1 A pol, an shi kha san phi dang shi peoh gu, nphe lohot yahal sam khi khaa mhi Ndah Kristi. An khi nadaar kat an nder gu, dang bhi tuhur nhi kahaan nphe gu kat an dih ma. 2 A dang phi gu ndhe, nkat an nder gu, phe shin tuhur nhi khi kahaam ma. Ndang bhi tuhur nhi khi kahaam kat an phe nyang a nyen ndhi mu phi nyang mun denna mun phe mwan a mhi shohop shik mu. 3 Dau khi ndhi ding shishik, mun phi lyak a khi yar mhi shohop shik ma. 4 Nphe ndhi le lyak ndhi mun phe lyak khi nhi a bih sholop shik ma. Nphe ndhi asih, bhe mu khi riin wu bal ndhi khi tikook khi phe tong wu bal. Mu wul khi meh bih ma ndhi khi sam khi bakalshik. 5 Mu tikook khi bhi khiding ndhi mu yihil nphe dang nbihman khi Ndah Naan. Mu iir bih leng mu a wu ohot nbut lohot nphe Kristi. 6 Yahal mun phe dak kha sun nphe dhil kom meh gwo ndhi khi khiling kom ma, kat khiling kom fuk put kha. 7 Gu nna kir bih ndhi ntihim gu. Kat nmeh gu shinzen ndhi nhi nbut Kristi, Yitnih leng shi kha shin ndhi nphe ndhi nhi nbut Kristi, bhi yit nih man ndhi mun a sih duk. 8 Nphe ndhi kat a shit bhizung nhi le khi kha bal ndhi an khi nhi, ndhi Ndah Naan khi shin mun dhe nmun mu dak gun dhi yahal a phe tikook khi gun ma; kha nhi nphe kul ma. 9 A phe dem dhe nnih kot a khi phe ndhi an phi shin lughut gun khi ran lep fin sih mu ma. 10 Nphe ndhi pah gurum mu nna, "Ran lep khi muk mu khi baan yahal bal, ndang bhi ding shohop shik muk khi zuhum. Bhilip khi muk mu shang khiling ma. 11 Yitdih ngurum wunih mu man ndhi mun kat mu ran bhilip fun nbut ran lep fe bhi kat mun dhi ma bhi shiit fun nphe. Kot khi bal a sih duk. 12 Mun phi sing phe khi den khasun ko mu kam sun khi nyen ndhi mwo phi saam sut mah. Dang bhi kat mu phi kam yon khishak bhi mwo khi nah phe ntihim ma. Ndang bhi kat mu kam kha sut nder bhi mu khi kat kha fe ma. 13 Mun nphe shit bhizung met bal fun ma nphe ndhi mun khipeh dar. Nphe wuni fe bhi mu shin a khipeh dar ndhi Ndah Naan shin mun, phedar ndhi mwan ji ri nder gu. 14 Nphe ndhi mu del khidel fe nphe ndhi mu ji mu ryo nder gu ma. A mun mu she wul khi bhilip wupwo khi Ndah Kristi ngun. 15 Mu mu nas bhizung mu met npehdar fun nphe shiit mhi gurum wukwa mu ma. Nphe ndhi asih, dem fun a kat shinzen fuk yahaal bal-bal, bhi shiit fun khi del tihim nder gu. 16 Mun phe dem a sih, ndhe mun mu del tihim khi bhilip Ndah Naan khi yil peh ndhi shin kam ntihim muk. Mun phi nas bhizung mu khi shiit ndhi mu shin mhe peh ma. 17 "Ndang bhi yildi ndhe nyen ndhi mu bwap bhizung bhi mu bwap bhizung a khi Ndah Naan." 18 Nphe ndhi a gwo ndhi shin kha shin bhi mu khi mang a nhi mah. Nphe mbhi a gwo ndhi Ndah Naan shang.