Ep fa 12

1 A shit bhizung nhi, ko yeh ba a kat put dih ma. Ndang bhi an nphe mwan a kha nnah phe yahal bih ndhi Ndah Naan nin mu nnan. 2 A man gurum ndhi nbut Kristi ndhi yih sah pwo feer ndhi del sih kot a nbut shohop shik oh kot a khibang shohopshik, a man ma, Ndah Naan man - mu yah nih shinkah khiting Naan wu kun. 3 Yahal a man ndhi gwo sih kot a nbut shohopshik fe oh, kot a khibang shi shik oh, ah Ndah Naan man. 4 Mu yah nih shinkah khiting yahal khiling meh pah bhilip mu ndhi waar dang furum mu nphe sat fe. 5 Phekop gwo wunih phi an a shit bhizung nhi. Ndang bhi phe kha san phi an nphe shit bhizung nhi ma, dang kat a phe ta kat fin nhi. 6 Kat an phedem shit bhizung, phi an phe kot a nnanyohor ma, nphe ndhi an phe sat zen fe. Ndah bhi an phe yit shit bhizung nhi, yak ba meh gwo khi leng an bwer met ndhi nnah an dhi kot khiling nder nhi. 7 Nphe dil an shinba nphe shi bhizung nhindhe khipeh yakba a dil reyoun riin wuret, a err nan ndhi mu shin nnan, la lep ndhi tong nder ngu shikbis ji shin nnan yakba a shit bhizung nhi ma. 8 Yit kum a dang phi Ndah Naan nphe bhi sih, ndhe nnih mang shinba nder nhi dhi. 9 Ndang bhi sak nnan nnah, "Riin wuret fin makpeh nan, nphe ndhi bal khi tong put a nbut ta kat." Asih phi an nph shit bhizung nhi a khi takat, ndhe bal mhi Ndah Krisiti tong nder nhi dhi. 10 Nphe ndhi asih phi an bih ndhi takat nph Kristi, nbut filip, nbut bih wubis, nbut jeel yahal bhizung tikook. Nphe ndhi kat takat an, phe an a wu bal. 11 A dhe a nnanyohor! Gu den nnan nbat fe, nphe ndhi yeh gu sa an. Nphe ndhi ko le phi an a wule ntihim nyen ndhi gu yong mu a jep lep Kiristi mu ma; ko ndhi an a meh bih ma. 12 Zen hi jep lep khi Kiristi mu shin shiit khinaan gu khi peban, mu ni bih aap pwo mu dik-dik. 13 A nphe ndhi nhe ndhi gu kat ntihum lih Naan wukwa mu yeh, dang bhi a phe ndhi dok a shin jeel gun ma woo? Gu kon khi nhi nnan nphe shikbis wunih fe. 14 Gu nnah! an phi dak san nphe ji ukun nder gu. An nphe shin jeel gun ma, nphe ndhi an phi pong bih ndhi a muk ma. An phe dem a gun. Nphe ndhi jep mu khi bong den ndah du mu ma. Nphe wurich phe ndah mu khi mbirn mu khi bong den jep du mu. 15 Khi retyit nhi nphe ti shakal yahal shin ti khi del gu nphe kat seen gu kat a dem gun bwer phe gun gu dem an leah? 16 Ndang bhi khipeh ndhi sih, phe a shin jeel gun ma. Ndang bhi khi ndhi a sen sih, a an a yah gun khi bangpeh. 17 Gu kat a iih gun nphe nyen ndhi a lep khi mu gun wwo? A dang phi Titus ndhe nhi mwan nder gu dih, yahal i lep khi emnihim wukwa fe shin der muk. Gu kat Titus siih gun mhi? 18 Mu shin shiit a riin wu khimeh ma woo? Mu shin shiit a riin wu khieh ma woo? Mu mwan shi mwan fe a wu khimeh ma woo? 19 Gu nnah khipeh ndhi pong shi mu duk-duk phi mun a phe khaan kha sun det sih mhi. ? Ntihim Ndah Naan, emnihinmu mu, mun nbut sim khi Krisiti phe sat bih sih mu a nphe shin bal mun. 20 Nphe ndhi wu phe lughut, a likat a ji mbhi a phekat gun khipeh ndhi nnohoh nhi mang a. A lughut yakba gu kat an nyar mmhi nnohok ndhi gu dem ma. A lughut yakba jakhar khi kot dih, nah sha dem bih meh gwo, shit bhizung tikook, lingkhidel shak, tikha, riim, khabal yahal tikook khipeh. 21 A lughut ndhi kat a wawul phi Ndah Naan fin khi li nnan a sam khi kha nhi ntihim gu. A lughut ndhi a nphe kat bhizung tikook nphe pak gu u ndhi mu shin shihbis ndhe she khidetisih dih yahal nyen ndhi mu niyong tiwap nphe wubis yahal tileet yahal tang shorop khi daas ndhi u wet shin fe.