Ep fe 21

1 Dhi mu gap shak khimu bhirit bhimu rho vhing am deh mu yak yar ji mu rho phikong Kos deh she dar mu rho phikong Rodusa, dang she mu rho Batara dih. 2 Dhi mu kat vhing am peh tah ka khi yil Finikiya bhi mu rho dih mu del. 3 Dhi mu rho phikong Kubrus bhi mu yit nih khi sar kul yakhal mu ya yar mu wakya khi yil Suriya deh ji mu sam Taya dih peh dhi vhing am feh nih peh sam khi lhe mu a bhisi. 4 Dhi mu kay peh dhi niyen mwan der Naan mu dih, bhi mu tong dih peh ther pokhovel, yakhal rhi-in wubang lhi mu deh mu sat Bulus mu nah gwar nhok mwan Urishalima sih. 5 Dhi pu;us dhi mun peh yikhil shin bhi mu yikhil mu del thikhim khi mwan fun; mu khidhing khi shorop du mu, khi jep du mu, mu shin der mu ji mu rho phikong duk bhi, mu kurum mu dang Naan deh she mu sat dang mu kha'at shak dih. 6 Duk bhi mu rho vhing am, deh dhi a mu wak ya khipang. 7 Dhi mu lat shi mwan fun dhi mu yikhil Taya ji mu rho Talamayas bhi mu thal emnhighin mu mu yakhal ther khime dih der mu. 8 Dar feh bhi mu yikhil ji mu rho Kaisariya deh mu rho lhi Filibus ngu kop pwo Naan dhi nih a me-me but mu pokhovel sih, deh mu sam lhi muk dih. 9 Nih Filibus nih khi jirap mu feher dhi mu a niyen jagam mu. 10 Mun dhi bhi me gu kop pwo Naan dhi sim muk a Agabas, tong Yahudiya ji. 11 Dhi ji rhi der mu bhi mang za-al bwon Bulus bwakhat kwak nih khi sar nih duk bhi yakhal sat mun nah a bih dhi rhi-in wubang sat njin nah par Yahudawa Urishalima mu khi bwakat ngu za-al sih, shin mu shin nih niyen niyang shin ze-en Naan mu. 12 Dhi mu khilhing asih bhi mun khi niyen dhi mu der mu, mu dang phi Bulus yak khi mwan Urishalima sih. 13 Bhi Bulus yakhal lap mu nah, "Ngoh phi shin a meh a sih, deh nyoh phi thikhok khi phizung nih dih-e. Na ji dok shin gwe, dhi mu khi bwakat a bwakat jin det mah, a khi dhi dang mu lhi jin Urishalima peh sim khi Jesu Khristi, gu ba-am fun. 14 Dhi niyang gwam bhi mu tong kot duk bhi yakhal mu sat mu lhi "Naan dih shin bih dhi nah ret". 15 Khidangkong jep fher mu bhi mu dak sun duk bhi mu yikhil mu ya dih Urishalima. 16 Pak niyen mwan der Naan dhi mu Kaisariya mu shin der mu shin ji der Manason ngu Kubrus, dhi nih me nagyah gu mwan der Naan deh mun mu sam lhi muk dih. 17 Dhi ji mu rho Urishalima bhi emnhighin muk mu lap mun khi retyit. 18 Dhidar bhi Bulus mwan awukhime khi mun der Yakubu dhi niyen nan niyen mwan der Naan mu dih. 19 Khidangkong dhi tal mu bhi yakhal sat mu khi then khi then jeb bih dhi Ndah Naan shin jin khinar niyen niyang mwan der Naan mu but shi-it shin ze-en Naan dhi jin shi pwo. 20 Dhi mu khiling asih bhi mu shin thikhin Naan yakhal mu saat Bulus mu nah gwar nah gurum mu bwer mu shin ze-en Jesu Kristi but Yahudawa mu dhi mu khidhing a niyen shin thikhin wa'ar khi bhikham du mu. 21 Mu shu sat bhilip khi kha ghi mu nah ghi phi kham Yahudawa mu khidhing dhi mu but niyen dhi mu niyang shin ze-en Naan deh mu mu kon wa'ar khi bhikam du Musa dih. Shin mu nah ghi phi sat mu nah niyo nhok kwap dhip jep niyo mu, khi fiyar bhikham niyo mu sih. 22 Deh asih bhi a nang yeh? A tiit deh mu peh khiling wal fhik dih. 23 Peh dhi asih bhi ghi shin bih dhi mun peh sat ghi. Mun khi gurum mu fher dhi mu shin kha du. 24 Ghi mwan khi mu deh gu tong a niyen dhi mu