1 Nphe dhi a si wushe, an phi dang, dangphinaan, dangphinaan nphe shak khi plang nphe gurum, 2 nphe long ndhi mu phi yayil, nphe deh nmun mu tongshaghap yaghal ndok nbut man Naan khi shin yong shak. 3 Ndhisi ret shin Naan ngu bar mun phi dem fe. 4 Nih phi dem deh ngurum mu bar dih yaghal mu kat man khi zeen. 5 Nphe ndhi Naan a khime, yaghal a gurm khime a nih dar nnaar Naan khi gurum, gwo a nih a Kristi Jesu. 6 A nih shin kashin nphe bar gurum mu duk-duk, khipe langting nter ndhi khi bit fhit. 7 A nphe dhi asi, deh an, khi kasan, mu den an a phitighim khi ngu shaar shiit khi Jesu. An phi sat a zeen fe. An a phi dung ma. An a ngu kam nnyen dhi mu man Naan ma nbut shinzeen khi satzeen. 8 Nphe dhi asi, an phi dem daas mu shi-peh shi-peh mu dangphinaan yaghal mu ap sar wu bang nnot tugurnung, nnot gagarshik. 9 Shin a si duk, an phi dem shirop mu rwan leh nsut a wuret, nbut sam khi kaa khi yaa-shik. Mu nok yit shoop kaa a wu ti-tep si, ma bhe rwan nbih gyarap, kot a leh lep ndhi ki shagal bwer. 10 An phi dem nmu rwan leh ndhi ret nshirop ndhi mu yong kasut a nyen luwaghatnaan nbut yaar shiit wuret. 11 Ret ndhi mat khi kam bih nbut dok khi lap-ei. 12 A shin peh nmat kam-kam ma kot a npeh lap yon nkaa mis oh, dang bhi tong daghaat. 13 Nphe dhi gyet mu dak a Adamu a wushe, deshe Hawawu dih. 14 Gyet mu bang Adamu ma, dang bhi gyet mu bang maat khiding nbut shikbis. 15 Dang bih a nphe ndhi asi, mu nphe bar mat a kiyaar bak jep, kat mu deltighim khi shinzeen yaghal petong wubang nbut bhizung wuret.