Ep fe 18

1 Khidangkong bisih bhi Bulus yit Atina Yakkal ya khi yil kotanti. 2 Di khi y fee bhi kaat khi ma yahudawa shi ndhi shin muuk a Akila, a ngu pe fanas, ndhi dhi dok sih bhi tong a khi yil Italiya wul a mu khine khi mat mut muk ndhi shin muk a Bilkisu, pe ndhi kalaudiyas khi shen duk duk yahudawa mu yitjil Romo di. Bulus yakkal ya di npe nmu, 3 yakkal, sar ndhi shiit khi mu abi wu khime, bhi tong nder mu, yakkal mu shin shi a wukhimenpe shiit khi mu a mhi dak bit mu pe ter. 4 Yakkal duk bit mohok khi shiit khi Nda Naan, bhi khi Gakharshik ni lih Naan de ni dar villing en yahudawa mu khi Al'umai. 5 Khidangkong ndhi sila khiTimoti mu yit yil Makidoniya ji mu ro, bhi mu khat Bulus den ka shin phi sat bhilip Naan, ni phi sat yahudawa mu ndhingu pwat khi kaa mu bhi a Jesu. 6 Yakkal ndhi mu shi ni khi ni, yakkal mu phi fhilhip ni, bhi ni bwap orong ndhi shi ahik lee khi muk yakkal sat nmu sih na, " Mangye thihim fuk was nka gul sar nhi paat. Yakkal khi detsih bih a nuvan a ya nder Al'umai mu". 7 Bhi yakkal yit Lih Naan fe di bhi ya nlih megwo ndhi sihim muk Titus yustus, nga dhik yil NNaan; Lih khi muk kus khi phi lih Naan. 8 Yakkal kwisbus, ndhi ni a gwo wuyon di mLih Naan fee, khi duk duk nyen lih khi muk mu; yakkal bwer khi korintiyawa ndhi mu khiling bhilip khi Bulus, bhi mu tong a nyen shin zen Nnaan yakkal mu shin baptisma mu. 9 Par mu lhipar shi bhi Nda Naan lap bhilip khi Bulus m sukun sih na, " Tap bhi ghi nlukhut ma, ama ghi lap bhilip yakkal tap bhi ghi nnok khi thik ma; 10 Pe ndhi An nder ghi, yakkal ba mugwo ndhi khi mak pe lang sar shi sak de ni shin shwal nghi di, pe ndhi gurum mu bwer khi yil sih ndhi mu a man. 11 Yakkal tong di khi yil fee npe yii khi mu khi tar mu peme, ni phi kam Bhilip Naan khinar gurum fe mu 12 Ama ndhi Galiyophi tap phi yil Akaya bhi yahudawa fee mu thil ka du khi del Bulus yakkal mu nuvan khi ni nder nyen dyel mu. 13 Mu sat sih na, " Gwo sih ni phi dang phi gurum mu de mu dhik yil Naan, ndhi ni a khi yar mhi war fun ma". 14 Ndhi Bulus ni npe ep po de ni lap bhilip di, bhi Galiyo sat m yahudawa mu ma, "In kat ye a mu bi mhi shin shikbis ko shin ama nohok ndhi bis yang yang oh, bhi ye shin khi yar kaam wuret in kat a lap bhilip fuk yohudawa mu; 15 Ama, pe ndhi a bhilip tal khi sih m bhilip mu khi pak mu sihin mu yakkal khi bhilip war fuk, bhi gu maa buk di; An phi den lap mu dyel khi kaa bhilip mhish mu ma". 16 Yakkal bhi shin mu shin pwat n lih dyel fe. 17 Yakkal bhi duk duk khi mu mu ya sastonisu, gwo muyon khi Lih Naan fe, yakkal mu bwap ni ntihim nyen dyel mu. Ama Galiyo sin me en ni npe ko me bii sih mu ma 18 Khidangkong ndhi tong di khi yil npe me teer mu makpe, Bulus yakkal mu botshok khi nyen shin zeen NNaan muu yakkal del jirga am aka khi yil surija, a wukhime khiBilkisu yakkal Akila. Di khi sen kataya bhi kum kaa ni, pen dhi ni nbut twarshik. 19 Khidangkong ndhi mu ri khi Afisa, bhi yil mu di, yakkal wusheeshe bhi ni shikashin rhi n LhNaan dang bhi mu ben mebi khi yahudawa mu. 20 Ndhi mu sat ni tong lee dang, bhi nyong. 21 Khidangkonng ndhi sat yakkal mu, bhi sat mu na, " An pe wawul nder gu, in kat Naan dem". Bhi Rhi mbut jirgi am khi yil Afisa. 22 Ndhi ji rhi khi kaisariya, bhi del ka khi yil Urushalima yakkal tal ngen Naan mu, yakkal shin del sam khi yil Antakiya. 23 Khidangkong ndhi tong di npe me bi mu, bhi yit fe yakkal nuvan shipe shipe khi yil Galatiya, khi Firijiya ni phi kar duk nyen nuval der Naan mu. 24 Yakkal bhi me ngu yahudawa shi, ndhi shin muk a Afolos wul khi yil Afisa. Ni a ngu iskandariye. Ni man pe lap bhilip a wurat yakkal man bhilip Naan khi pe lang ma. 25 Khi mu kam yarkam m ni a wuret; Yakkal khi lap bhilip khi rhikhit yakkal kam kam duk bi ndhi khi kaa Jesu, duk khi ndhi man a baptisma mhi yahaya det. 26 Ni dokhom lap bhilip nlih Naan khi lukhut yit ma; Ama ndhi Bilkisu khi Akila mu khiling ni, bhi mu mang ni shin kam nkwang kan yakkal mu kam yar kam Naam ni wuret. 27 Yakkal ndhi ni phi dem ye ji del ji kam khi yil Akaya, bhi nyen shin zen NNan mu ter dangkong muk yakkal mu ran ran shin nnyen shiit Naan de mu lap ni di. Ndhi ji rhi bhi baam nyen ndhi khi yarkam rin wuret bhi mu tong a nyen shin zen NNaan, 28 pe ndhi shi yahudawa fe mu khi naar kaam, yakkal min nbut ran mhi Bhilip khi Naan a ndhi ngu pwat khi ka mu ani a Jesu.