Ep fa 6

1 Gu shin shiit a wu khimhe khi nih, mun phi dwak gun yak gunlap wuret khi Naan khi Zuhum. 2 Nphe ndhi sat nna, "Nbut pong wuret bhi a khiling ngun yahal par bhit baar kha mbhi a bahaan gun". Gu nna khides sih a nih a pon wuret fe. Gu nna, khides sih a bhit baar kha. 3 Mun phi den pang gapshi ntihim mhe gwo mah tihook khi shiit bhilip Naan fun ma. 4 Phikop wunih, bhi mun phi shin shiit fun khi zehen khi dahnah nphe ndhi mun a jep shiit khi Ndah Naan khi bhi ndhi mun phi shin fe; ndhi mun a jep lep khi Ndah Naan! Mun a jep lep khi muk ndhi mun khi mohor, mu nah jeel khi wulah, bhiʒung tikook. 5 Khi buwap, mu yak mun bal, tar en shiit ndhi byahal nwaat, dang kha sun nsaam, mu tong khineen, 6 Nbut phe bang, man, mohor khi Zuhum nbut riin wu bang, khi demshak ndhi nih khi Zehen. 7 Mun a kwe rem khi muk nbut bhilip zen, nbut bal khi Ndah Naan. Mun khi gwat mhi Zehen khi sar siih siih yahal sar dukul. 8 Mu shi shiit nbut ram yahal byas phe, nbut tikhook khi sim yahal saam sim, khi phe nyen dang bhi nbut Zehen. 9 Mu shin shiit khi phe mdhi mu man mun ma sih, dang bhe mun a wu miman gwe. mu shi shiit khi phe ndhi mun nphe duam sih-gu nna mu kudi nkahaam. Mu shi shitt a khi phe ndhi mu phe dheel khom mun nphe bih ndhi mu shin ndag bhe a ndhi ta muut ma. 10 Mu shin shitt khi phe niyen wal muut mu sih, ndang bhe mun khi ret nyit. Mu shin shiit a khi phe niyen bih wen wupay, ndag bhe mu phe den pak gurum mu khi long bihlong. mu shin shiit khi phe ndhi mun khi mhe bhi ma yahal mbhi khi na kan mun khi mbi mu khi dine. 11 Mun khi mu sat ʒen-ʒen fe gun duk-duk gwe Korintiawa mu, yahal bhiʒung mu a wu ep ngun. 12 Mun phe din gun ma, dang bhe a gun phe dang kha suk nbhiʒung gu. 13 Khides sih dhe mun mu pring phe shak dhi-A sat bhilip sih khi phe ndhi a jep mu sih-gu ap bhizung gu a wuret zak. 14 Yak ba gu yit kha suk a wu khime khi niyen ndhi mu man Naan ma. Nphe ndhi a khaal zen khi nye tep waar mu yeh, mu khi muan khi niye tirep nwuar mu ye? A phitong shaar ndhi neh khaat pebang khi kwo yeh. 15 A mhe khi khaat phitong nKristi mu khi shaar fwom yeh? Jesu Kristi khi shin khi Beliar yeh? Kot a mhe kwang phe ndhi nhe ndhi ngu man Naan khi kat nder gwo ndhi man Naan ma yeh? 16 Yahal a den bhizung ndhi nang ndhi phitong khi Ndah Naan khi phe ndhi Ndah Naan sat ma. "An nphe tong nder mu yahal a muan nder mu. An nphe den a Naan khi mu yahal mu khi kot a gurum fin mu." 17 Nphe wuni "phe gu pwat khinar mu, gu tong muk", a Ndah Naan sat a sih. "Gu bin bih wurap ma, yahal a kahaat gun. 18 An nphe dhe a Ndah gu, yahal gun nphe dhe a jep daas khi jirap fin mu", a bih ndhi Ndah Naan sat a sih.