1 Asih mbhi an nyang shin a ji nder gu khi bhiʒung gu tihkook ma. 2 Khat a tihkook khi bhiʒung gu mbhi gun gu shin bhiʒung piah naan ndang bhe a gun ndhi khi shi bhiʒung piah nnan a gwo ndhi tihkook khi bhiʒung nhe. 3 A ran ngun a sih dhe kat a ji nder gu bhi bhiʒung nhi khi tihook nder pak gurm mu ndhi ye mu khi shin bhiʒung piah nnan mah. An khi tuhur kahaam nder gu duk-duk ndhi retyit fin a wu kuhine khi retyit fuk duk-duk. 4 Nphe dhi a ran ngun a nbut phebaan khi bhiʒung tihkook, yahal khi yitmwa bwer. an phi dem shi bhiʒung tikook ngun ma. Nphe wuni, an phe dem gun gu man dhikir bhiʒung dem ndhi an khi nhi gun. 5 Kat mhe gwo shi bih tihkook khi bhiʒung mbhi a tihirin ngun khiding. 6 Nphe ndhi asih bhi del kom khi muk khi gurum mu duk-duk mak. 7 Nphe ndhi a sih, phi kop ndhi ye mu khi del kom muk, mbhi gun gu kon khi nhi yahal gu saam gu teer khi bhiʒung muk. 8 Asih bhi a dang phe gu ndhe ngun gu lap eh khi dem phe muk dhi. 9 Ndhi sih a mbhi dhi ta ran fin, ndhe nnan a kam gun yahal ndhe nnan a mam lohokot fuk nbut mbhi mu dhi. 10 Kat gu kon khi nih mbe gwo mbhi an a kon khi nih duk. Mbhi ndhi a kon khi nih kat a kon khi mbe mbhi-mbhi a kon khi nhi a phe gu khiyit Ndah Jesu Kristi. 11 Ndhi sih a yak sharfom khi nkwam mun. Nphe ndhi mun khi man khi yarham khi muk. 12 Ndah Naan dole ep phelih nnan ndhi a ji khi yih Troas nphe sat bhilip wuret khi Nda Jesu Kristi dih. 13 Dole bhiʒung nhi sam teet ma nphe ndhi a kat emnihin nhi Titis dih ma. Nphe ndhi asih, a yit mu yahal a mwan Mashedona. 14 Dang bhi a plang Ndah Naan ndhi nhi a mu khima khi Ndah Kristi ndhi wet mwan khi an shahap khi del tihin. A khidem khi muk mbhi mu man shang khi ma nih shipe-shipe. 15 Nphe ndhi mun nder Ndah Naan a shang khi tahas khi Ndah Kristi, vil khinaar niyen ndhi mu khi kat sehen bar khi naar niyen ndhi mu nphe duam. 16 Mbhi niyen ndhi mu phe dwam, a shang tahas muut khi muut. Mbhi guru ndhi mu nphe kat sehen bar, a tahas sehen khi sehen. A weh khi yarkaham nphe kat mbhi sih mu eh? 17 Nphe ndhi mun a khi phi pale gurum mu ndhi mu phe serep khi bhilip Ndah Naan nphe lang kha sih ma. Ndhe nphe wuni, khi bhiʒung wu piah mbhi enn wuret, mu lap bhilip Ndah Jesu Kristin, nphe ndhi a Ndah Naan lep mun, nbut riin khi Naan.