1 Khi dang kong Mah Bulus Khi sila mu muvan ya Khi jil Tasaloni ka Khi gang kong ndhi mu ro Khi jil Amfibolis Khi Aboloniya. Do Khi jil Tasaloni ka fee bhi akwai lih Naan ndhi yahudawa mu. 2 Yakkal Bulus rhi di, Khipe ndhi tong ni phi shin fe gwe, yal npe bit mu kun mhi bit nohok Khi shiit mhi Nda Naan, bhi ni Bulus phi gaharshik Khi mu Khika bhilip Naan, 3 ndhi ni phi nin mu a nka ndhi ret di ni Nda Jesu, ngu baam Kha mu, Khi shuu jil yakkal shin yakkal Khi dang kong nahi muut, yakkal shin sat sih na "Gwo sih ni a ngu baan kha mu, Jesu mdhi an phi sat fee mgum". 4 Pak mu mu den yakkal mu muval mde Bulus Khi sila, yakkal Khi gurum mu bwer ndhi mu a Helenawa, yakkal Khi shorop wu nan mu bwer duk mdhi mu muvan mder mu. 5 Thilikyakkal ya yahudawafe mu, yakkal Khi baan Khi pak jep kut mu khimar Lihtuk, bhi mu kur ka du yakkal mu Lih mgurum mu rwang ndhik hin Lihtuk fe yakkal ndhi mu phi ttang kop ulus Khi sila dẽ mu pwa Khi mu Khimar gurum mu, bhi mu ro Khi Lih me gurum ndhi mu Khi yong ni a Yason. 6 Khi dang kong ndhi mu mak pe kat mu ma, bhi mu drass Yason a wu khiune Khi pak ngen shinzen Naan mu mu ya Khi mu mgen man Khi jil fe, mu phi villing jil shin ka khi sam, mu wil mbhi sih duk, 7 yakkal Yason ni phi kaat mu khipe ndhi mu a ruhizep u sih. Duk duk khimu mu phi shin bisih ndhi ba Khi yarkam war Khi Long Kaisar, mu phi sat sihma me Long wukwa di ndhi mu phi yong ni a Jesu". 8 Nyen Khi yilfe mu a wukhinu Khi nyen nan khiyil fee bi shuwal mu ndhi mu khiling bisih, 9 yakkal Khi dang kong ndhi mu shin beli n Yason khi pak gurum mu, bhi mu be mu shin wak. 10 Di nLihpa nyee, bhi nyen muvan mder Naan fee mu lep Bulus a wu khime Khi sila shin ya Khi yil Biriya; Khi dang kong ndhi mu roo Khi jil fe, bhi mu dl Lihnan Khi yahudawa mu. 11 Ndhi a yahudawa mhi sih mu mu lap gurum t wumu ndhi mu Khi jil Tasalonika, npe mu lap lep fee Khi rhikhit yakkal mu bilip bhilip Naan bit shi bit di mu maa kot ni fe mu a so oh. 12 Wujon Khi mu, npe ndhi a sih, bhi mi shin zen, a wu khime Khi wu bwer Khi das yakkal shoroh wu nan ndhi mu gurum Helenawa mu. 13 Ama ndhi yahudawa ndhi mu a Helenawa mu mu man ndhi bhilip Naan bhi Bulus Khi bhilip mu gwe Khi jil Biriya duk, bhi mu mwan ya di duk, di mu yak myen jil fe mu rwang Khi mu yakkal mu villing en mu. 14 Yakkal nyen shin zen NNaan mu lep Khi Bulus shin ya phi teku ama ndhi a sila Khi Timoti mu tong dangkong. 15 Nyen ndhi mu eet Bulus mu mwan khini jongjong shin ya Khi jil Atina; yakkal Khidangkong ndhi kat lep a ndhi sila Khi Timoi mu Khi mwan nder Bulus, bhi mu yit ni di. 16 Yakkal Ndhi Bulus ni phi tah phi mu Khi jil Atuia, bhi shi shik mu waam pe ndhi na Naton ndhi gurum mu phi dhik jil mu mu gam pe Khi jil fee. 17 Ndhi a sih bhi ji Khi gakharshik nLih Naan khinar muk Khi yahudawa mu a wukhime Khi ngen wu balbal but bhilip kum khimu fee, yakkal khinar Lituk duk bitt shi a wu khime khi ngen ndhi kat ka sut di Lihtuk fee. 18 Yakkal pak nyen Abikuriyawa Khi Bulus gakharshik Khi mu. Pak mu mu