a niyen ya war, yakhal ghi kwat mu deh mu mu khat bih dhi mu khi kum kha du dih. Asih bhi mu khi man dhi bih dhi mu sat nkhah ghi bhi me ze-en dih mah, peh dhi ghi a gu ya wa-ar bhikam um. 25 Nkhah niyen niyang mwan der Naan dhi ba mu shinze-en bhi mun peh shin vhilip na'an dhi nih peh nin nah mu mang nah niyo nok sih bih dhi mu gap nathon sih, khi thile'et, khilu-u dhi mu makhar thok feh, yakhal khi ahr lu-u dhi khi thikhim feh sih. 26 Duk bhi Bulus yakhal khok niyen wu fher sih mu deh mu vwang phizung du nthikhim Na'an, bhi yakhal rhi lhi Naan deh nih sat bhit dhi mu peh tong den deh mu tong khik der feh, yakhal mu shin zukhum Naan dih. 27 Dhi ther pokhovel sih ji lat bhi, niyen niyang mwan der Naan mu dhi mu nah Bulus ngwol dhikhin lhi Naan bhi mu khar khwar gurum mu deh mu yah nih dih. 28 Mu yikhil khi ohr munah, emnhighin mu niyen Israila mu, gu shin ba-am npeh dhi gwo sih a gwo dhi nih phi mwan shipe-shipe deh nih kham gurum mu deh mu niyang yit mu niyen Israila mu khi wa'ar fun, yakhal ji khi niyen dhi mu niyang mwan der Naan deh mu rho mu thikok khi peh wuyon lhi Naan dih. 29 Mu sat a sih peh dhi dok mu nah Bulus mu a wukhime khi Tarofimas Ba'afise, bhi mu nah kot khi mang nih rhi khi nih dhikin peh wuyon, lji Na'an. 30 Duk bhi phizung gurum mu yikhil, kah mu ba'an deh mu mwan mu dhel Bulus shin put khibang lhi Naan feh. Det bhi phi lhi Naan feh mu akhat. 31 Mu peh deh yeh mu khi thi Bulus dih det bhi khi nah kan lep mwan gwe khi sat gu phithikhim lyak (khinshong) nah gurum phi rwang ka ba wasam Urishalima. 32 Dih wai bhi gu phithikhim lyak sih kok pak niyen lyak wu nan mu, khi pak wudyen mu bwer del sam khimu dih Urishalima. Dhi mu nah niyen lyak mu det bhi mu nok bwap Bulus. 33 Gu phithikhim lyak sih yakhal mwan der Bulus deh lhi mu mu yah nih mu dyan shi muk khi sa'ar mu khi shakhal (karfe). Duk bhi thal nah "Gwo sih a weh yeh? Deh shin a me yeh? 34 Bhi gurum feh mu yikhil khi ohr khime det mu nah gwar shin a sih, shin pak mu sat mu nah gwar shin asih, deh gu phithighim lyak sih khilhing bih dhi mu phi sat - eh mah, bhi yakhal lhi mu mu mang Bulus mu wak ya khini khipeh tong niyen lyak mu. 35 Dhi ji mu rho phi peh deh mu mu kah den nih khilhing dih bhi gurum feh dem mah deh ba niyen lyak mu mang a mang nih shin ka khithing. Sar kah ba'an gurum feh mu. 36 Gurum feh mu phi gan ji dangkong nin lyak sih mu khi ohr phi du, nah "Niyo thi nih. 37 Dhi mu wul peh rho khi peh tong niyen lyak mu bhi Bulus sat gu phithikhim niyen lyak feh mu nah, "Kot gwar khi dem deh jin ji lap bhilip khi gwar dih ah? Bhi gu phithikhim lyak lap nih nah, "Kan ghi man bhilip Helenanci mhi?" 38 Bhi a ghi a gwo Masar, dhi gyet khok kah gurum mu kha'at deh mu yikhil khi gurum mu yak gurum phat kha yak gurum phat dhi mu pwat rho nar dem deh mu tiyoh kha'ah dih. 39 Bulus yakhal lap nah, "An a Yahudawa dhi Tarsus, khi yil Kilikiya, dhi a ba gah dhikhin yil wu yon sih bhi a dang shi phighi ghi yit an deh a bhilip-bhilip khi gurum sih mu dih. 40 Gu phithighim niyen lyak mu shin peh Bulus deh nih sat bhilip khi mu dih, bhi Bulus yakhal dhar khithing deh she mang sahr mu nah niyo nok bhilip sih. Dhi mu nok bhilip bhi yakhal lap bhilip khi mu khi lhis Yahudawa mu.