Ep fa 1

1 Pol, mhe la lep khi Ndah Jesu Kristi khi dem khi Naan, yahal Timo emnihin muk, ʒhin ya lih Naan Ndah Naan nKorin, yahal shin kam niyen Naa mu duh-duk khi yil Achaia. 2 Mangye wuret yahal tongshakap nder Naa Ndah mu yahal Ndah Jes Kristi mwan nder gu. 3 Mangye gu saam sim Nda Naan nda Jesu Kristi Nih a nda ndhi ki nah jeel yahal nih khi shi mohor. 4 Ndah Naan shin mohor mun mbut wula fun mu duk-duk, a sih ndhe mun mu shin mohor niyen ndhi mu mbut wula ndhi. Mun mu shi mohor ngurum mu khi nkhan mohor ndhi Naan phi shin nmun. 5 Khi phe jeel ndhi Nda Jesu shu nphe mu a sih ʒah mbhi mohor fun nhi a nder Ndah Jesu Kristi. 6 Ndan khat mu shu jeel bhi wunih feh a nphe dhe nmun mu khat mohor khi baar khi Naan dhi, yahal mbhi kat mun khi retyit, mbhi a phe retyit fuk. Retyit tule phi shi sit bhal-bhal mphe tuhurduan fuk khi wula ndhi mun mu shu duk. 7 Bhal fun nphe gu nphe yok ma, nphe ndhi mu man kat gu mang pak wula, mbhi gu khat pak retyit fun duk. 8 Nphe wuni fe mbhi mun phi dem ngun gu tong nnohot nman fe ma, emnihinmu, kikha wula ndhi mu kat khi yil Asia. Mu kat tihin ndhi met nmun bhal ndhi bha mu sha-mangye nphe sehen fun. 9 A nphe wunih dole mun khi diyel muut kha mu. A nphe wunih feh dole a phe tap yahe mu shin bhal nkha sun, dang bih mu dem bhal fun a khidhel Naan ndhi nih phe yahal khi sehen. 10 nhi pwat khi mun ki saar muut fe, yahal bham mun. Mu den yit mu a khi kha muk ndhe nhi pwat khi mun dih. 11 Khi shin shiit sih mun kat gu dang nhi mu. A sih bhi gurum mu mbwer nphe plang nih phi kop mu nphe ʒuhum ndhi nih shin. 12 Bih ndhi shin tuhur kahaam nmun mbhi. Bhuʒung mu nnin a ndhi mu mwan khi ka sun a wuret khi dhikin yil khi ram yahal ʒen-ʒen, bha a khi seen khi gurum khi yil ma ndag phe a ram khi Naan. 13 Mu ran a mbhi ndhi khi ma gun ntang ma yahale man ma, yahal an phe leng gu man a wuret. 14 Khiphe ndhi khi gu man pake gwe sih, nphe ndhi gu den bhuʒung gu khidel mu mhe bhit ma khi ndhi gu den khi del Ndah Jesu Kristi fun, khi phe ndhi mun phe den bhuʒung mu khidel gu sih. 15 Nphe ndha sih, bhuʒung nhi kahaam nphe nhi, an an phi dem ji nder gu dang sih, ndhe gun gu kat riin wuret wukwa dhi. 16 A phe leng wul gun ndhe she a ya Macedonia dhi. A sih mbhi an phe dem wul nder gu kat an phe tong Madona wa ji yahal ndhe gun gu bwot shin der nhi Judea. 17 Nphe ndhi a sih bhi an phi leng yar fe, bha nih phi rik an mbhi? An phi leng hih mu a khi en mhi gurum, ndhe an a sat nna "Asih wai, asih wai" yahal "Hai, hai" err khrine a? 18 Ndang phi nphe ndhi Ndah Naan nphe yit mun dhi ma, bhilip fun shin ji nder gu bhi a "Eeh" khi "Hai" ma. 19 Nphe ndhi la Ndah Naan, Jesu Kristi, ndhi Silvanus, Timo yahal an a sat gun mbhi a "Eeh" khi "Hai" ma. Kat a wuni fe bhi nnih tong a "Eeh". 20 Nphe ndhi den bhiʒung khi Ndah Naan tong a "Eeh" nshik muk. A sih bhi mun mbut muk mun phi sat naa " "Asih wai" nram khi Ndah Naan. 21 Khi det sih bhi a Ndah Naan man mun nbut Ndah Jesu Kristi, yahal lhi wuret khidel mu. 22 Nih khi den saar wuret khidel mu yahal shin Riin wuret mun bhiʒung nphe bih ndhi nphe ji. 23 Ndah bih a yong Ndah Naan a langting mhi seen nhi a sih ndhe a ji Corinth dih ma, nnan a yit gun dhi dang sih. 24 Ndhi sih a nphe ndhi mun phe dem tong a wunan nkhagu phe shin zehen fuk ma. Ndhe phe wuni mbhi, mun a shaar shiit fuk nphe retyit, nphe ndhi gu dihrem a nbut shin ze hen fuk.