1 Nlhi Naan nAntakiya, pak niyen nah pe khi kaa/niyen jakam mu khi niyen kam bi ngurum mu dhi. Mu ah Barnaba khi Saminu ndhi mu phi yong nhi ah Baki khi Lukiyas Bakurane khi Manayan ndhi nder long Hiridus khi Shawulu. 2 Ndhi mu phi dhik yil Naan, awukhime khi tong khi am thi khi neen, bhi riin wubang nah, "gu yit Barnaba mukhi Shawulu mpe shiit ndhi ah yong mu mpe nhi". 3 Khidangkong ndhi mu tong khi neen khi am thi, mu dang phi Naan, mu lhi wuret khi kah gurum eh mu, bhi mu lep mu shindel. 4 Ndhi riin wubang lep Barnaba mukhi Shawulu shin yah Salukiya, dhi mbisi bhi mu lhing nving am, mu wakya Kuburus. 5 Ndhi mu mwan roh khi yil Salamis bhi mu kop pwo/sat bhilip Naan, nlhi Naan mhi Yahudawa mu awukhime khi Yahaya phi bam mu. 6 Khidangkong ndhi mu mwan dhi khiding mu roh Bafusa bhi mu kat me ngu kos pah shi, ngu neen mhi dung, gurum Yahudawa sim muk ah Bar - Yashu'a. 7 Ndhi mu ah wukhime khi Mukaddas Sariyas Bulus ngu mbi-man, bhi Mukaddashin yong Barnaba mukhi Shawulu deh nhi khiling bhilip Naan dhi. 8 Bhi Alimas ngu pah si (mpe ndhi ndhisi ah phi shi sim muk} ghakal/ghakar khi mu; dar deh nhi vhiling ehn proconsul shin ba yak khi shin zeen. 9 Shawulu ndhi mukhi yong nhi ah Bulus ndhi riin wubang awukhime khi nhi, lhi yit nhi. 10 Nah, "Maha'inci gurum wuban, lah shaarfom, ngu niyang zeen khiding, ghi nhook thikok khi yar ndhi ndarih mhi Naan mingha? 11 Khidet si sar Naan khi kah ghi, ghi mpe vukum, ghi mpe nah puus ma mpe la teer le, dhi mbisi bhi membishi khipe lhibin khi kwo ohkot nhi, bhi tang gurum ndhi khi dhil kam njin. 12 Khidangkong ndhi proconsul nah bi ndhi taah, bhi fhi pwo nnhi khi kam khi Nda Naan. 13 Dhi bhi, Bulus mukhi shar mwan fhini mu yikhil Bafusa ndhikin nvhing am, mu roh Bariyata khi yil Bamfiliya. Bhi Yahaya yit mu dhi, waji Urushalima. 14 Bulus mukhi shar nhi mu, del kam nthikim nShariyafa, mu kam Antakiya khi yil Bisidiya. Nshi wu peme bhi mu waakya nlhi Naan mu twaakat dhi. 15 Khidangkong ndhi mu tang waa'ar yakal niyen nah pe khi kah nthikim/niyen jakham mu, niyen phi thikim mu lep lep mu, muna, "emnikhin mu muh, kat gun khime lep ndhi khi bhal kwak mu bhi gu sat ngurum si mu". 16 Dhi bhi Bulus yakal eehp; sar mhi, bhi nah, "Gun gurum Isarila mu ndhi phi lhukut Naan, gu lhing kom gu. 17 Naan khi niyen Isarila mu, bun Nda mu muh shin yon ngurum fhin mu ndhi mu ah mhizep khi yil Masar khi bal wuma dau pwat khi mu khi yil fe. 18 Khibi yii yakgurum vhil bhi nhi phi mokor khi mu ndem. 19 Khidangkong ndhi rhikhip yil/nkaan mu pokovhil khi yil kanana, bhi shin yil ngurum fun mu ndhi ah bi kop khimu. 20 Ndhi si tah khiding ah yii yakgurum dali feer khi yakgurum vhil khi sar. Khidangkong bisi mu khiding, Naan shin niyen diyel mu mu, khi yit Samuel ngu nah pe nthikim khi kah. 21 Bhi gurum fe mu dang deh mu shin Long/miskakam ndun dhi, bhi Nda Naan shin Saul lah Kish, gurum ndhi wah njep pup khi Benjamin deh nhi tang ah Long mpe yii yak gurum vhil. 22 Ndhi Naan ba khinhi nlong bhi mang David den ah long nkah mu. Ah nkah David ndhi Naan shin langting nkah muk nah, "Ah kat Dauda lah Yess, ah gurum ndhi an phi dem fe, ndhi khi gam no'ok fhin. 23 Ah nbut nkaan khi gwo si ndhi Naan wul khi ngu bam Israila mu, Jesu khibi ndhi mang gwe. 24 Deshe wul khi Jesu, bhi Yahaya sat bhilip Naan gurum muh nkah batisma thiwap Isarila. 