¹ Dhe khat an phi lap bilip khi liis gurum yahal Jep lep jhi Naan,dangbhi an khi demshak mah,a dhe a khiphe sha mahbhi ngwenne. ² Nphe khat an khi zuhum mhi Jakham yahal a man zehen ndhi nsok yahal a man duk duk shinzehen ndhi khi lih npang she phe.Dangbhi khat an khi demshak mah,bhi an a nfhii. ³ Dhe khat a shin bih ndhi an khi nih khiding nphe siih khi wupya mwo,yahal a shin shohopsan nmu gap.Dang khat an khi demshak mah bhi an nphe kyen mhe bih mah. ⁴ jeel.Demshak nih khi tih/hik mah yahal nih khi kha wup mah.Nih khi lang kha khiting mah ⁵ shin nih khi kha bhal mah,nih khi phikhit phikhit nphe tang jep bih nphe khashik mah.Nih khi tangshik mah,shin nih khi den sheh bih wubis ndhi mwo shin nnih mah. ⁶ Khi shin ret nyit nphe bih wubis mah.Nkop wunih,khi shin ret nyit a khi zehen. ⁷ Demshak khi lap bih lim khiding,shin zehen nbih khiding,langyit nphe dheltikhim khi bih khiding yahal shinmohor khi bih mwo khiding. ⁸ Demshak khi lat mah khat bih ndhi ngu jakham sat bhi mu khi ji dhel. ⁹ Nphe ndhi mu man mhe kwang,yahal mu kos mhe kwang. ¹⁰ Khat ndhi nnohot nvit ji,wunih khibhit khi jidhel. ¹¹ Ndhi gyet an a lah,a sat bilip a khiphe lah sih,ann phi shinleng a khiphe lah sih,an phi dye bih a khiphe lah sih.Ndhi a bohor gwo wuyon,bhi a bah khi en lah/jep. ¹² Khi detsih mun phi nah phe a nnahriin,dangbhi a khi yit.Khi detsih a man nmhe kwang,dangbhi par a man khiding ndhi mu man an khiding. ¹³ Dangbhi khi detsih bih mu kun mu dhe:shinzehen,langyit nphe bih ndhi ntikhim,yahal dem-shak.Dangbhi ndhi khi phishi met a demshak.