Ep fe 15

1 Khidang kong bhi me gurum shi mu tong khi yil Yahudiya mu wul mu phi kam kam wunut mu, mu phi sihmaa, "Kat baa mu pun ghi khi yarkam war khi Musa ma bhi ghi npe kat del mthihim Naan ma". 2 Khidang kong ndhi Bulus khi Barnaba mu khi nohok wudik khi gakhar shik bwer khi nyen fee mu ma, bhi yakkal Bulus khi Barnaba a wukhi me khi pak gurum mu ndhi mu takkal mu shin mwan ya n Urushalima de mu bilip bhilip sih a wu khime khi nyen shitmaan yakkal gurum wukwas mu. 3 Npe ndhi asih bhi nyen mwan nder Naan mu lep mu, mwan yadi, yakkal ndhi mu pet yarkaan shin del khiyil Finikiya khi Samariya, bhi mu sat lap Naan khi Al'umai mu, ndhi shin ret nyit nyen mwan nder Naan mu duk duk. 4 Ndhi mu khi roo khi yil Urushelima, bhi nyen mwan nder Naan mu mu ka'at mu, a wukhine khi nyen shitNaan mu yakkal nyen wu kwas mu yakkal mu woo duk duk bii ndhi Naan shin khi mu 5 Di bhi pak nyen bdhi mu nbūt mwan nder Farisiyawa mu yikil mu sat sihmaa, "Ni dēe a ting dē mu pun mu yakkal mu mwan khi yarkaham war khi Musa de". 6 Bhi nyen shiitNaan a wu khime khi pak magya mu ru kur kaa shak npe bilip bhilihip sih fee. 7 Khi dangkong bilip bhilhip sih, bhi Bitrus yakkal khithing bhi sat mu sih maa, "Emnhikhim nlu mu, gu man ndhi nbit an a gwo ndhi Al'umai mu khi pet a nder nhi dē mu khilhing lep wuret khi bhilip Naan npe dē mu tong a nyen shin zen di. 8 Yakkal Ndah Naan ndhi ni a wuran bhizung rurum, shin Laugthing nmu khi shin Rin wuret mu, khipe ndhi Ni shin mun shi; 9 yakkal khi yar vwang ndok mu khi shin zen, bhi bak yit khinar mu khi mun ma. 10 Khidetsih bhi, ame ehi de gan phi kam Nda Na'an diye khi dēn ntok nyen mwar nder Naan mu mele thikhin ndhi bhikaham fun mu waget mun mu mak pe ya fee ma. 11 Wu konshak bhi mun mu shin zeen a ndhi mun mu pwat khi eskaa mu a nbut wuret khi Nda Naan Jesu, khi pe ndhi mu maa kot a sih duk. 12 Duk duk khi gurum fee mu mu mok khithik, mu phi khilhing bhilhip nhi Barnaba a wu khimi khi Bulus, npe ndhi mu phi sat yarkaham wuret khi shit bi app poo ndhi Nda Naan shin khisar du khinar Al'umai mu. 13 Khidangkong ndhi mu lat lap bhilip, bhi Yakubu sat shimaa, "Emmhikhim mu, gu khilhing nnan. 14 Siman sat yad ndhi Nda Naan wusheshe bhi ma Al'umai khi yit wuret, de ni mang khinar mu gurum ndhi mu khiyaa shin muk. 15 Mhisih waa khi bhilip khi nyen jakham mu ndhi mu ran mu sat sih naa. 16 'Khidangkong nhi sih bhi an pe wawul, bhi yakkal a dik pe ndhi Dauda khi tong di, ndhi khi nhikhip; Nbut dyor fee bhi I dik lhi fee, yakkal a daka den di; 17 pe de gokoshi rurm mu tang Naan di-duk khi Al'umai, khidel mu ndhi khi mu yong sihin nhi. Asih ndhi Nda Naan sat, ndhi a ni ngu dēn bii sih mu 18 a wuran khi pe get de." 19 Pe ndhi a sih, khi a mang a ndhi tap bhi mu shin jel n Al'umai ndhi mu phi villing wakji nder Naan ma, 20 yakkal ran mun dē mu kon yarkam bii ndhi kum khi ro khinar fee, yakkal mu yit yarkaan thillet di, yakkal luu ndhi mu makar ni, khi thikhim fee. 21 