Ep fe 14

1 Abii wukhime taa khi yil Ikoniya, peeh ndhi Bulus wukhime khi Barnabas mu roh ndhikhin Lhi Na'an khi Yahudawa mu mu lap bhilip wuret ndhi Yahudawa wukhime khi Al'ummai mu bwer mu shin zeen NNa'an. 2 Duk khi nda asih bhi Yahudawa ndhi mu shin zeen ma bhi mu ka'ar al'ummai de mu vuling enn du khi kaa nyen shin zeen Naan mu di. 3 Ndhi asih bhi mu tong di npeh bit mu bwer, mu phi laap bhilip khi kaa Naan, ndki ni shin Langthing khi kaa bhilip Riin-wuret ndhi miin yarkaham wuret khi shiit shin bii fiipoo npeh shin khi sar mu. 4 Duk khi ndhi asih bhi nyen tong khi yiit feeh mu bhi mu fuu khi nar shak; khi ndhi pak mu teer dangkong yahudawa mu, yakkal pak mu teer dangkong nyen muwan ndeer Na'an mu. 5 Yakkal ndhi al'umai khi Yahudawa mu a wu khime khi daskaham mu mu shin a khipe ndhi mu npeh shinjeel mu yakkal mu fyaa mu, 6 bhi nyen mwan nder Naan mu ndhi mu khilhing asih bhi mu sho wakya khi yil Listra khi Darba ndhi mu khi yil Liconiya, yakkal khi yil wukwa nbhi mu kus khi Liconiya feeh; 7 ndhi mu tong di mu phi sat bhilhip Naan ngurum mu shini shini. 8 Di khiyil Listra feeh bhi me gurum ndhi ni khipe tong ndhi mak pe shin shiit khi kwak ni ma yakkal sham mwan-shimwan ma, npe ndhini bini a wu kukut khipe ndhi mu laa ni. 9 Ni phi lang kom ni khilling Bulus ni phi lap bhilip. Yakkal Bulus, ndhi maa ni a wuret wuret yakkal ndhi man ndhi ni khi shinzeen ndhi mu khi mak ndhi kon khi shuwal fini, bhi Bulus khi dhi khil ni rou bal bal 10 bhi sat ni nmaa, "Ghi yakkal khitling khi kaa kwak shi". Go fee bhi yakkal wurut khi kaa kwak ni bhi yaa shimwan. 11 Ndhi khi sheer gurum fee mu maa bii ndhi ni Bulus shin, bhi mu fwa oor du ndhi khil bhi lhip Liconiyaa, mu maa "Mukwarkam mu mu wul nder mu nshi shik gurum!" 12 Ndhi a Barnaba, bhi mu yong ni a zafsa, yakkal ndhi a Bulus bhi mu yong ni a Hamisa, npeh ndhi ni a ngu thihun bhilhip. 13 Ngu Phithihin Naan nihi yil Zafsa, ndhi Ili Naan khimuk ni khibank nhi yil feeh, wul khi Nhing khi komdem nhi dak pe di phi lhi del khi yil feeh; ni a wukhime khi sher gurum feeh mu phi den dhik kam. 14 Ndhi nyen mwan nder Naan mu, Barnaba khi Bulus, mu khiling bhi sih, bhi mu yalang lee fut, bhi yakkal mu sho mu roo khinar gurum fee mu, mu khi oor nphi du shima, 15 "shaar mu, a me lhi de gun phi shin bhi sih diye? mun a gurum khipe gun sih, yakkal mu wul a khi lep wuret ngun, de ngun gu yit yarkaham bii wu baan sih shin kam nthihim Naan di; ndhi ni a ngu den yil khi khitling Naan de, yakkal khi teku, khi bii mu ndhi duk duk nbut fee. 16 Di nyii wu get (yam yam) mu, bhi yit yil feeh mu khi dhing mu mwan yarkam ndhi mu phi den feeh; 17 Duk khi ndhi a sih bhi yit kashin nbut shin bii wuret mu mnot langthing ma-ndhi shin fwan ngun ndhi tong khithing khi Naan sam, a wukhime khi tar lok, lukhan yakkal waap nhi shin bii wuret mu nmun, yakkal shin shirhing but gu khi sih mu, yakkal bhizung piya ndhi shin ngun". 18 Duk khi bhilip sih mu, bhi mu mak pe dhin gurum feeh mu npeh dhik kum mnu maa. 19 Bhi yakkal Yahudawa mu mu tong khi yil Antakiya khi Ikoniya mu wul nder mu bhi mu vuling enn gurum fee mu. Yakkal mu fiya Bulus yakkal mu drass ni shin put khi yil fee, bhi mu naa a khipe ndhi nwut sih. 20 Yakkal ndhi nyen mwan nder Naan mu mu shikir ni mer kaat, bhi yakkal khitling del wakkam ndhihin khi yil fee. Ndhi bit bang bhi, ni a wukhime khi Barnaba mu del ya khi yil Darba. 21 Khi dangkong ndhi mu shin Bhilip Naan nyen khi yil fee mu yakkal mu kat nyen nwan nder Naan mu biver, bhi mu bwak waya khi yil Listra, dhi bhi mu wakya khi yil Ikoniya khi yil Antakiya. 22 Di khiyil fee bhi mu shin baal nbhizang nyen nwan nder Naan fee mu, yakkal mu kar mu de mu del thihin khi shin zeen Nnaan de, sih Naa, "A khi sha jeel bwer de she mu kat yarkaham del khiting wuret khi Nda Naan di". 23 Khidangkong ndhi mu takkat nyen wu kwas nmu ndhikhin Lhi Naan fee mu dik dik, yakkal khi dang Naan, khi tong khineen, bhi mu shin mu khisar Naan ndhi mu di lee bhi mu ji mu shin zeen mu. 24 Yakkal mu ndel khi yil Bisidiya shi kir mu pwat ya khi yil Banfiliya. 25 Khi dangkong ndhi mu sat bhilip Naan khi yil Bariyata, bhi mu del ya khi yil Ataliya. 26 Mu yikkil di bhi mu eet an mu ya khi yil Antakiya, ndhi adi bhi mu shin mu khissa rin wurd rihi Naan npe shiit ndhi mu shin lat. 27 Ndhi ji mu roo, bhi mu yong pe nyen Naan fee mu khishak, yakkal mu sat duk duk bi ndhi Naan shin khi mu, yakkal khi ndhi epp yarkaam shin zen nnyen Al'umai mu. 28 Yakkal mu tong a wukhine khi nyen mwan nder Naan mu fee mu npe jep teer mu.