1 Mu man ndhi lih dhikin yil khat bhit fe mu tikook, mun khi lih nder Ndah Naan. A lih ndhi gurum dak khi saar ma, ndang bhe a lih ndhi tai-tai, nih khi khiting Naan. 2 Nphe ndhi a nbut bhit fe bhi mun phi wal, nphe ndhi mun phi demlep leeh ndhi a phe tong khiting Naan. 3 Mun phi dem fe nphe ndhi lep leeh fe mun nphe kot mun ngum ma. 4 Nphe ndhi kot moun mbhit sih, mu wal, mbhi a baga shiit. Mun phe den deh nnohot leeh ma. Nphe nih, mbhi mun phi den jwal leeh, ndhe kat mbhi nih a mbi gurum bhe mu khi dilang mun nkahaam. 5 Gwo ndhi dak mun nphe shiit sih a Ndah Naan, ndhi shin riin ndhi a kam ya yahal bal nphe bih ndhi nphe wul. 6 Nphe ndhi a sih bhe tong ghi dar ba bal, phe ndhi mu man ndhi kat mun khi pang ndikin su sun, mbhi mu yit Ndahh Naan dhi. 7 Nphe ndhi mun phi shiit a khi shin ʒen, ba a khi nnah phe ma. 8 Asih bhe mun khi bhizung Kahaam. Mu dem dhe mun mu yit ding su sun yahal mu tong khipang nder Ndah Naan. 9 Asih bhe mu den nih a bal shin ʒen fun, kot kat mun a khipang kot a jong jong, ndhe mun mu shin bih ndhi khi pya bhiʒung muk dih. 10 Nphe ndhi a tit dhe nmun mu dirrehem ntihim khi tok dyel khi Ndah Jesu Kristi, ndhe ngurum mu khim-khime mu lap bhi ndhi a mu-mu nphe bih ndhi mu shin nding su sut, kot a phe wuret ah kot a wubis oh. 11 Kat asih bhe man lughut khi Ndah Naan, mun phi dwak gurum mu. mbhi ndhi mun phi shin fe bhe Ndah Naan man kwet-kwet, yahal mu man ma kot ji ngu een oh. 12 Mun shin a phi dwak gun wukwa ma, ndhe ngun gu man ndhi mun khi dih. Nphe ndhi a sih bhe mun phi shin bal ndhi gu den bhiʒung gu khidel mu, ndhe ngun gu lap tal khi nyen ndhe mu phe den khabal nphe tong wul ndang bhe a nphe bih ndhi mu khi nih bhiʒung ma. 13 Nphe ndhi kat mu yit nnoh mu, bhe mun a mhi Nah Naan, yahal kat mun nbut nnoh mu wuret, bhe a nphe kha mu. 14 Nphe ndhi dem khi Ndah Kristin den mun dih, nphe ndhi asih phe mun khi mu dak ndhi sih lat, ndhi gurum khime muut nphe gurum mu duk-duk, yahal asih mbhi gurum mu duwam duk-duk. 15 Nih muut nphe mu duk-duk, ndhe niyen ndhi mu kudi nkahaam mu tong a mhi kha sut ma, ndang bhe a nphe gwo ndhi muut shin yahaal a nphe kha mu. 16 Nphe ndhi asil bhe yahal kides sih phe mun mu man mhe gwo nbut naan shohopshik mu man wai ndhi Ndah Kristi wul a nbut naan shoshopshik. Ndang bhe luchi mu man kides sih ma. 17 Ndhe asih bhe, kat mhe gwo nih nbut Ndah Kristi, bhe nih a gurm wupwo. Mbhi wu sihur mu khi mu del gwe. Gu nnah, mu bhiring a wupwo. 18 Duk-duk bih sih mu a nder Ndah Naan. Nphe wul khi Jesu Kristi nih khi waji khi mun nder shin, yahal shin shiit mhi mwan nder shak. 19 Asih bhe nphe Jese Kristi bhe Ndah Naan dak dhikin yil fe shin waji nder shin, ndhe tang shikbis fun ndhi mu shin njin ma. Nih phe yit a lep dak sun mun. 20 Nphe ndhi asih bhe mun a jep lep khi Ndah Kristi, nphe ndhi a nder Ndah Naan ndhi nih pih dang nphe mu. Mun phe dang pi gu nphe Ndah Kristi; "Gu dak kha suk nder Ndah Naan." 21 Nih dak nih a gwo ndhi man shikbis ma nphe mu, ndhe mun mu dhe a niye shinzen Ndah Naan shi kha shin.