¹ Khidhel zuhum ndhi nbut riin,emnihin nih mwo,an phi dem gu dhe nkwoo mah. ² Gu man ndhe gyet gu kutdhi a nyen dhik yil nkum bhi mwo gwam gun dhe gu mwan nder shep ndhi khi lap bilip mah nphe ndhi gu pet dhi. ³ An phi dem dhe ngun gu man ndhi mhe gurum dih ndhi nih khi riin mhi Naan ndhi khi sat nnah, ''pwo yah Jesu mah.'' Mhe gurum dih ndhi khi sat nnah, ''Jesu a naan,'' khat a wu khimeh khi Riin wubang mah. ⁴ Khi detsih zuhum mwo dhi nkhan shi nkhan,dangbhi a riin wu khimeh. ⁵ Phe dhik yil n Naan dhi shi nkhan,dangbhi a Naan wu khimeh, ⁶ yahal shiit dih shi nkhan,dangbhi a Naan wu khimeh nih phi shin shiit nbut mwo khiding. ⁷ Nbut fhe bhi mwo shin bhal khi riin ndhi mu khi nah khibang nphe kyen khi gurum mu khiding. ⁸ Nphe ndhi nbut nmhe bhi mu shin riin mhi bilip khi nbhiman,yahal wu kwa a man bilip khi riin wu khimeh. ⁹ Wukwa a shin zehen khi riin wu khimeh,yahal zuhum wukwa a lat khi shwal nbut riin wu khimeh. ¹⁰ Nbut wukwa a shiit bih fhiipwoo,yahal wukwa a ngu jakham.wukwa,mak phe bak khinaar riin mu shi nkhan,wukwa man liis mwo bwer yahal wukwa man sat phishi bilip nliis fhe mwo. ¹¹ Bhisih mwo a shiit mhi riin ndhi khimhe ndhi shin zuhum dik ngurum sih mu nyar ndhi nih dem. ¹² Khiphe ndhi shohopshik a khimhe khi behep dik dik bhi behep fhe a mhi shohopshik khime,bhi nih a sih khi Jesu Kirist. ¹³ Nphe ndhi a nbut riin wukhime mu shin baptisma nmun,nbut shohopshik ndhi khimhe,kot a Yahudawa,kot a Helenawa,kot a kwaram,kotakwaram mah,yahal khiding mwo shu nbut riin wu khimhe. ¹⁴ Nphe ndhi shohopshik nih a khi behep a khimhe det mah,a bwer. ¹⁵ Khat kwat sat nnah, ''An a sar mah,an a mhe behep mhi shohopshik mah,'' bhi khi nyang dhe a mhe behep mah. ¹⁶ Yahal khat kom sat nnah, ''Nphe ndhi an a yit mah bhi an a mhe behep khi shohopshik mah,'' bhi khi nyang kot a behep mhi shohopshik mah. ¹⁷ Khat yeh shohopshik khiding a yit,bhi mu kiling bilip a khi mhe?Khat yeh shohopshik khiding a kom,bhi mu diih phe a khimhe? ¹⁸ Dangbhi Naan dak behep sih mwo shi khimhe shi khimhe nbut shohopshik nyar ndhi nih dem. ¹⁹ Khat yeh mwo a bih wukhimhe,bhi shohopshik yeh khi kot a neh? ²⁰ Nphe wu nih behep bwer nbut shohopshik khimhe. ²¹ Yit khi maksat nsar nnar, ''An phi dem yih mah .'' Yahal jha khi sat nkwak nnah, ''An phi dem yih mah.'' ²² Nphe ndhi behep shohopshik ndhi tah lhip nih khi phishi, ²³ yahal behep shohopshik ndhi mun phi nah khi phe ndhi khi kyen mah bhi mu mang nih khi phishi,yahal mwo ndhi dhe ndhi mu ret nah mah bhi mu mwo khi phishi. ²⁴ Khi detsih behep ndhi mwo ret nah mu nok dem mwo met.An Naan dak shohopdhik,shin tikhin nbehep ndhi mun phi nah ret khi mu mah. ²⁵ Shin a sih nphe yak nnyang shak kot khinaar shohopshik,dhe behep mu tap khi shak yahal demshak wu khimhe dhi. ²⁶ Nphe ndhi a sih,khst mhe behep tah lhip,bhi khiding khi mwo nbut wulah/jeel;khat khimhe khat shuwal shik,bhi behep fhe khiding mu shin ret nyit ndershak. ²⁷ Khi detsih guna shohopshik Jesu Kiristi ndhi khi behep dik dik/shinih shinih. ²⁸ Yahal Naan kok jep lep fhinih ndhi nshe nlihnaan,wu vil a nyen jakham,wu kun a nyen kam yahal nyen ndhi mu phi shin bih fhiipwo,yahal shin zuhum lat khi shwal,nyen ndhi mu phi shin baam,nyen ndhi mu phi shin shiit pan gurum,yahal nyen sat bilip khi liis mu shi nih shi nih. ²⁹ Khiding khi mu a jep lep mhi?Khiding khi mu a nyen jakham mhi?Khiding khi mu a nyem kam mhi?khiding khi mu a nyen shiit bih fhii pwoo mhi? ³⁰ Khiding khi mu khi zuhum mhi lat khi shwal mhi?Khiding khi mu phi lap bilip khi liis shi nih shi nih mhi? ³¹ Gu daar phi tang zuhum wu nan.Dangbhi a nin ndhi ret met ngun.