1 Khi dangkong ther phat bhi Firist wuyon dhi mu khi yong sim muk a Hananiya ji a wukhime khi pak niyen phithikhim mu yakhal meh gu dhis dhi mu khi yong nih a Tarkulus, mu ji khi diyel nkhah Bulus nthikhim Long. 2 Dhi mu yong peh Tartulus deh ni rhi khi diyel kah Bulus dih bhi sat gu yah peh feh (Governor) nah, "A peh ghi deh mu khat tong shakhap wuyon dih, yakhal nah peh thikhim fhik lhi deh bih wu pwo mu ji khi yil sih dih. 3 Mun khi plang dhi khi lat-lat mah peh bih dhi ghi phi shin nmun shipe-shipe. 4 Bhi dak ko bhi sar yak mu lhi petong ghi bhi yeh ghi mokhor ghi khiling lah bhilip dhi mun khi nih. 5 Mu khat gwo sih a gu tang shik khi lhi jakhar khinar Yahudawa mu khi yil sih. Nih a gwo phithikhim niyen Nazaret mu. 6 Nih phi tang yeh ji thikhok khi peh dhik yil fun mu, deh arih deh mu yah nih dih, peh deh mu thok diyel nnih nkah wa-ar dhi mun khi nih. 7 Bhi meh gu phithikhim dhi mu khi yong sim muk a Lisiyas ji dwan nih sar mu shi bhal. 8 Bhi shin bhilip shin kam nah niyen ji khi bhilip nkah mu deh nih ji dar nthikhim ghi dih peh dhi kat a ghi ghi thal phi muk bhi ghi man bhilip dhi mu ji khini khi khah muk. 9 Yahudawa mu duk mu ther dangkong bhilip feh, muna asih feh wai. 10 Dhi gwo yil feh shin peeh Bulus deh nih sat bhilip dih, bhi lap nah, "Peh gyet a man ghi shin yiih mu bwer ghi phi thok diyel niyen fhik sih mu, peh dhi asih bhi an khi ret yit deh an a sat bih dhi phi mwan dih. 11 Ghi shi kah sak ghi man dhi met ther sarka-vel mah ndhi a mwan Urishalima peh dhik yil Na'an. 12 Dhi mu kat an dhikhin lhi dang Naan bhi mu sham kat an phi bakhal shik khime gwo mah, a jakhar me gwo mah, shin a lhi deh gurum mu khi yil khi dhi lhi dang Naan mu yikhil khi jakhar mah. 13 Shin mu peh mak nin ze-en khi kha bhilip dhi mu khi nih khi kha nhi sih mah. 14 Khidetsih bhi an phi fu-ut phizung nhi khidhing shin ji ghi nah, "an phi dhik yil khi yah waa-ar nyar mhi bhikha'am nhi mu phi dhik yil Naan dih. 15 An phi den phizung nhi Naan khi peh dhi mu phi den phizung du nnih sih, dhi nin dhi par mu khi yikhil khi niyen dhi mu dwam dhi mu shin wuret khi dhi mu shin wuret mah, khidhing. 16 Peh dhi asih deh an phi tong da-ar deh yak a shin me bih wubis Naan khi gurum mu mah. 17 Khidetsih khi dangkong yih mu bwer bhi a ji peh deh an a shin zukhum khi nin plang yil fhin dih. 18 Dhi a shin bhisih, an khime dhikhin lhi Naan bhi pak Yahudawa mu dhi mu tong Asia mu nah an a gu bubwakhat. 19 Ret feh bhi ye niyen sih feh mu khi ji thikhim ghi deh mu mu bhilip dih, kat mu khi meh bhilip khi kha nhi. 20 Ma bhi niyen sih feh mu sat wubis dhi a shin mu, dhi a dar thikhim peh diyel wuyon (Majalisa). 21 A bhilip wu khime sih det dhi a sat dhi a dar khi nar mu nah, "A khikha bhilip yakhal khi dangkong mu-ut, bhi gun phi tok diyel an-ah! 22 Filikus dhi nih khi man bwer khi kha kha'an bhilip dhi sih mu bhi yakhal sat mu nah nyo diram dang, shakhal sat mu nah, "Khat gu phithikhim khi nyo Lisiyas wawul bhi ji gap diyel. 23 Yakhal shin bhilip gu phithikhim niyen lyak mu nah gwar bal nih, dang bhi gwar shinm peh deh sha'ar muk mu khi mak ji ba'am nih shakhal mu shin bih dhe nih phi dem-eh dih. 24 Khi dangkong jep ther mu bhi Filikus mu wakwul khi mat nih Durusila, dhi nih a Yahudawa, yakhal lep - deh mu mu ji khi Bulus dih, deh khiling bih dhi mu khi yong a shin zeen Jesu gu ba'am fun dih. 25 Dhi Bulus nih phi bhilip khi kha shit wuret, khi yah khah suk, yakhal khi bih dhi khi khat gurum, khat shin mu mah, bhi shishik Filikus dam, det bhi sat Bulus nah gwar wa, dang khat yak ji khat peh bhi dang ji yong gwar. 26 Dih duk bhi nih phi nah a khipe dhi Bulus nih peh shin shakhal njin deh a sih deh tong yong nih nkhah-nkhah deeh mu bhilip bhilip dih. 27 Khi dangkong yih vel bhi Borkiyas Festus lap khop khi dangkong Filikus. Filikus dhi nih phi dem bor mat-dem der Yahudawa mu bhi yit Bulus a wu bubwakhat (lhi kwu-oh)