¹ Kat gun khi nyan shak,koh jahar,tap yak gu sat a nyen kum mwo shwan-diyel fe gun mah ret deh gun gu mwan khi bilip fe ntihim nyen ndih mwo a nyen cinzen mwo. ² Gu man ma-ah a nyen cinzen ndih mwo khi rin wubang par mwo khi shtokan diyel khi yil fe.Kat a nyen rin wu bang mwo khi shtokan diyel det bih gun ndih zen gu mak peh bilip mih ndhi khi nar shak. ³ Gu man ndih a gun par gu shtokan diyel Jep lep khi Na'an mwo ma-ah,a sih zak a mun mu tok diyel khi nar shak nbut khi yil fe. ⁴ Kat a ndih mu tok diyel npeh deh yil fe tong shahap di bih a me khi lih deh mu kok(mang)ka sun mu mwan khi ni nder nyen ndih ba mwo man Na'an di ma'e. ⁵ A sat a si npeh deh ngun gu na tah-kat (kalul)fuk di.Gun khi me gu satzen ndih khi shwan diyel khi nar gu ma'ah jep-pup. ⁶ Dang bih me em-nihin yak mang em-nihin nih mwan khi ni nder nyen kum mwo,ret deh ni mwan khi bilip fe nder nyen cinzen Na'an mwo. ⁷ Npeh ndih gun khi nyen shwan diyel khi nar gu bih ni pih nin ta-kat(ta-liep)fuk gwe.Kat a sih bih gu del-tihim khi wubis fe deh gu yit mwo gwam gun di. ⁸ Gun ma shikasuk,pih shin simshik wibis,gun pih bang peh,gun pih gwam em-nihin gu mwo duk. ⁹ Gu man dih nyen ndih mwo khi zen ma (ta-kat)mwo khi kat del but yil wu-bang khi Na'an ma.Tap gu gwam suk,nyen leng wubis mwo,nyen kum, nyen shin ti-let,da'ass ndih mwo gohor (tangshorop),khi da'ass ndih mwo khi tangshak (dwahan)mwo khi kat del nbut yil wu-bang khi Na'an ma, ¹⁰ wat mwo,nyen sih bi gurum sih wup,nyen mwos mwo,khi nyen vialang en gurum khi nyen viap gurum mwo mwo khi kat del nbut yil wu-bang mih Na'an ma. ¹¹ Npeh ndih pak gu mwo a sih,dang bih nda Jesu vwang,ba gun khi rin fini nbut sim ndih a mi-muk,duk-duk ¹² Bi mwo a wuret ntihim ni dang bih a khi din bam an ma.Bi mwo khi ding a shin khi diyel kah fe ma dang bih khi kot a ting ndeh an a shin di ma. ¹³ Sih a npeh but,a npeh sih,dang mih Na'an khi mak peh bah khi mwo rip vil shopshik ndih mun khi ni a peh shin wubis ma,ding sun ndih mun khi ni a mih Na'an ,npeh saam Na'an,ndeh ndah Na'an dak mun,khi kyer ding shik fe di. ¹⁴ Ndah Na'an yahal khi ndah Jesu ntuhun peh ndih a sih khi yahal khi mun nyen cinzen nbut khi bal khi rin khi muk zak. ¹⁵ Gu man ma'a ndih shohop suk a me me ndhihin khi dingshik Jesu Kiristi min mih?Kat a sih bih dingh ndih a mih Jesu Kisirti a ka'at khi mih mah shin ti-le'et ah yit di deh ni kot a sih mah Na'an kon khi ni! ¹⁶ Ghi man gwo ndih mang shohop shin ni kat mi mat shin ti-le'et deh a bi wukhimeh khi mat li-le'et fe ma'a,khi bi ndih bilip Na'an sat na gwo ndih ka'at dingh nih khi mat shin ti-le'et deh a bi wukhime khi mat fe. ¹⁷ Dang bih gwo ndih ka'at ka shin a wukhime khi Na'an deh a gurum wukhime nbut khi rin ndih a mi Na'an. ¹⁸ Gu tahat ka suk nbut shin leng ti-leet npeh ndih gih shin nyep khi dingh nan sak khi leng fik ma,dang bih gohotshi wubis ndih gih shin khi ka'at khi dingh nan sak. ¹⁹ Gulgih man ma'a ndih dingh sak/Bih zung gih a pehtong khi rin wubang khi Na'an ndih ni a wukhime khi gih,pus shida-shidar ma'a?Rin wubang ndih ni wukhime khi mun,ndih mu kat nder Na'an.Gih man ndih gih a mih ka sak det ma'a,gih a bih Na'an. ²⁰ Gih man ndih mwo seet a seet gih kih tihim mih ndah Jesu Npeh ndih a sih bih gih saam Na'an khiding khi leng fik khi dingh sak,yahal khi rin ndih Na'an shin ngih.