Ep fe 3

1 Bhilip si a bhilip dhi gurum khi lap yaa: Kat meh gurum phi dem bor ngu naa peh khi kaa, bhi nih phi tang/bong a shiit wuret. 2 Nphe ndhi asi, a tiit dhe ngu naa peh khi kaa fe deh nnot shikbis. Khi deh a ngu mat khime. Khi kot a gun shin bih nnot shin fe yang-yang, ngu shin bih khi en nih, ngu nok shin bih rəng-rǝng si, ngu yaa gurum mu. A tiit deh nih man kam-kam dih. 3 Khi nok deh a ngu shu mwos si, ngu fwa or khika gurum mu ma, dang bhi, kih kot nnot ..., ngu dem tongshaghap. A tiit ndhi khi nok deh a ngu dem shaghal si. 4 Khi man yaa dighinlih nin a wuret, yaghal jep mu khilling kom nnih khi shin yon nnih duk-duk. 5 Nphe dhi kat gurum man yaa dighinlih nin a wuret ma, kih shin a nang deh mang yaa lih Naan dhi eh? 6 Kih kot deh a gwo ndhi lap Naan a wupo ma, yak nba khi nka-nkaa muk bhi taa nbut dughun khipe sharfom si ma. 7 Khi kot a ngu sim wuret khi nyen kihbang mu/tinglih mu, yakba khi ntaa nbut bih lhi kakul khi gwak mu sharfom ma. 8 Dikons, mu duk, mu khi deh a nyen sim wuret mu, a nyen po vhil-vhil mu ma. Yak mu khi nok shu mwos bwer si nok kot nmu khi deh a nyen demka ma. 9 Mu daar yaa bhilip zeen ndhi mu nin nmu nbut shinzeen khi nook/leng wu bang/ret. 10 Yaghal mu khi lap mu dang si, yaghal mu shin shiit nnot nmeh sim-shik ma. 11 Shirop mu duk shin mu deh a nyen sim wuret mu. Nok mu khi deh a nyen tikhok khi sim ma. Nok deh mu deh a nyen nok shin bih yang-yang ma yaghal mu deh a nyen shinzeen nbih mu duk-duk. 12 A tiit ndeacons.. mu deh a daas shirop khime. A tiit deh mu yak jep du khi dighinlih du a wuret. 13 Nphe nyen ndhi mu shin shiit a wuret mu khi kat pehdar wuret khi tukurdwan yon-yon nbut shinzeen ndhi nbut Kristi Jesu. 14 A phi ran bih si mu ngun, shin an khi nook nphe yaksi wul nder gu. 15 Dang kat ba a bess ma, an phi ran deh ngun gu man yet ndhi gu shin bih mu dih nbut lihNaan, ndhi a nih a shi-shik Naan mu sen, ngu kik mun khi ngu lap khi der zeen. 16 Meh gwo khi sham nyang ndhi bhilip zeen nmu Naan ndhi mu nin a bih ap'po: "Nyin kaa-shin nbut nan, riin khi Naan nin ni a ngu phishi, jep lep khi Naan mu naa ni, mu saam ni khi dighinyil, yaghal mu lap nih shin ka khiting nbut peh wuyon."