¹ Khidetsih khidhel sih bhizuhum ndhi mu shin khiphe tok kum:Mu man ndhi mun khi man fhe.Man khi lih ngurum wup shin,dangbhi dem shak khi dak bih mwo. ² Khat gurum nah a khiphe ndhi ji man jep phe,bhegwo wunih man man bih mwo a khiphe ndhi nih phi nan ji man gwe mah. ³ Dangbhi khat gurum phi lohot ntikhim Naan,bhi gwo wunih a wuman ntikhim muk. ⁴ Nphe ndhi a sih,khidhel sih ndhi mu shin bhizuhum khi nih nkum:Mu man ndhi kum ndhikin yil sih ameh bih mah,yahal Naan a khimhe. ⁵ Nphe ndhi khat mhe Naan wukwa mwo dhi kot a khiting Naan,kot a ndhikhin yil sih(khiphe ndhi ''Naan'' khi ''nda Naan'' mwo dhi bwer). ⁶ Dangbhi nder mu bhi Naan a khimeh,Nda ndhi shin jep bih khidhing,yahal mun khi sehen a nphe muk,yahal khi Nda Jesu Kiristi a khimeh, ndhi a nbut sim khimuk dhe mwo dak jep bih dhi khidhing,shin a nbut sim khi muk mwo dak mun. ⁷ A sih zak,man ndhisih a nbut gurum khiding mah.Phi kop wunih bhipak yar ndhi gyet mwo phi dhik yil nkum,bhi yahal mwo sih sih fhe a khiphe ndhi mu shin bhizuhum khi nih a kum sih.Yahal bhal riin khi mwo tep nphe ndhi peh dar khi mwo bhal nyar mhi Naan mah. ⁸ Dang siih nih nphe ji khi mun ntikhim Naan mah.Meh bih tihkook dhi khat musih mah,kot meh bih deltikhim dhi khat mu sih. ⁹ Dangbhi gu tap khipong ndhi gun khi nih yak gu ndhe a pang gapshi nmeh gurum ndhi shinzehen khi muk bhal mah. ¹⁰ Dhe khat meh gurum nah gun ndhi khi man khi jep phe mwo sih sih nlih kum yeh?Bhigwo ndhi khi riin ndhi bhal mah bhi sihit khi jwal kep nih nphe sih bih ndhi mu shin bhizuhum khi nih nlih kum. ¹¹ Nphe bih ndhi gu man khidhel kum,bhi gwo ndhi riin muk a wubhal,mah emnihin mu ndhi Kiristi muut nphe mu khi tihkook. ¹² A nih lih dhe khat ghi shin shikbis ntikhim emnihin ghi mwo ndhi ghi tep bhal riin khi mwo bhi ghi shin shikbis nkiristi. ¹³ Nphe wuni fhe,khat sih khi lih ngurum gab shi nih,bhi shin a ar lu zak mah,yak a lih emnihin nih paal nyar mhi Naan.