1 Mun phe dem dhe gun gu man dhi emnihin mu mu, nphe wuret khi Ndah Naan ndhi shin nlih Naan mu ndhi Masadonia. 2 Nyih mhi baga kam mhi wua, bhi retyit wu mak phe yahal meh jel wu yang-yang shin waji khi baga bhilong ndhi khizuhum. 3 Nphe ndhi an a ter dangkong mu ndhi mu shin zuhum bwer nbut bih ndhi mu kat, yahal shin dhel met nbih ndhi mu kat, nbut dem khi mu. 4 Mu dang phi mu khi retyit nphe kat yar nphe shin shiit n'nyen mwan nder Naan mu. 5 Bhi shin a sih khipeh ndhi mun mu leng ma, ndang bhe mu she shin khaa sut Ndah Naan shin nmun duk khi dem khi Naan. 6 Asih bhe mu dang phi Titus, ndhi dohom shiit fe, dhe nih lat shiit wuret sih dhi ngun. 7 Ndang bhe gun nbut bih mu duk-duk shinzen, lap bhilip bihman, nbut bih shin bhizung yahal nbut dem ndhi gu shin mun. Asih phe gu tap ndhe gu del tihim nbut shiit wuret fe dhi. 8 A sat ndhi sih a phe li tuut gun ma, nphe ndhi asih, a nphe kam bal dem fuk khi den bhizung nphe gurum wukwa mu. 9 Nphe ndhi asih mbhi gun gu man wuret khi Ndah Jesu Kristi fun. Duk ndhi gyet nih a gu bihlong mbhi ba bring a gu jel, ndhe nbut jel mbhi gun gu brring a nyen bihlong. 10 Nbut bhilip sih phi a kar dhe nnih baam gun dhin Nbut yih ndhi del pih gu dohom meh bhi dang bhe gu den nook nphe shin fe. 11 Khidetsih bhe gu daar dhe gu lat dih khiphe ndhi dok gu den bhizung yahal shin bal nphe shin fe, gu dem dhe gu dar gu lat dhi nyar ndhi gu kat gu shin. 12 Nphe ndhi kat gu den bhizung nphe shin shiit fe, mbhi a bih wuret yahal ndhi mu khi lap. khi kot a nbut bih ndhi gurum khi nih, bah a nbut bih ndhi wen gwo fem ma. 13 Nphe ndhi a bih fwatshih ngurum wukusa mu yahal a bih mhi shin jel gun ma. Nphe ndhi asih, mbhi a dhe nih kaat kha dih. 14 Kat bwer fik khidetishh khi mak kooh bih ndhi mu phi dem fe. Asih phe a nphe dhe nbih ndhi mu kat bwer bhi mu kooh ngun gu kat dih, yahal phe dhe nnih khaat kha dih. 15 Khi kot a khiphe ndhi mu ran sih; "Gwo ndhi nih khi nih bwer mbhi yit meh bih nkaa shin ma; yahal gwo ndhi nih khi ndhi nlanih mbhi wen nih ma. 16 Ndang bhe mu plang Ndah Naan, ndhi shin bhizung dem gun ntitus khi phe ndhi an khi nih ngun sih. 17 Nphe ndhi khiing a dang fum det ma, ndang bhe shin bhizung nih phe nih ji nder gu a khi dem fin. 18 Mu lep nih a wu khime khi emnihin nhi ndhi mu phe saam sim muk nih Naan fe mu duk-duk nphe mwan khi bhilip khi Ndah Naan. 19 A wunih fe det ma, ndang bhi lih Naan fe mu dole mu shang nih nphe tong mwan nder mu nphe shiit wuret fe, ndhi mun phi shiit fe nphe riin khi Ndah Naan shi kha shin yaha nphe wuret fun. 20 Mun phi nnah a yar ndhi yak mhe gwo khi ji khi wal khi kha baam ndhi mun phi shin fe sih. 21 Mun phi tap le-le dhe mun mun shin ret-ret dih bah a ntihm Ndah Naan det ma, ndang bhe ntihum gurum duk. 22 Mu nphe lep khi mhe emnihin mu ngu shiit wukwa. Mu kam tuhurmuk yit bwer nar shiit bhi mu nah daar khi muk nih hi rihit nphe siit sih nphe ndhi nih khi tuhur dwan khi dhel gu. 23 Khat a nphe Titus bhi nih a mhi nye nhi shin a shahar shiit fhin duk. khat a nphe go hot shi emnihin mu mwo bhi mu a jep lep khi ihi Naan mu. Mu a pebang nbuut shiit khi Jesu. 24 Nphe wu nih fhe bhi gu nin dem mu yahal gu nin nlhi Naan bih ndhi ihi dhe mun phi lhing kha mu khi ting nphe gu dih.