¹ Ndhi ji nder gu ,em na mwo,a ji a khi bilip ndhe shang kiling kot a nbihman ndhi a sat bilip zehen ndhi a wusok khidhel Naan mah.Pak ran wusihir ndhi a wuret mwo nnah a khi phe ndhi a sat bilip khidhel Naan. ² Nphe ndhi a dem man mhebih mah ndhi an nder gu khat a Jesu Kiristi ndhi mwo nih khidhel shep det. ³ An nder gu nbut shin khi bhal khi luhut yahal shohopshik ndhi nih phe dam . ⁴ Lep fhin khi bilip fhin mwo dhil en mah.Nkop wunih bhi mwo a khi kamshik mhi riin khi bhal, ⁵ dhe nshinzehen fuk kot a khi nbihman mhi gurum mah,dangbhi dhe nnih kot a khi bhal mhi Naan. ⁶ khidetsih mun phi lap bilip a khi nbihman khi naar nyen ndhi mwo dwan,dang bhi a nbihman mhi dikhinyil sih mah,kot a daaskaham ndhi khidetsih ndhi mwo khi yar dhel mah. ⁷ Phi kop wunih fhe bhi mun phi lap bilip a khi nbihman mhi Naan ndhi a wusok ndhikhin zehen,nbihman khi Naan ndhi a wusok ndhi gyet den dheshe yih mhi phe bang fun dhi ⁸ Mhe mhe nbut daaskaham ndhi mwo khidestih mwo man mah,nphe ndhi khat yeh gyet mwo khi man fhe yeh gyet mwo khi pebang mah. ⁹ Dangbhi khi phe ndhi nih a wuran sih, "yit nah, kom kiling, mhe bhizung gurum tanko khidhel bih ndhi Naan dak den Nphe nyen ndhi mwo phi dem jin mah." ¹⁰ Dangbhi Naan ap bihsih nin nmun a nbut Priin. Nphe ndhi Riin phi bihlip bih khiding, Khibih ndhi Naan sak. ¹¹ A weh man nook khi gurum khat a riin ndhi nih nbut gwo fhe mah yeh. Nhpe ndhi a sih, mhe gurum khi man bih ndhi a mhi Naan mah khat a wu khimbe khi Riin khi Naan mah. ¹² Dang mun mu lap riin ndhi ndhikhin yil sih mah nphe ndhi mun mu lap a Riin ndhi a khi Naan,nphe dhe mun mu man bih ndhi Naan shin nmun khizuhum dhi. ¹³ Mun phi sat bihsih mwo a shi simbilip ndhi gurum mwo kam khi nbihman mhi gurum mah, dangbhi a nbut riin ngurum ndhi mwo khiriin. ¹⁴ Gwo ndhi nih khi riin mah khi lap bih ndhi a mhi Riin khi Naan mah, nphe ndhi dhe nnih a khiphe bih mhi yohor sih. Nih nphe man naar the mah nphe ndhi mwo ep nin nnih mah. ¹⁵ Gwo ndhi nih khi riin khi man khinaar bih khiding, dang bhi gurum khitok dyel nnih mah. ¹⁶ Dang a weh khi man nook khi Naan dhe kam jep bih mwo nnih dhi yep? Dang bhi mun khi nook ndhi a mhi Kiristi.