1 Mun phe dohom plang kha sun gwe wu kwa mhi? Mun phi dem ran lep mhi shin plang nphe shin gun kot a gun gu shin mun, khi phe pak gurum mu sih a sih maa? 2 Gun shika suk a ran lep mhi plang, ndhi a wu ran nnohok fu, ndhi a wuman yahal a wutang ngurum mu duk-duk. 3 Gu nin ndhi a gun a ran lep nder Ndah Jesu Kristi, a pheshi mhi shiit saam sim Naan fun. Mu ran a khi am ran-ran ma, ndang bhe a khi riin khi Naan ndhi khi sehen. Mu ran a khidel lar pang ma, ndang bhe a lar mhi nnohok gurum. 4 Yahal ndhi sih a tuhurdwan ndhi mun khi nhi deh Ndah Jesu Kristi ndhe she Ndah Naan dhi. 5 Mun shika sun mun khi nbihman ndhi mu sat nah mhe bhi ji a nder mu ma. Dhe nphe wuni mbhi nbihman fun a nder Nda Naan. 6 A Ndah Naan dak mun dhe mu dhe a kwerem khi muk nbut twarshik wupwo. Ndhi sih a twarshih mhi ran lep ma dang bhi a mhi riin. Nphe ndhi ran lep fe khi tih phe, ndang bhi riin khi shin sehen. 7 Khidet sih mbhi shiit mhi muut- ndhia wu ri-ran khidel pang-ji khi ram khi Naan, dhe jep Isrehila mu mak nnah Musa yit-khi-yit ma. Ndhi sih a nphe ndhi ram khi yit Naan, gyet a ram ndhi khi bwaar. 8 khi kot a nang nphe ram wubang khi shiit mhi riin eh? 9 Nphe ndhi kat ye shiit tikook nhi khi ram phebang, shi nang ndhe shiit shinzen nhi dih mbut ram khi Naan! 10 Asih fe mbhi bih ndhi khi phebang shin kudi a phebang zak ma, nphe ndhi a sih phi ram khi Naan del tikhim. 11 Nphe ndhi kat bhi ndhi khi del nhi khi ram bhi khi kot a nang nphe bhi ndhi khi tong wai-wai nhi khi ram met mah yeh? 12 Kat mun khi ʒen wuni fe, mhi mun khi tuhurdwan. 13 Mun a khiphe Musa ndhi gyet den a bih nyit nih dhe jep Isreila mu mak phe nnah nhi yit-khi yit nlat khi rak ndhi gyet nhi phi del ma. 14 Ndan bhi gyet bhiʒung mu nbhi khi bal. Nphe ndhi waji ri shiri, kat mu tang twarshik wu sihir fe, mbhi bhi ndhi kwo yit mu kut dhi nnohot nshang, nphe ndhi a Ndah Kristi det khi shang shin ba. 15 Dang bhe waji wul shini, kat mu tang Musa mbhi bhiʒung mu a wu ohokot. 16 Dang bhe kat gwo fe viling waji nder Ndah Jesu Kristi, ntshi bhi ndhi ohokot yit fe a wu shang. 17 Khides sih bhi a Ndah Naan a riin. Phe ndhi riin khi Ndah Naan dih, phe tong shahap dih. 18 Khides sih, duk-duk fun, mu tahat bhi ndhi oshokot yit mu, mun nphe nnah rak khi riin khi Naan. Mu phi viling mun shin waya phe bang rak khi Naan shin waya nbut rak wukwa, khi phe tonga nder Ndah Naan, ndhi nih a riin.