¹ Ndih sih yar ndih gurum khi nah mun dih mu dhe a jep lep kwaram mih nda Naan dih mun khi zen mih Naan. ² Bih ndih mwo pih dem nder La-lep bhi a ndih mwo kak nih khi zen. ³ Dang bhi ndhi sih a bih wu leh nder nih gu kat an sih a tah liip ntihim gu.Npeh dhi an a shwan diyel ka san ma. ⁴ An sih khi meh tahkat ndhi meh gwo kat an khi ni mah,dang bhi ba a bi ndih a sat a lih an a gu tah kat ma. Gwo ndih khi swan diyel nfeh nnan a Nda Naan. ⁵ Npeh ndih a sih,yak gu nah tah-kat fin dang-sih deh she pus wul khi Nda Naan dih.Nih Nda Naan put khi jep bih ndhi mwoh kwo yahal fwat pih-shi ki bih ndih bih-zung gurum;dang mu kat sam nder Naan shi khime kheme ⁶ Em-nihin nih mwo an a shin shihit khi nohk ndih sih mun khih Apolos npeh gu,deh ngun guh kam leng khi del sim-bhilip ndih sat sih-nah ''Yak guh del khi del bih ndih mwo ran,npeh ndih yak meh gwoh nbwap shahap nih na ji a bih fe. ⁷ Npeh ndih a weh man meh gap shak khi nar guh khi meh das mwo-yeh Gun a khi meh ndih Nda Naan shin gun ma-yeh?Kat gun a nyen lap nsar,bih a me a bih ndi guh nbwap shahap guh,guh lin guh lap (kat)ma-he ⁸ Gun a nyen ndih gu lap gweh shin gu long duk yakah gu ya wup-nkah-ndi ba wul kus khi bi ndih mu shin mah.Kat ye gu tong ki pang dak yil ye mu dak-yil teh a wu ki-me ki gun. ⁹ Nnah fin ndih Naan den mun a jep lep mih Jesu,a mun a sihit-pwo nbut khi mwan mih nyen dih mwo npeh tyo mwo sih.Mu deh a na-rin dihin yil fe khi jep lep mih nda Nan yakal gurum mwo. ¹⁰ Mun a nyen yohor peh sim khi nda Jesu,dang bih gun a nyen sen nbut khi nda Jesu.Wu mun khi bal mah,dang bih wu gun gu kat bal,mwo khi mang gun khi pih-ci,dang bih gurum mwo khi bak mun. ¹¹ Khi detsih a sih mun nen khi am-ti,mun khi leh(el)mah,mu shu bwap shin bin mun khi pet ter mah. ¹² Mun nbut jel khi shiit,shiit shin khi sar mu.Kat mu kat bal,bih mu kat wuret kih Nan Kat meh gurum tang mun bih mu mohor. ¹³ Kat mwo shin jel mun, mun mu shin-mohor mwo.Mun mu deh a zungtung mih yil fe,mu dhe a bih wu bis nbut khi bih mwo. ¹⁴ An phi ran bisih a peh shin kah-kul gun ma,an pih shin a kar gun npeh ndih gun a jep fin ndih an pih dem feh. ¹⁵ Npeh ndih ko ye gun khi nyen akpeh mwo dubu sar nkah gu bih ba gun khi ndah mwo bwer ma.Npeh ndih a an a deh a ndah guh nbut khi Jesu Kiristi npeh bhilip khi Nan. ¹⁶ Npeh ndih a sih ret deh gun gu deh a nyen kam fe di nder nhi. ¹⁷ A sih deh a lep khi Timothy jang sar nhi,ndih a gu shin-zen Nda Nan,deh ni kik der gu khi mwan der Nan fin,khi ndih an pih kam fe mwo shipe shipe. ¹⁸ Khi detsih pak gu mwo gun pih shit-zung gu a khi bih ndih an peh wul der gu mah sih. ¹⁹ Kat Nan dem bih an ji nter sih,deh an a bilip nyen ep ka sih mwo di yahal a nah mwo yit khi yit nphe man bal khi mwo. ²⁰ Npeh ndih peh kat peh tong khi yil wu bang khi nda Nan bih a shi pwo mah,a dem khi Naan. ²¹ Gun pih dem a meh,a ji a khi kam ha kot a ji a dem shak khi rin mih lohot gun he.