1 Bulus shin del kam khi yil Darba yakkal khi yil Listra, khi pe ndhi gurum shiit Naan khi tong di, ndhi sihm muk a Timoti, ndhi nhikhin muk a larep nyen Bayahudiya mu, ndhi ni ma khinar nyen shin zeen mu; ama nda muk a gurum ngu Bahelene. 2 Nyen shin zeen nNaan ndhi mu khi yil Listra khi yil Ikoniya mu san ni bwer bwer. 3 Bulus dēn yee Timoti khi bii jin; yakkal mang ni yakkal pan ni nsar Yahudawa mu ndhi mu khi pee fee, pe ndhi duk duk khi mu mu man ndhi nda muk a gurum Babalene. 4 Yad ndhi mu mwan mwan di khi yil dik dik, bhi mu shin mu npe bii khi yarkam fee dhikhil ndhi nyen shiit Naan khi nyen wu kwas mu kwakhal den, nyen ndhi mu khi yil Urushalima. 5 Pe ndhi asih nyen Naan mu baal nbut shin zeen Nnaan yakkal yon khi mu ni phi yakkal bit-shi-bit. 6 Mu mwan ya khiyil ndhi mu nbut kaan khi yil khi Firijiya khi yil Galatiya, nsar ndhi rin wuret nhi Naan khi dhin mu npe lap bhilip Naan khi yil Asiya mu. 7 Khidangkong ndhi mu wul khi yil shikir naa yil Misiya, mu kam npe del khi yil Bitiniya, bhi yakkal rin wuret khi Nda Jesu yit pe mu ma; 8 Pe ndhi a sih, yakkal mu del kus khi yil Misiya, mu dēl sam khi yil Taruwasa. 9 Naar lhipar bhi Bulus, khat rin wuret mhi naa pe nthikhim, ndhi naa khi dar me gurum ndhi ni a ngu khi jil makidoniya, ni phi dang phi muk naa, (Ghi wul khi jil lhi mu mhi Makidoniya de nghi ghi baam mun di." 10 Ndhi na wuret mhi nape jong jong fee sih, bhi lala bhi daar npe ya di khi yil Makidoniya, khidangkong ndhi shin zen ndhi a Naan yongpe ndim du den lep khi bholip Naan, di khi yil fee. 11 Mu del nbut jirgi am yakkal khi yil, Tauwasa (Troas) bhi mu mwan, ba len ma, mu ya khi yil Samutaraki, nbit bhi mu ya khi yil Niyabolis, 12 yakkal shin mu yaa khi yil Filibi, ndhi yil fee a wuyen khi yil wukaam ndhi Makidoniya, ndhi kuma mu a khisar nyen Romawa mu. Mu tong di khi yil fee npe pak teer mu. 13 Par bit nohok khi shii ndhi Nda Naan den (Sabath) mu pwat khipe phi lhi khi yil fee ndhi kus khi kong, ndhi mu naa khipe dang phi Naan sih, bhi yakkal mu tong mu lap bhilip khi shorop ndhi mu kur ka sut di. 14 Me ma shi ndhi sihm muk Lidiya, ndhi ni phi dhik yil Nnaan, ni phi khiling mun, matt fee tong put a khi yil Tayatira, ndhi ni phi sarap a khi lee mu mgalap mu. Naan ep bhizung muk npe de ni khiling wuret bhilip ndhi ni Bulus phi sat fee di. 15 Khidangkong ndhi ni khi nyen lih khi muk mu duk duk mu lap naptisama, bhi dang phi mu sih naa, " Kat gu naa di a ndhi an khi lokhot nthiim Na'an, bhi gu ji gu sam lih nhi." Bhi yakkal dang phi mu. 16 Par me bit, ndhi mun khi yar ya khipe dang Naan, bhi mu kaat khi me larep kwaram ndhi ni khi rim wubis ndhi khi lih ni nape shin kan ntihim, yakkal shin shiit khi ni ndhi ka shakhal bwer khi yakam mhi na bi ndhi ntihgim gurum mu. 17 Ndhi mwan nder Bulus khi mun, bhi khi fya orr, nna, " Nyen sih mu a kwaran khi Ndi Naan wuyen khi thing, ndhi mu sat ngen yarkam mhi pwat khi kaa gu." 18 Wet phi shin bhisih npe er mu bwer. Ama Bulus, ndhi laa ni bwer, bhi villing sat nrin wubis fee na, " I sat nghi khi sihm Nda Jesu Christi, ghi khi muk. 19 Ndhi nyen larep fee mu naa ndhi