25 Ndhi Yahaya phi lat shiit fhin, bhi nah, 'Gun phi leng an ah weh ye?, ah an ma. Gu khiling, nhi nwul khidangkong nhi, ahn wu tung kokop ndhi nshi muk ma'. 26 Emnikhin nhi mu, nkaan khi Ibrahim khi mu ndhi mu phi lukut Naan, ah naar gu ndhi mu lep khi simbhilip bam si. 27 Mpe ndhi mu ndhi tong Urusshalima khi niyen phi thikim mu man nhi ma, bhi mu gam sat khi niyen nah pe ntikim khi kah mu, mu kat man bi ndhi mu phi tang nshi wu peme ma. 28 Mu nah me phi shi khi wubis ndhi shin ndhi khi wal muut ma, bhi mu dang phi Bilatus deh mu thi nhi dhi. 29 Ndhi mu lat jep bi ndhi mu ran nkah muk, mu sam khini khika shep mu dem nhi ntukun. 30 Naan yakal khinhi khi muut. 31 Mu nah nhi mpe teer mu bwer, niyen ndhi mu nder muk khi yil Galili wakam Urushalima mu ndhi mu ah langting khi muk nder gurum mu. 32 Mun phi sat bhilip wuret, bi wu dhi den ndhi kot nder Nda fun mu. 33 Nda Naan nhi gam gwe nmun jep muk mu, ndhi yakal khi Jesu khi muut, khi bi ndhi mu randi ndhikin zabura: 'ghi ah-lah nhi, shini an ah dah ghi. 34 Nhin ji yakal khini mphi muut sar yak bhin khi wawul, Naan lap bhilip nyar ndhi si'. Ah shin wubang mpe nah bi wuwam; 35 Anhi lhi de sat nbut zabura nkwa 'Ghi mpe yit ngurum fhik wubang nah wuban ma.' 36 Khidangkong ndhi Dauda dhik yil ngurum fhini mu nteer wuni nka nhok mhi Naan dangdeshe muut dhi, mu wum nhi ah wukhime khi bhikaam fhin mu, yakhal wam, 37 Nhi ndhi Naan yakhal khi nhi, wam ma. 38 Yhit deh ngun gu man dih, emnhighn nhi mu, awukhime khi gwo si deh mu kat kon khi shikbis/wubis dhi. 39 Ah mpe muk deh mu dhi mu shin zeen mu si kokorong nka jep bi mu ndhi waar khi Musa khi shin ma. 40 Mpe wuni bhi gu tap yakba bi ndhi niyen nah pe khi kah nthikim mu satsi ntah khi gun. 41 Gu naah, gun niyen bak pe, gun npe ahp pwo, bin gu thikok, mpe dhi an mpe wawul khime shiit nteer si mu, shiit ndhi gu shin zeen ma, kho yoba ah megwo sat ngun". 42 Ndhi Bulus mukhi Barnaba mu yit pe fe, bhi gurum eh mu dang phi mu shin bah yit bhilip si nshi wu peme dhi. 43 Ndhi mu lat kaat nlhi Naan, bhi gurum Yahudawa ndhi mu phi dhik yil Naan mu mwan nder Bulus mukhi Barnaba deh mu lap bhilip mu deh mu delthikim khi rhikhit mhi wuret khi Naan dhi. 44 Par shi wu peme nkwa fe bhi, wuyon gurum khi yil fe ji mu kur kah khishak deh mmu khiding bhilip Naan dhi. 45 Ndhi Yahudawa mu nah nvhir/khisher gurum si mu, bhi mu yikhil khi thilik, bhi mu lap bhilip wu ben nka bi ndhi Bulus sat bin mu fhilip nhi. 46 Bhi Bulus mukhi Barnaba mu lap bhilip khi bal, mu nah, "Biring/bor ah tiit deh mun mu, mu she kam pwo Naan ngun dhi, mun phi nah gu niyang khiling, gun phi bwak khidangkong sar yak gu kat seen ndhi tai tai, gu naha, mun mpe waakya nder mu ndhi mu man Naan ma. 47 Mpe wuni bhi Nda Naan sat mun nah, ah bun gun ah pebang mpe gurum Gentiles mu, deh ngun gu deh ah gurum ndhi gu lhi mu kat seen khi pe wuret tai tai khi yil dhi". 48 Ndhi Gentiles mu khiling ndhisi bhi bhizung piya yah mu, mu dhik yil Naan, gurum bwer ndhi mu khiling bhilip fe mu shin zeen. 49 Bhilip khi Naan sih thikim khi yil fe khiding. 50 Bhi Yahudawa, mu kar shorop mwan nder Naan khi pak mu wunan ndhi khi yil. Mu yikhit khi jaghar nder Bulus mukhi Barnaba, mu shen mu shin pwat khi yil eh. 51 Bhi yakhal Bulus mukhi Barnaba mu bwap bor ndhi nkwak du mu, bhi mu mwan yah Ikoniya. 52 Bhizung niyen mwan nder Naan mu piya, khi riin wubang.