1 Ndhi Festus ji rhi khi yil lhini bhi shin ther kun det bhi yakhal Kaisariya del yah Urishalima. 2 Bhi niyen nen Firistoci mu khi nyen nan Yahudawa mu ji khi bhilip khi kha Bulus der muk mu phi dang shi phi muk. 3 Mu nin gwar ba-am den gwar lep deh mu, mu lep khi ni shin wa ji Urishalima, peh dhi mu bwakat gwe dhi kwalap mu khi thi nik khi yar. 4 Dang bhi Festus lap mu nah, "Bulus nih a wu bubwakhat Kaisariya deh a sih deh ye an phi dem ya dih nther sih. 5 Shin sat mu nah, "Peh dhi a sih bhi pak wu nan mu nbut gu mu mwan der nhi deh kat gwo sih shin bis bhi gu ji khi bhilip khi kha muk. 6 Deh dih bhi del phi ther pokhokun ma bhi sar det der mu bhi yakhal ya Kaisariya. Dar feh bhi kah tong khi khah pang tok diyel, duk bhi yakhal shin dhikhil nah nyo ji khi Bulus. 7 Ndhi ji bhi Yahudawa dhi mu twakat Urishalima mu shikhir nih shikhir khat deh mu phi ji khi bhilip mu shini-shini nkah muk dhi mu a wudar khah feh ma. 8 Bhi Bulus yakhal dar phi shinih nah, "A shin me bih dhi del khi kha wa-ar diyel Yahudawa mu mah, khi peh dhik yil Na'an khi mu mah, shin a shin bis Kaisar mah. 9 Festas zak peh dhi nih phi dem deh Yahudawa mu dem nih dih bhi sat Bulus nah, "Ghi dem deh mu wak yah khi ghi nUrishalima deh mu tok diyel sih dih pwonsih nthikhim nhi-ah? 10 Bulus yakhal lap nah, "An a dar sih khinar peh tok diyel Kaisar, peh dhi ret deh mu tok diyel an dih, a shin bis Yahudawa mu mah; ghi shi khah sak ghi man ndhi a sih." 11 Kat an a gu shin bis wai dhi shik bis fhin khi lhi dhi mu khi thi an bhi, a sih mah; dang bhi kat me ze-en dih nbut bhilip dhi mu khi nih khi kha nhi mah bhi meh gurum mak dhi khi shin an mu deh mu thi an dih peh deh nih piya phizung mu dih mah. A dem dhi yeh mu mang bhilip fhin shin kah thikhim Kaisar. 12 Khi dangkong dhi Festas tong khi nyen tok diyel fhin mu bhi yakhal sat nah, "Ghi sat ghi lhi ghi phi dem yeh mu khi mang bhilip fhik mu kah khini nthikhim Kaisar! Mu peh mwan khi ghi der Kaisar. 13 Khi dangkong jep ther mu bhi, Long dhi mukhi yong nih a Agaribas, khi long dhi mu khi yong nih a Barniki mu ji Kaisariya deh mu mu kha'at Festas khi wul dih. 14 Dhi mu shin jep ther mu dih bhi Festas yakhal mang bhilip Bulus shin ji mu nah, "Me gurum dih dhi Filikus yit nih a wu bubwakat lhi kwuoh." 15 Ndhi dok dhi an Urishalima bhi niyen nan Firistoci mu khi niyen nan Yahudawa mu, mu ji khi bhilip khi kha muk mu phi dang der nhi deh an a yah nih khi diyel dih. 16 An yakhal a lap mu a lhi, "A fiyar Romawa mu mah deh mu yah gurum khi diyel det peh deh nih piya phizung gurum feh mu dih, no-ot gwo dhi mukhi bhilip khi khah muk khi niyen dhi mu ji khi bhilip feh mu ji mu tirhop nthikhim diyel deh nih lap khi phinih dih mah. 17 Peh dhi asi bhi dhi mu ji bhisih khishak bhi a yah ba a dem mah (a shin mah). Dhidar feh bhi a kha-a kah a tong khi kha pang tok diyel duk bhi yakhal a shin bhilip shin kam mu deh mu ji khi gwo feh dih. 18 Dhi nyen bwot bhilip khi kha muk mu yikhil khithing bhi a nah mu ji khi meh bhilip wubis dhi yeh a nah a lhi yak mu khi ji khini mah. 19 Bhi ba mu ji a khi me bhilip mu khi kha yar dhik yil khi shinze-en Na'an fut, yakhal khi me gurum dhi mu khi yong nih a Jesu, dhi munah gyet mu'ut gwe bhi Bulus nah gwar dih khi se-en. 20 Dhi a man yar dhi an peh bil/nah bhilip sih dih mah, bhi yakhal ba a tal phi Bulus a lhi gwar bhi sih bhi gwar phi dem mu mwan khi gwar Urishalima deh mu tok diyel khikhah bih dhi mu bhilip sih-ah? 21 Bhi dhi Bulus dang deh yeh mu khi ter bhilip feh dang Augustas nah pak dih bhi, a shin bhilip shin kam mu a lhi nyo bal nih lhi kwo shin kam dang deeh she a lep khi nih shin kam Kaisar dih. 22 Bhi Agaribas sat Festas nah, "An duk phi dem yeh a khilhing gwo sih shi kha nhi." Festas yakhal nah, "Dhar ghi khilhing nih". 23 Dhidar bhi Agaribas mu khi Barniki ji mu rho khi khipe wuyon, yakhal mu rho khipe tok diyel a wukhime khi nyen phithikhim lyak mu, yakhal nyen nan dhi mu phi khilhing khi mu khi yil feh. Duk bhi yakhal mu rho khi Bulus, dhi a Festas sat nah nyo ji khi nih. 24 Bhi Festas sat nah, "Ndah Long Agaribas, khi nyen dhi mu a wukhime khi mun bhi sih, gu nah gwo sih dhi Yahudawa mu dhi bhisih khi dhi Urishalima mu bwot diyel khi kha muk nthikhim nhi munah ret deh an a yit nih khi se-en mah. 25 Dang bhi an a nah a khat shin me bih dhi khi lhi deh mu mang se-en muk dih mah. Khipeh dhi nih dang nah yeh mu khi mwan khi diyel fhin a thikhim Augustas, bhi an peh lep khini dih. 26 Nder nhi bhi an khi meh bhilip wu bal bal dhi a ran khi khah muk shin kam ndah wuyon mah, asih deh a ji khi nih nthikhim gu dih, Ndah Long Agasibas, deh khat gu bil/nah bhi kot sih a khat meh bih dhi a ran dih. 27 Peh dhi khi yil lhi mu bhi a yokhor deh mu lep khi gurum wu bubwakhat det no-ot mu ran shikbis dhi nih shin mah."