Ep fa 13

1 Ndhi sih a wukun ndhi an phi ji nder gu. "Duk bih u ndhe a tiit mun mu dak a khi pishi ndhi khi Langing mu vil koh a kun." 2 Khi a sat nyen ndhi u shin shikbis yahal khi gohotshi mu ndhi dok a ji wu vil, yahal a sat wukwa: Nkat a ji wukwa bhe an nphe yit eh gwo dhi a. 3 A sat ndhi sih ngun nphe ndhi gun phi bong a pish sina Ndah Kristi phe lap bhilip shin shiit khi an. Shopshik muk lehen ntihi gu ma. Asih phe, nih khi bal nphe gu. 4 Nphe ndhi mu kah nih shi shep nbut shohopshik wu lehen, ndang bhi nih kaham nphe bal mhi Ndah Naan. Nphe ndhi mun shohopsun lehen duk a nphe muk, ndang bhi mun nphe tong nder muk. khi bal khi Ndah Naa khinaar gu. 5 Gu bihlip kha suk, ndhe gun gu nnah kot gun khi zen. Gu sham kha suk, gu man bih sih khi kha suk ndhi Jesu Kristi nhi nder gu ma ah? ndang bhi nnohot bhi a phe ndhi gu peolip kam fe. 6 Yahal leng fin a kha ndhi mu peolap kam fe ma. 7 Khidetshih mu dang phe Naan yakba gu shin meh shikbis ma. A dang nnohot bhi yakba mu nna a khipeh ndhi mu sih kam fe. Ndang phe dang fin a nphe ndhe ngun gu shin wuret dih, koh ndhi dang ghi li mu pal kam fe sih. 8 Nphe ndhi mu shin he bih ndhi del khi kha zen ma, ndang bhi a zen fedet. 9 Nphe ndhi retyit mu kat mu lehen yahal gun gu bal. Shin mu dang ndhe gun gu ndhe a nyen ndhi mu dak gu a wu khibet dhi. 10 A ran ndhi sih nphe ndhi an nder gu ma, yakba an nder gu mbhi a shin ngun khibwal nphe nin y ong fin ndhi Ndah Naan shin nan ndhe nan a dak gun shin kha dhi, yahal shin a tee khinaar gu ma. 11 Nlat fe, enihin nhi u, gu shin retyit! Gu shin shiit nphe shin ndak kha suk gu shin dak kha suk, gu shin bal suk, leng fuk khi a shak, gu tong shahap. Yahal Ndah Naan ndhi angu shin demshak khi tong shahap khi kot nder gu. 12 Gu tal shak khi riin wuret mhi ohoom shak. 13 Duk duk niyen riin khi Ndah Naan mu tal gun. 14 Riin khi Ndah Jesu Kristi, khi de khi Ndah Naan, yahal khatka mhi riin wuret tong nder gu duk-duk.