Ep fa 7

1 Emnihin nhi mu, nphe ndhi khi mu kat den bhizung gwe, yitdi dhe mun mu vwang kha sun shinba nbut bih wubis mu duk-duk mhi nnan yahal riin. Yitdi ndhe mun mu bhong bih wuret nbut lughut khi Naan. 2 Gu dak pe mun! mu tikook khi bhizung mhe gwo ma. Mu den bhi wubis mhe gwo ma ko mu bak seen mhe gwo ma. 3 A phe ndhe nnan a khi sim gu ndhe a sat ndhi sih dhi ma. Nphe ndhi khi a sat a li gu bhizung mu gwe, nphe dhe mun mu duam nbut bih wu khime yahal mu tong nkahaam khishak. 4 An khi bal khi kha gu, yahal wuyon fe mbhi a ndhi mu phe nass bhizung mu khi gun. An khi retyit phe gu. A ga khi retyit nbut jel ndhi mu shu. 5 Ndhi mu tong mu kam Macednia, nnan in fun nnok mak. Ndang bhe, mun mu kat khapian nbut yar mun mhi jel nyit khibang yahal lughut ndi kin. 6 Ndang bhe Ndah Naan, ndhi phe teen bhizung wu diyen mu, teen bhizung mu khi wul khi Titus. 7 A wul khi mul det ndhi Ndah Naan teen bhizung mu ma. A nphe teen bhizung ndhi Titus kat nder gu. Sat bhi wuret ndhi gu shin, wula fuk yahal der fuk nphe nhi. Asih bhe retyit nhi bwer. 8 Duk ndhi ran lep-wasika fin li bhizung gu tikook, an khi mhe bhizung tikook ma. Ndang bhe bhizung nhi tikook nphe ndhi a nna ran lep fin li nbhizung gu tikook, ndang bhe bhizung tikook fe wet bwer ma. 9 Khides sih mhi retyit nhi, bah a phe nhi gu kat wula ma, ndang bhe a phe ndhi bhizung tikook fuk ji khi tih wap nbut shihbis. Gu sham a bhizung tikook mhi Naan a sih phe gu shu wula a phe mu ma. 10 Nphe ndhi wula mhi Naan phe ji khi tih wap shihbis ndhi waji baar kha nnohot nsha der kop. Wula khi dihin yil, wuni fe khi wul a khi muut. 11 Gu nnah baga bih ndhi den bhizung fuk nbut wula mhi Naan shin gun. A baga den bhizung fe li ndhe gu nin ndhi gu shin mhe bhi wubis ma. A nang baga bhizung tikook fuk, lughwat fuk den fuk shin bal fuk yahal ndem fuk ndhe gun gu nna mu gap diye fe a wuret, nbut bih mu duk-duk phe gu pwat a niyen zen nbut bhi sih. 12 Dau khi ndhi a ran gun, bhe a ran a phe bih wubis ma, shin a phe gwo ndhi shu wula nph mubis fe ma, ndang bhe a phe wuret ndhi gu shin mun a wu man nder gu yahal nder Ndah Naan. 13 A sih fe bhe bal kwak mu. A meh wukwa nih phi pya bhizung mu, mun mu shin retyit mu bwer nphe retyit mhi Titus, nphe ndhi gun duk duk gu shin pya bhizung nnih. 14 Nphe ndhi kat a shiit bhizung nhi nphe gu, phe kha nhi kul ma. Nkwang wu dhik, ndhe khi phe ndhi mu sat a zen, bwap bhizung mu khi kha gu Titus nin a zen. 15 Dem khi muk ngu yon met kat leng lohot ndhi gun duk-duk gu shin nji, khiphe ndhi gu kaat nih khi lughut yahal nadahar. 16 A shin retyit nphe ndhi bal fin lat a khidhel gu khi ding.