¹ Dhe an,emnihin nih mwo,a mak phe sat bilip ngun khiphe nyen ndhi mwo khi riin mah,dang bhi a khi phe nyen ndhi mwo nbut shohopshik,khi phe jep wudyen mwo nbut kiristi. ² A shin yukhur ngun,a siih wu bhal mah,nphe ndhi gubke sih wunihgure mah,nphe ndhi khidetsih bhi man gu ang bhep gure mah. ³ Nphe ndhi gu kutdhi nbut shohopshik.Nphe ndhi tilik khi tarshik dih nnahar gu bih gun phi tong a nbut shohopshik yahal gun phi shin jepbih fuk mwo a nbut nan shohopshik. ⁴ Nphe ndhi kat gurum phi sat nnah ''An phi mwan a nder Bulus'' yahal mhe wukwa sat nnah,''An a dang kong afolos''bhi gun phi mwan a nder gurum mah? ⁵ Afolos min a weh?Bulus min a weh?Kwaram ndhi gu kiling bilip Naan nsar mwo,a bih ndhi Naan shin mwo. ⁶ A kop,yahal Afolos dik am,dang a Naan lih nnih put kha ba yon. ⁷ Nphe ndhi a sih,gwo ndhi kop khi gwo ndhi dik am mwo a meh bih mah.Dangbhi a Naan lih dhe yon dhi. ⁸ khidetsih,ngu kop khi ngu dik am mu a bih wukhimbe,mu vil mu khi lap kwat fut nkyer khi shiit ndhi mwo shin. ⁹ Nphe ndhi mun a nyen shiit Naan khiding.Gun a mar Naan,shin a lih khi muk. ¹⁰ Khiphe wuret khi Naan ndhi shin nnan a ngu man dik lih wuyon,a bwot kur lih yahal gwo wukwa ji deltihim khi dik fhe mwo tap khi phe dik fhe. ¹¹ Nphe ndhi mhe gurum mak ndhi khi bwot kur lih del met ndhi mwo she bwot fhe ndhi a Jesu Kiristi shin mah. ¹² Khidetsih kat mhe gurum ya dik khidhel kurfhe khi zinariya ,kot a zurfa,kot a pang ndhi mwo khi shahal,kot a shep,kot a shit,kot a dem, ¹³ shiit khi muk khi nin kha dhi,nphe ndhi puus kot dih ndhi jep bih fhe mwo khi nin khasut.Nphe ndhi mwo nphe kam mwo shi wus.Wus khi nin ret khi mwo shi khimbe shi khimbe. ¹⁴ Shiit ndhi putkha bih khi lap wuret fit, ¹⁵ dangbhi shiit ndhi kat shan bhi wuret dhi nphe muk mah,dangbhi khi khat bar ndhi a khiphe gwo ndhi put prat nbut was sih. ¹⁶ Gu man ndhi a gun a lih khi Naan yahal riin khi Naan nih phi tong a nshohop suk a? ¹⁷ Kat mhe gurum tihkrok khi lih khi Naan bhi Naan khi tihkrot khigwo wunih.Nphe ndhi lih khi Naan nih khi phebang,gun a sih zak. ¹⁸ Tap ninhe gurum gwam khashin mah.Kat mhe gurum nnah ji sehen nyit shin,bhi wak ndhe a ''naanyohor'' dhe npak bhi ba dhe a ngu sehen dih. ¹⁹ Nphe ndhi nbhiman dhikhin yil a yohor nder Naan.Nih a wuran ndhi,''Nih phi yak nyen sehen mwo nbut sehen fur''. ²⁰ Shin a sih,''Nda man ndhi leng khi nyen ndhi mu na dun khi sehen phi ter yah nmhe phe mah''. ²¹ Nphe wunih fhe,tap nmhe gurum nin ndhi jin a mhe bih ntikhim gurum mwo mah.Bih khiding a muk, ²² kot a Bulus,kot a Afolos,kot a Kefas,kot a dhikhin yil sih,kot a sehen,kot a muut,kot a bih ndhi mu khidetsih,kot a bih ndhi mu kutdhi nyar ji.Bih mu khiding a muk, ²³ gun a mhi kiristi,yahal Kiristi a mhi Naan.