yarkam kat shahafut bwer, bhi mu drass Bulus a wu khi me khi sila shin dell khipe kasuwa, shinya nthihim nyen Naan mu. 20 Ndhi mu mwan khi mu nthihim nyen tok dyel mu, bhi mu naa, "Nyen sih mu phi ji khi thikok khipe ndhi khin yil fun; mu kuma a gurum yahudawa mu, 21 ndhi mu phi pwa khi yarkam tong khi yil ndhi mu a khiyar kaam war fun Rimawa de mun lap ko mu shin shiit khi ni ma." 22 Khi sher gurum fee mu lang sar npe thik khi kaa Buud mu, yakkal nyen tok dyel mu fon lee nshishik mu, yakkal mu lih mu bwap mu khi dukhul mhi karfe. 23 Khidangkong ndhi mu shu bwap a wuret, bhi mu bet mu shi del nlih kwo, yakkal khi war ngu den mu n lih kwo fee de nnitap pe bat mu a wuret. 24 Khi yad ndhi u war fee ni di, bhi kon mu shin kam nlikwo wu ndhi ndhi khin jong jong yakkal bwakkat kwak mu nbut karfe a wurit. 25 Khinar Lhipar yir bhi Bulus khi sila mu phi dang Naan khi tan shin ya nder Naan, yakkal wukwa nyen ndhi nlih kwo a wukhine khi mu mu phi khiling tam khi mu. 26 Di del bhi yil ya sih khin khi pyaram, sih khin khi yil fee ndhi lih kur lih kwo fee mu sih khin duk; bhi yakkal la la bhi philih mu yaap yakkal karfe mbi bwakat mu fee mu ya fon. 27 Ndhi ngu tap phi lih kwo fee nii yakkal naa phi lih kwo fee mu a mu ih ap kam kam, bhi del shuk fini npe tih kashin, npe ndhi na a khipe nyen wubal fee mu sho pwat. 28 Ama bhi yakkal Bulus fwa orr babal sih na, "Ghi nok shin shwal nka sak sih, npe ndhi duk duk fun di." 29 Ngu tap phi lih kwo fee yong pee npe wus ndhi sih kam ndhikhin, bhi puta ni phi dam nthikhim Bulus khi sila. 30 Yakkal bhi pwat khi mu, bhi sat sih na, "Nyen man mu, a mu ndhi a mak pe shin de nan a put khi kaa nhi diye?" 31 Mu lap phi muk mu naa, "Ghi shin zen Nda Naan Jesu, bhi ghi put khi kaa ghi, ghi a mu khime khi nyen h fhik mu duk duk." 32 Mu sat bhilip Naan nni yakkal khi nyen ndhi mu nlih khi muk duk duk. 33 Di nnar Lihpar fee bhi kok mu bhi vwang gokolaa khi mu kwe kwet; Yakkal ni khi ni khi nyen lih khi muk duk duk mu lap matisma ba khi pe dar ma. 34 Bhi del khi mu ndhi khin lih fini yakkal den sih nthikhim mu; yakkal ni khi nyen dhikhin lih fini mu mu shin ret nyi pe ndhi ni de mma khinar nyen zen Nnaan mu. 35 Ndhi bit ɓang, bhi nyen lok dyel mu lep yansanda, mu, sih na, " Gu yit nyen sih mu wak." 36 Yakkal ngu den gurum u nlih kwo sat lep fee n Bulus, sih na " Nyen tok dyel mu lang lepsih na mu yit ngun gu wak; npe ndhi a sih, gu pwat khi de sih gu wak shakhap." 37 Bhi Bulus lap sih na, " mu bwap mun khi naar gurum mu, ndhi me bhilip ya mu ma, nyen ndhi mun a gurum Romawa mu, yakkal mu bal mun nlih kwo; bhi yakkal khi det sih mu npe bot mun a wusihsoh ha? Khi kot ba a sih ma! yit mu ji mu pwa khi mun shi kaa sut." 38 Jep dukhul (yansanda) mu mwan khi bhilip sih nthikhim nyen tok dyel fee mu, bhi lukhut yakkal ya mu ndhi mu khiling a ndhi mu a nyen Romawa mu; 39 Yakkal mu ji mu tihwap mu. yakkal mu pwat khi mu bhi mu sat mu yit yil fee di. 40 Khidangkong ndhi mu pwat nlih kwo fee bhi mu ya nlih Lidiya; bhi khi dangkong ndhi mu naa yakkal mu shin kar en nhi khin mu, daas khi shorop, ndhi mu di, bhi mu yok