1 Khidel siit mhi riin wuret khi niyen Ndah Naan, shin khi kot wal ndhe nan a ran mhe bih gun dih ma. 2 A man bih ndhi gun phe dem fe, ndhi a shit bhizung nhi khi niye Masadoniya mu. A sat mu lhi nyen Achaia mu dak kha sut gwe nyih ndhi del sih. Shin rihit fuh li mu bwer mu direm bal-bal nphe shiit fe. 3 Khidetsih bhe a lep khi emnihinmu dhe shit bhizung fun nphe gu dhe a bhi dhi nnohot put kha ma, yahal ndhe gun gu tong. Khi en gu khiphe dhi kha a sat gun gwe sih. 4 Kot kat a sih, ndhe kat meh gu nMasadoniya shinder nhi ndhe kat gu dak kha suk gwe ma, phi kha mu khi kul-a sat meh bih khi kha gu ma nphe ndhi an khi bal khi kha gu. 5 Asih phe a nnah ret dhe nnan a lep khi emnihimnu shin kam nder gu yahal dhe gun gu dak peh fe dhe she zuhum fe ndhi gu li gun nphe shin fe dhi. Khi kot asih dhe nih tong kus nphe lap wuret, yahal khi kot a meh bih twarshik ma. 6 Kha bhilip fe a sih; fwo ndhi kop Shi lang phi khi dliip shi tan, yahal gwo ndhi kop a nphe dhe nih kat wuret mbhi khi dhiip wuret. 7 Yitdih ndhe ngurum shin bih ndhi bhizung muk mang ba a khiphe ndhi mu lhi a tiit nnih ma, nphe ndhi Naan phi dem gwo ndhi shin bih khi bhizung nih khimeh. 8 Bhi yahal Ndah Naan dhik wuret fin shin saan khidel gu, nphe dhe shibit-shibit bhi, nbut bih mu duk-duk, bhi gu kat bih ndhi gun phi dem fe. Ndhi sih a phe ndhe ngun gu gam peh khi shiit wuret fuk dhi. 9 A khipeh bih ndhi a wu ri-ran sih. "Nhi khi kooh bihlong fin yahal shin nnyen jel mu. Riin wuret khi muk mwan tai-tai." 10 Gwo ndhi shin sherem ngu mar ndhe kop yahal kat aas nphe muun shin khi shim wukwa mu bwer ngun nphe kop. Nhi nphe shin siih wukwa bwer ngun nbut riin wuret. 11 Gun nphe kat bihlong khi yar mu dik-dik ndhe ngun gu tong a niyen zuhum mu dhi. Ndhi sih nphe ji khi shin plang Ndah Naan nbut yarkam mun. 12 Nphe ndhi shin shiit sih wari a bih ndhi gurm khi riin khi Ndah Naan kat mu ma, ndang bhi nhi phi den a riin ndhi phi mwan tai-tai nbut shiit shin plang Ndah Naan. 13 Nphe ndhi gun a niyen ndhi mu phi kam fe yahal shin zen nphe shiit fe; gun nphe shin plang Ndah Naan khi lohot nphe kooh mu khi gurum mu duk-duk. 14 Mu phi tap phi gu, yahal mu phi dang Naan nphe gu, mu shin ndhi sih a phe baga wuret khi Ndah Naan ndhi nhi nder gu. 15 Baga plang mwan nder Ndah Naan nphe wuret khi muk.