sat sih na, "Ame ndhi ni mgu bhilip kuu sih ni phi dem sat eh?" Pak mu muma; " Ni de a Khi pe mgu bhilip kuut khi kaa kum ndhi mu khi jil ndhi a mun ma". (Nahi sih a sar ndhi ni phi sat lep wuret khi ka Jesu khi yakkal khi muk khidangkong ndhi muuk 19 pe ndhi sih bhi mu mang ni mu mwan khiri khi pe ndhi mu khi yong ni a Tudun Arasa yakkal mu tal phi muk mu na, " Mun phi den man mebi khi ka kamkam wu poo ndhi ghi phi shin fee sih? 20 De a khipe bi wupoo nder mu sih, npe ndhi a sih bhi mun phi dem mman anebi naa fe". 21 Di bhi duk khi Atuiawa Khi nyen ndhi mu tong khi me jil wukwa mu wul, bhi mu khi hikok khi lokaci fut khi ka mebi ma ni ka ba a khi ka sat kabhi khiling bi wu poo ma. 22 Yakkal Bulus dar phi thikhim pe ndhi mu khi jong ni a Tudun Arisa fe bhi sat sih na, "Gun nyen Aina, a na yad ndhi gun a nyen naan wule ma kowane yarkam. 23 Pe ndhi an phi muvan di khinar jil fee yakkal a ma wure jeb bii mu ndhi gun phi dhik jil mu, bhi a kat khinar mu bhi a fee ndhi mu dik ni yakkal khi ran khi kaa fee ndhi nin a sih, 'ship ya nder Naan ndhi mu man ni ma'. Nin ndhi bi ndhi gun phi dhik jil nihi gu man ni ma, ndhi sih an phi sat fe ngun. 24 Ni Nda Naan ndhi dak jil sih khi bi mu duk duk ndhi mu nbut fee, Ni ndhi ni a Nda Naan ruhi khithing Naan khi jil, Ni phi tong nlih kum ndhi gurum dik khisar ni ma, 25 yakkal gurum phi shin bii mu nni khisar n ma, dẽ ni dẽ a khi pe ndhi phi dẽm mebi sih ma, pe ndhi Ni shi kashin ni phi shin gurum mu duk duk kakham, khi penohok, khi gokashi bi mu duk duk. 26 Yakkal shi gurum khime wu get Nda Naan dāk ni, bhi lih nkaan ndhi Mushipe mu gampe khi jil duk duk, yakkal ko mu dik dik lang khi petong khi mu khi jil fe yakkal khi lang pe khi jil ndhi mu khi tang di, 27 pe de mu tangper ndhi Naan ni di, de pak bhi mu tangkop muk bhi mu kat ni-bhi baa a ndhi ni jong khi mun ma. 28 Pe ndhi ' A nɓut muk bhi mu bhirhip, yakkal mu shin bii mu, yakkal khi kat bii ndhi mun phi dem fee'; khipe ndhi nyen ran peong khi jil di mi mu khi sat sih na, 'Pee ndhi mun ma a jeb nbut muk mu'. 29 Tun ndhi mun ma a jeb nbut Nda Naan, bhi ret de mun mu na a khipe ndhi fe a khipe zinariya, ko azurfa, ko a pang ma, ko me bi ndhi gurum klom ni ko na nnohok ni det ma. 30 Duk khi ndhi Nda Naan byas rashin man khi gurum, khi det sih bhi ni phi lih duk duk khi gurum mu shipe shipe mu dāng kon khini ndun, 31 sar ndhi khi den bit ndhi tok dyel mhi shin wu ret ndhi ma gurum ndrum ndhi ni man bini khi tok mun, pe ndhi a sih bhi khi den gwo fe gwe ndhi Naan khi yakkal khi ni nbut muuk. 32 Yakkal ndhi mu khiling ndhi gurum yakkal khidangkong muuk khi muk, bhi pak mu sihhim; ama pak mu na "mu khiling wukwa shi phi ghi nkaa bii ndhi ghi sat shi". 33 Ndhi wa rhi a sih bhi Bulus jit mu di. 34 Ama pak mu nuvan nder muk yakkal mu shin zn, ndhi me gurum mu khi yon ni a Diyonisiyas, nga pe ndhi mu khi yong ni a Tudun Arasa, yakkal khi me mat ndhi sihin muk a Damarisa, yakkal khi gurum wu kwa nder mu ndhi mu nuvan nder muk yakkal mu shin zen.