Ep fe 22

1 Emnhighin nhi mu khi niyen phithighim mu gu khiling phishi bhilip dhi an peh sat ngun khidetsi. 2 Dhi mu khiling nih phi sat bhilip ndun a khi lhis Yahudanci bhi mu tong kot deh mu khiling nih dih. 3 An a gu Yahudawa, lah wu lah but Tarsus, khi yil Kilikiya, dak ko bhi a yon a bhisi, shin a tang ran a der Gamaliyal khi kha wa-ar dhi a mhi bhikham mu mu, deh a shin ze-en bhilip Na'an khi phizung khime khipe dhi gun dih shini sih. 4 A shin je-el niyen mwan der Naan mu, a tyoh mu, da'as khi shorop, shin a dyan mu a lhi -lhih kwo-oh. 5 Niyen Nan Firist mu dhi a mu a phithikhim gurum fut mu dhi a thal a der mu deh mu shin yar am peh mwan yak emnhighin mu mu Yahudawa, yakhal a mwan Dimashku sam a yak niyen mwan der Naan dhi mu dih a wakha khi mu Urishalima a dyan mu shin a shin je-el mu. 6 Dhi a wul kus khi Dimashku, pus khi na-ar bhi peh milap halak sam bang an shikhir ka-at. 7 Bhi a khat mebi mang an kon yil, yakhal a khiling meh dhikhil nih phi sat nah, "Shawulu! Shawulu! A meh lhi deh ghi phi shin je-el an dih-yeh? 8 An yakhal a lap a lhi "Ghi a we-eh Ndah? Bhi nah, "A an a Jesu gu Nazareth dhi ghi phi shin je-el nan". 9 Niyen dhi mu a wukhime khi an mu nah peh milap feh dak koh bhi mu khiling bhilip dhi gu bhilip sih sat an mah. 10 Bhi yakhal a sat a lhi, "Deh ashin a me ye, Ndah Na'an? Bhi Ndah Na'an sat nan nah "Ghi yakhal ghi rhi Dimashku bhi mu sat bih dhi ghi peh shin dih pwon sih. 11 Dhi a nah peh mah peh milap sih bhi niyen dhi mu yak mun a wukhime mu yah a yah sar nhi deh mu del an shin kam Dimashku dih. 12 Meh gwo dhi mu khi yong sihm muk a Hananiya, dhi nih a gu dhik yil Na'an wuret khi yah wa-ar khi muk, deh Yahudawa dhi mu khi tong dih mu phi saham nih dih. 13 Ji dar kus khi an bhi yakhal sat nah, "Emnhighin nhi Shawulu, mang yeh yit nah peh fhik waji nghi. Dih wai bhi yit nhi ehp, yakhal a nah nih. 14 Bhi sat nah, "Naan mhi Bhikham mu mu shang ghi peh deh ghi ghi man no-ok muk dih, ghi nah gu shin wuret khimuk, yakhal ghi khiling bhilip dhi nih peh sat ghi. 15 Peh dhi ghi peh bor a langthing khi muk ngurum mu but bih mu dhi ghi nah khi yit ghi shin ghi khiling khi khom ghi. 16 Khidetsih bhi ghi phi tap a phi me yeh? Ghi yakhal mu shin Baptisma ghi deh nih vwang shikbis fhik but yong dhi mu yong ghi dhikhin sihm khi Ndah Na'an. 17 Ndhi a wayah Urishalima, deh an phi dang Na'an lhi Na'an bhi me sukhun ji nan. 18 Na'an nih phi sat nan nah, "Ghi shin ber-ber ghi put Urishalima peh dhi mu peh dem langthing dhi ghi peh shin kah nhi mah. 19 An yakhal a lap a lhi, "Ndah, mu shi ka du mu man dhi ghet a mwan shi lhi Na'an shi lhi Na'an deh a dyam niyen mwan der Na'an mu, shin a bwap mu dih. 20 Ndhi mu khon khi thikhim Istifanus, dhi nih a gu shin ze-en/langthing ghi sih bhi gyet a dhar dih phi ther dangkong bih dhi mu phi shin deh yeh a kang phi leh niyen thi nih feh mu dih. 21 Bhi nih sat nnan, "Ghi yit peh feh, peh ndhi an a lep ghi shin yah nGalili." 22 Dhi mu phi khiling an deh ji mu khiling sim philip sih det bhi mu fwa ohr muna, "Gu shin khi nih, Gu thi nih, gu bak khinar muk khi yil sih, peh dhi ret deh gurum wuni feh tong khi se-en mah. 23 Dhi mu wet phi fwa ohr bhi mu wet tong del leh shi-shik muk shin mu khok wurwum mu lhi khi del muk. 24 Bhi gu phithikim niyen sih mu lhi mu mwan khi Bulus nmhit shin yah khipeh tong niyen lyak-yil mu (soja) khi bwap peh dhi man bih dhi lhi deh mu phi fwa ohr khi kah muk dih. 25 Khidangkong dhi mu dyan nih khi teng ihr-as bhi Bulus yakhal sat me wuyon niyen lyak mu dhi khi dhar kus khi nih nah, "A khi yar ah, deh gun gu khon shi-shik ngu Roma khi ihr-as det no-ot gu thok dyel nih ah? 26 Ndhi gwo wuyon khi niyen lyak sih mu khiling asih bhi yakhal mwan khi kat ngu phithikim niyen sih mu deh thal phi muk nah, "Ghi phi dem shin a meh ye? Gwo sih a gwo Roma koh? 27 Bhi wu yon khi niyen niyang mwan der Na'an sih mu ji thal phi Bulus nah, "Ghi sat ze-en nan, ghi a ngu Roma ah? Yakhal Bulus lap nih nah "eeh". 28 Gu phithikim niyen sih feh mu sat Bulus nah, "Jin ji thi a bagah shakhal deh ji bor a gu Roma dih". Bhi Bulus zak sat nih nah, "jin mu lah jin a gwo Roma." 29 Dih bhi niyen dhi yeh mu peh shin thal nih mu yit nih dih, shin nih ngu phithikim khi mu dhi khiling dhi Bulus nih a gwo Roma bhi lukhut thi nih peh dhi a nih bwakat nih. 30 Dhi dar feh bhi dhi gwo phithikhim niyen sih mu phi dem deh nih man phishi bih dhi Yahudawa sih mu ji khi gwo sih nthikhim nih dih, bhi yong peh niyen nan khi mu khi niyen thok diyel khi mu khidhing duk bhi yakhal fwon Bulus deh lhi nih sam dar khi na'ar mu dih.