1 Kat yeh a ma'an mbhi yeh gu ndhe a nanyohor khipeh an sih. Ndang bhi gun phi shin a sih fe nder nhi! 2 Nphe ndhi an phi shaa gun, an khi baga meh na shaa shi nder gu, nphe ndhi a shin den bhizung ngun nphe dik a mis khime. A den bhizung nhi a nphe shin gun a khipeh larap ndhi a dwan Ndah Kristi. 3 Ndang bhi lughut tih an nphe ndhi dang gih li a khi peh ndhi nwo gwam Hawawu khi seen fit, phi leng fun kotsih ba del ya meh phe yit zen-zen yahal wu saan mwan nder Kristi. 4 Nphe wuni fe ndhi meh gwo ji yahal yong meh Jes wukwa yit ndhi mun mu bhilip nphe muk. Kot a wuni ndhi gu lap a riin wudik dhe gu yit bih ndhi khi gu lap gwe yeh. kot a wuni ndhi gu lap a kam wudik ndhe gu yit ndhi khi gu lap gwe. Gun khi jep bih ndhi sih mu bwer nder gu! 5 Nphe ndhi a nna an wukat khi nahaar niyen ndhi gun phi yong mu a jep kam ndhi a wunan mu sih-ma. 6 Ndang blu ko yeh mu kam sat bhilip nan ma, bhi an a gwo dhi mu kam man nhi. Nbut bih mu duk-duk yahal nbut yarkaham mu phe khi mu sat ndhi sih mu gun gwe. 7 A del khidel fe gun nphe ndhi a sam khi kha nhi ndhe gun gu kat wuret dih a? Nphe ndhi a sat bhilip Ndah Naan gu khizuhum. 8 A tireng lih Naan wukwa mu nphe ndhi a lap ba'am nder mu ndhe nnan a shin shiit khi mu gun dhi. 9 Ndhi dok an nder gu yahal bih mu wen an, mbhi a shin jel gun ma. Nphe ndhi emnihin nhi mu ndhi mu tong wul Macedonia mu shin bih fe mu man. Nbut bih mu duk-duk mbhi a dem dhe nnan a shin gel ngun dih ma, yahal an nphe wet shin a sih. 10 Khipeh ndhi zen khi Ndah kristi nder nhi sih, bwap bhizung sih nphe nnoh dahat ma npak peh mhi Achaia. 11 A phemeh? Nphe ndhi a dem gun ma woe Ndah Naan man. 12 Yahal bih ndhi an phi shin fe an nphe wet shin fe, ndhe nnan a gap yarkam khi niyen ndhi mu phi tang yar ndhe mu kat khipeh mun sih dhi nbut bih ndhi mun phi shit bhizung khi nhi. 13 Nphe ndhi pak gurum wuni fe mu, a niyen dung mu yahal gwanpe nbut shiit mhi bhilip Ndah Naan. Mu sok kha sut nbut bhilip khi Jesu Kristi. 14 Yahal phe ndhi sih a meh bih ap peoh ma, nphe ndhi koh a dajit bhi khi nin kha shin a khipeh ngu shiit wusaan sih. 15 khi kot a mhe bih ap peoh ma kat jep lep khi muk mu nin kha sut a niyen wuret khi muk mu. A nook mu khi shin bih ndhi mu phi dem fe mu. 16 Nnana sat wukusa ngu dhi. Yak mba gu nna an a khipeh nanyohor sih ma. Ndang bhi kat gu nna a sih fe, bhi gu lap an a khipeh nanyohor ndhe nan a shit bhizung nhi le dih. 17 Bih ndhi an phi sat nphe shit bhizung khi bal sih, An phi sat mana khipeh ndhi Ndah Naan khi sat dhi ma, An sat fe a khipeh nanyohor sih. 18 Ndang kat gurum mu bwer phi shit bhizung a khi nan shophop sut, an a shi bhizung ma'an duk. 19 Nphe ndhi gu dem ndhe gun phi tong khi nanyohor mu dih. Gun a wusen shi kha suk. 20 Nphe ndhi gu tong a wu khime khi meh gurum mbhi kat den gih a kuram, kat ya gih a'ar, kat den gih a nnanyohor, kat mang kha shin a wuyon, khon kat siip sar yit gih. 21 A sat nphe khakul fun ndhi mun dok khi bal nphe shin fe ma. Duk ndhi a sih mbhi kat meh gwo shit bhizung, An phi lap bhilip a khipeh nnanyohor sih, An phi shit bhizung duk. 22 Mu a Ibrahiyawa mu a? An a meh mu duk, Mu a israilawa mu a? An a meh mu duk. Mu a jep se'en mhi Ibrahim mu a? An a sih duk. 23 Mu a jep lep khi Ndah Kristi a? (An phi lap bhilip sih ndang gih li a kudi en nhi ma) An a met: nbut shiit wula, nbut lih fuut, nbut bwap niyang lat, nbut nna wula ndhi wukus khi muut. 24 Nder Yahudawa mu mbhi a lap dam "Yakgurum vil khi paat, khime wen". 25 Yit kun mu bwap an khi shal. Bhit khime mu fya an khi pang. Yit kun mu shar an shin put nbut shii am nikin. A sham teer bhit bang nnahar am wuyon. 26 Tong a wet a shinwan shing shing nbut bih wubis mu nkong, nnahar wat mu, nbut wubis khi nnahar gurum fin mu, wubis khi nnahar niyen ndhi mu man Naan ma, nnaharwubis khiyil wunan, khinnaar dem, am wuyon, khi nnahar emnihin mu ndhi a niyen dung mu. 27 A shin shiit wula khi jel, lipar nnohot nsaam, nbut nnehen khi am ti, nbut yakbut, nbut kut yahal ngum. 28 Nphe wuni fe mu duk-duk phe leng fin shi-bihit a phe lih Naan fe mu duk-duk. 29 A weh bal ma yeh, yahal an a wubal yeh? Mu li a weh gap kwak, yahal an a sha'an ma yeh? 30 Ndhe kat an nphe shit bhizung a shin bhizung a khi bih ndhi nin wen khi bal fin. 31 Ndaha Naan yahal Ndah khi Jesu Kristi, gun ndhi nih khi ram khi Naan man ndhi an a phe dung ma. 32 Ndhi an Damascus, Gwamna ndhi ntihim Long Aretas dok nhi phi khaan kha nhi nphe ya an. 33 Ndang bhi mu den an nbut khishak mu sam khi nhi le-le shin put nfung shibut lih, yahal a cih a laham nhar muk.