mu "gu khiling dak-koh bhi gu man ma ko-lee gu nah bhi gu man mah ka-lee. 27 Mpe ndhi bhizung gurum si mu bal, mu dwakar kom du, mu okot yit du yak du nna-khi yit, gu khiling khi kom gu, deh shin gu man mbhizung gu, deh gu wakji nder nhi de ngun gu kat wuret dih. 28 Mpe wuni fe bhi gu man ndhi but-ban khi Nda Na'an mu lep khi nih mpe mu hi mu khiling ma, mu khi khiling. 29 Ndhi bhilip asi bhi yahudawa mu jakar khishak. 30 Bulus tong dih nlhi ndhi nih phi kwat fe mpe yii vhil, nih phi kaat gurum ndhi mu phi ji nder nih. 31 Nhi phi kop pwo Naan, yakkal kam bi wuret mbi Naan Jesu gu ban khi bhizung khi me, mnot mlukut.