1 Ndhi Afolus ni khi yil koranti bhi Bulus nuvan shikirkat yil fe yakkal rhi khi yil Afisa, pe ndhi ka nyen shiit Naan mu di. 2 Yakkal sat mu sih na, " Dok gu lap rin wuret ndhi gu tong a nyen shin zen NNaan ha?" Bhi mu lap mu na, " Hai yo, mu sham khiling ndhi me bi di khi pe rin wuret sih ma." 3 Yakkal sat mu nna, " Bhi mu shin baptisma gun a sihm we?" Mu lap mu na, " khi sihm yahaya." 4 Bulus yakkal sat na, " Yahaya shin baptisma a khi mhi kon shik biss, ndhi sat ngurum mu de mu shin zen m gwo ndho ni pe wul khidangkong muk ndhi sihm muk a Jesu." 5 Ndhi mu khiling bi sih, bhi mu shin baptisma mmu khi sihm Nda Naan Jesu. 6 Khidangkong ndhi Bulus khiten sar ni nkaa mu, bhi rin wuret sam khi a mu, yakkal mu lap bhilip me dhikhil wudik yakkal mu koss bi mu. 7 Duk duk khi mu bhi mu wakro a sarpovel sih 8 Bulus yakkal rhi nlih Naan yakkal npe tar kun bhi lap bhilip bal bal, yakkal bhilip bhilip mhi villing en mu khi ka khiting wuret khi Nda Naan. 9 Ndhi pak mu npe kaa bal nhi unyang shin zen yakkal mu lap bhilip wu biss khi ka yarkam wuret fe khinar gurum mu, yakkal Bulus yit mu di, yakkal pan nyen shiit khi Naan mu nder ni, yakkal gakharshik bit shi bit ndhi khin lih wu kam mhi kam kam irdhi ni khi yil Tiranas. 10 Del thikhim khi bi sih npe yii vel, yakkal wa rhi ndhi duk khi nyen yil Asiya, yahudawa khi al'ummai, mu khiling bhilip Naan. 11 Naan shin shiit mhi fi poo khi sar Bulus, 12 wa rhi ndhi kaal lee mhi pwaspo ko lee ndhi bhim shin shi shik muk bhi mu wak khi ni nyen wu wu gok mu, bhi shwal khimu let, yakkal mhi kwarkum mu pwat nshi shik mu 13 Yakkal pak yahudawa nu ndhi mu khi nuvan ship shipe mu phi shen mhi kwar kum mu bhi mu dar npe shin shiit khi sihm Nda Naan Jesu khi kaa nyen ndhi mu khi mhi kwar kum mu nshisut, mu sat sih na, " An phi shen gun khi sihm Jesu ndhi Bulus phi shin shii khi ni." 14 Jep mu pokovel ndhi a mhi long LihNaan khi yahudawa mu ndhi sihm muk a siba, a mu phi shin bi sih. 15 Ama mhi kwar kum fee yakkal khi lap mu sih na, "Jesu a man ni, yakkal Bulus, a man; Ama wu ghi awa?" 16 Yakkal gwo ndhi ni khi mhi kwar kum fee gap napar khi ka ka mu, maka mu duk duk, bhi yakkal met bal mu ndhi yakkal mu sho yit lih fe di ngas wu khi me khi shwal. 17 Ndhi bisih den a wu mhi man khinar gurum mu duk duk khi jil Afisa, bhi duk duk khi yahudawa khi khi al'ummai, bi fe fii poo mu; yakkal sihn Nda Naan Jesu a wu sih sam 18 Yakkal bwer khi gurum ndhi mu tong a nyen shin zen NNaan mu tang kon khi shikbis yakkal mu woo bi ndhi du shin. 19 Khinar mu ndhi mu phi shin mulak, mu lap takar du fut mu shaan khi nar gurum mu; ndhi mu tang shakkal ndhi mu sarap takardu fe mu khini, bhi warki azurfa mu dudu yak gurum ka vel khi sar. 20 Pe ndhi asih bhi bhilip Naan ni phi yon bal bal yakkal tong khi bhi der 21 Khidangkong ndhi bi sih mu wak ro, bhi Bulus mang nbut rin wuret ndhi ji nuvan ji ya khi yil Makidoniya khi Akaya, yakkaldel kam khi yil urushalima. 