¹ Mu khiling tile'et ndih gun pih shin khi nar suk,rap ndih bis,ko nyen kum mwo khi shin ma.Lah wu mis ter khi mat nda ni-ah. ² Duk khi ndi a sih bhi gun pih ret-yit,bi ndih ye khi deh a bi bizung tihkohk,khi yit mwa,deh ngwo ndih shin shiit shin ndisih mwo fet shi muk. ³ A man ndih anodi nder gu ma ,dang bih rin fin a wu khime khi gun.An a shwan diyel,a shin shikbis ngwo ndih shin shiit ndisih a khibi ndih dok an di sih. ⁴ Kat gu ka'at ka but sim khi nde Jesu,bih rin fin a wukhime khi gun duk,rin wu bang mih nda Jesu khi shin bal mun ⁵ bih my shin gwo fe khi sar sharfwom(shaidan)deh ni tihir shik muk dih,pak nnot bih sen muk (rin muk)par waji kat del nder Na'an. ⁶ Retyit fuk a me bi ndi ret mah.Gu man ma ah ndih iehrem wu wan khime khi tihkohk khi gohotshi mwo. ⁷ Gu vwang suk shin ba khi shikbis ndih sih deh ngun gu deh a nyen wu pwo mwo dih khi peh ndih a Na'an gyet dak gun.Gu man ndih Lah lep khi Na'an (Jesu)shin cin nih a khi bi thim sih deh mwo pwas "pah"(tih)dih nkop mu mah. ⁸ Kat a sih bih ret deh mun mu shin tam ret-yit ndih bih-zung mu khi kot khi rap mah koh en wubis nder shak mah.Yit deh mun mu sam gwo ndih muut npeh mu khi leng wu ret,khi shizen. ⁹ A ran dihil-lep fin nbut vilip-na'an sih ba a npeh deh ngun gu kahat ka gu khi nyen wu bis mwo ko nyen tin-let mwo mah. ¹⁰ Dang bih an pih sat bisih a deh gun gu gap shak khi nyen kih-fohor,nyen gwam peh,khi nyen kum mwo mah npeh ndih phe tong nbut yil feh,gu ryep a wukhimeh khi mwo,gun npeh yit yil feh dih mah. ¹¹ An pih sat di-sih gun khi der sih a tap yak gu kahat kah khime em-nihin gu det ndhi nih a gu shin simshik wu bis,koh kih-fohor,koh gu dik yil na-tohon,koh gwo ndih bih-zung muk a wu bis,ko nyen shiva bi wu bis mwo,koh nyen gwam peh mwo.Tap bih gu sih-sih a wukhime khi nyen wuni fe mwo mah. ¹² An a shin a nang deh a tok diyel nyen ndih ba mwo a nyen dikyil Na'an dih mah-eh-Ret mun mu sat bhilip disih a nyen mwan nder Na'an mwo det. ¹³ Ndah Na'an a nih khi shwan diyel finih mwo dang man yar ndih ji tahat mwo nahar gu deh fet shi mwo di.