Npe ndhi nbut ko wane yil, npe nkan wuget mu, bhi Musa ni khi nyen ndhi mu shin zeen nri, npe ndhi mu phi yong shin muk khi dhikhil wuyon ko wane bit mwan nder Naan di ndhikhin lhi Naan mu. 22 Khidangkong bhi nyen mwan nder Naan a wukhime khi magya mu, khi dēm khi nyen mwan nder Naan fee mu dukduk, mu mang a ndhi mu khi takkat pak gurum mu khinar du dē mu lep mu shin yaa khi yil Antakiya a wu khime khi Bulus yakkal Barnaba. Mu lep khi Yahuza ndhi mu khi yong ni a Barsaba, a wukhime khi sila, ndhi mu a nyen phithikhim khinar nyen mwan nder Naan mu, 23 Mu lep mu khi ran a shi: ""Emnhikhin gu mu dukduk nyen mwan nder Naan khi magya mu, shin ya'a nder neyn shin zeen ndhi mu a Al'umai khi yil antakiya khi Suriya yakkal Kilikiya, mu tal gun. 24 Tun ndhi mu khiling a ndhi me gurum mu ndhi mu tong nder mu me pwat, dul khi ndhi mu shi me yarkaan mu ma, mu phi sat bii mu ndhi mu phi thikok khi buzang gu yakkkal lhi ngun gu dēn buzang gu khipe khime ma. 25 Mu mang duk duk fun a ndhi mu takkat nyen nkop mu mu lep khi mu nder gu, a wukhime khi Bulus, 26 ndhi mu seet khi kaa du npe shiit khi nda Naan Jesu Christi. 27 Pe ndhi asih bhi mu lep khi Yahuza a wukhime khi Sila, mu ndhi shi kaa sut mu khi sat abi wu khime khi phidu. 28 Pe ndhi ret npe rin wuret yakkal khi kaa mu de mun mu dēn kaa gu me thikhin wukwa ndhi met bii sih mu ndhi mu maa ret ma: 29 Gun gu yit yarkam bii ndhi mu gap ni a nhi kun, khi thikhin khi muk, yakkal luu ndhi mu makar a makarni, yakkal thillet. Kat gu dēn kaa gu mbiisih mu ma, bhi gu shin bii wuret.Dāng mu kaat. 30 Npe ndhi asih bhi mu bolder mu shi ya khi yil Antiyaka. Khidangkong ndhi mu thil gurum mu khipe wukhime, bhi mu shin ran fee nmu. 31 Khidangkong ndhi nyen khi tang ran fee, but ret nyit mu khi saan fee. 32 Yahuza a wukhime khi Sila, ndhi mu shika sat a nyen jakham mu, mu sat bhilip bwer npe shin bal nnyen shin zeen fee mu. 33 Khi dangkong ndhi mu wet di, bhi nyen shin zen mu shin der mu nbut tong shakhap shin wakam nder nyen ndhi mu lep mu. 34 Yakkal ni Sila naa ret ndhi ji tong di. 35 Yakkal Bulus khi Barnaba mu tong khi yil Antakiya, bhi di bhi khi gurum wukwa mu bwer, mu kam yarkaham Naan ngurum mu. 36 Khi dangkong pak bit, bhi Bulus sat Barnaba sih ma, ""Ghi ji, mu wakya di dē mun nwan mu tal nyen shin zen Nnaan mu nbut kowane yil ndhi mu shin bhilip Naan di dē mun mu maa yad ndhi mu di". 37 Barnaba phi den ye du mang Yahaya ndhi mu phi yong ni khi sihin Markus du pan nder sut. 38 Ama Bulus dēm ndhi du mang du pan nder sut fwo ndhi sih yit dun di khi yil Banfiliya ma yakkal mwan nder du khi yarkaan shiit ma. 39 Dhikhil Konshak fee yon dokhol ndhi mu bakshak; Barnaba mang Markus pan nder shin mu del jirgi an mu ya khi yil Kubrus. 40 Ama Bulus mang Sila bhi mu del, khi nyen shin zeen NNaan mu dēn mu khi sar shiit wuret nhi Naan. 41 Mu mwan pet mbut yarkaan ndhi del khi yil Suriya khi Kilikiya, mu phi kaar khi shin baal nyen mwan nder Naan mu.