22 Bulus sat sih na, "khidangkong ndhi a del a yaa di, bhi a dar man a na Roma duk." A sih bhi lep nyen baam ni mu vel, imoti khi Arastas shin ya khi yil Makidoniya yakkal ni shi ka shin khi tong npe bit makpe khi yil Asiya. 23 Asih bhi me Tangshik khi gakharshik khi kaa yarkaam mhi zen ta di khi yil Asiya fe ma. 24 Me gurum ndhi mu khi yong ni a Dimitiriyas, ngu klom ndhi ni phi dak lih kum mhi Artimas khi azurfa, wul khi me glong ngen kam shiit klom fe mu ma. 25 Thil nyen shiit fe mu khipe khime, yakkal sat mu sih na, " Dass mu, gu man ndhi mun phi kat bilong fun a khi ka glong mhi sih. 26 Yakkal gun phi na fee yakkal gu khiling ndhi ba a khi yil Afisa det ma, ama kus khi kaat fee khi yil Asiya duk duk ndhi gwo sih, Bulus, khi villing enn gurum mu yakkal del enn mu shin pwat aka ndhi naan ndhi mu klom ni khi sar bhi a naan ma. 27 Asih bhi khi kot luk di npe ndhi ba a glong mun fe npe thikok de ma, ama bhi yakkal lih kum mhi ni Artimas khi bring a bii tet, yakkal ni mat fee khi kon long fhit ndhi a ni duk duk khi Asiya khi gokoshi yil mu duk duk ndhi mu phi dhik yil nni. 28 Ndhi mu khling bi sih, bhi laa mu yakkal mu fwa orr, "Artmias mhi yil Afisawa, mu dhik yil nil." 29 Bhi dhi khin yil Afisawa fe duk duk khipe ya ka gurum mu ma; yakkal gurum mu sho ya nlih tam wuyon, bhi mu drass mu pan nder du Gayus khi Aristarkus, khi nyen makidoniya mu ndhi mu a shaar nuvan khi Bulus. 30 Bulus ni phi den ye ji rhi khi nar gurum fe mu, ama nyen shiit Naan khi muk mu yit pe ni ma. 31 Khi pak nyen nan khi yil Asiya, ndhi mu shaar mi mu lang khi lep ni yak tap bhi kam del dhi nlih tam wuyon fe ma. 32 Di asih bhi pak gurum mu phi fwa orr khi ka me bi yakkal pak wukwa mu, khi kaa me bi wu dik, nsar ndhi khinar gurum fe mu a wu rhi rwang, har khi ndhi pak gurum fe mu man bi ndhi lih de mu kur kasut khishak di ma. 33 Pak mu khinar sher gurum fe mu shin doka n Iskandari, ndhi yahudawa mu den ani nthikhim. Yakkal Iskandarip sar npe de ngurum mu nok bhilip kuut di yakkal dar npe de ni put khi kaa shin di. 34 Ama ndhi mu man ndhi ni a yahudawa, bhi npe awa vel bhi duk duk khi mu mu fwa orr khi dhikil wu khime, " Mu shin yon ni Artmias mhi Afisawa mu." 35 Yakkal ndhi ngu ran mhi yil fe lih ngurum mu mok bhilip kuut, bhi sat sih na, " Nyen yil Afisa mu, awe khinar gu ndhi man ndhi yil Afisa a yil den Artmias, ndhi ni a wuyon yakkal khi gunki ndhi puta khi ting Naan sam ta ma ye? 36 Tun ndhi bi sih mu a ndhi mu khi shi shik khi ka mu ma, bhi mak khi ndhi gu tong shakhat yakkal tap bhi gu shin me bi wu bis ma. 37 Gu ji khi nyen sih mu ndhi mu ba a wat pyaram pe mu ma ko nyen thikok khi sihm kum fun wu mat 38 In kat Dmitiriyas khi nyen kam shiit ndhi mu nder muk mu khi me dyel nder me gwo, bhi lih dyel mu wu ihap, yakkal nyen ndhi mu phi na phi pe fe mu; Yit mu wuwan kdi dyel nder shak di nbhisih. 39 In kat mebi wukwa di ndhi gun phi den man fe, bhi mu dak wuni khinar kaan. 40 Nsar ndhi mun nbu wu bis ndhi mu khi nuvan dyel khi mun npe rwang ndhi mu shin shini, tun ndhi ba mun khi me bii npe nin npe rwang ndhi mu shin sih ma. 41 Khidangkong ndhi sat a sih, bhi shen mu shin wak.