1 Ɗee a mee a pǝt nun Yehudawa muop eh? Ɗee ame kyen nung gap-dǝp eh? 2 Ni a wuɗong nɗǝgǝn war wu menang. Nɗǝgǝn wupel, a Yahudawa muop gǝ bii nyin nsugun dǝ Naan. 3 Ɗee ɗin pak Yahudawa muop mǝ kwǝt gǝ naduk mǝu eh? Ɗee nyang pǝn gǝ naduk a muop gǝ dǝn ɓǝlǝp wukar ah? 4 Ɗin ɗee kamhǝ mǝu, bǝ Naan ɗee a wunaduk, gurum dip a wurum, ka gǝ bi ni nbiran. "Nsaa gǝ nin a wu naduk nɗǝgǝn ɓǝlǝp afe, bǝ gǝ maafu ɗin mǝ muan gǝ gun ntagam sheep". 5 Ɗin gǝ kwǝt gǝ naduk bǝ gu kam naduk nung Naan, bǝ mǝ yen a mee? Ɗee mǝ yen Naan ni a wukar wu gǝ sam dǝfil afe nkaa mu mǝu mǝ? 6 Gǝ kwǝt kamhǝ mǝu? Ɗin kwǝt kamhǝ, ɗee Naan gǝ sheep gǝyil anang eh? 7 Din naduk nung Naan gǝ ɓǝlǝp wurum a nǝ, mǝn pǝn lap yoon ni, a wa mǝ bǝ gun shep an a gurum wa chin wubis eh? 8 Ɗee a mee gǝ dǝn, ndung bii gǝ mǝ laa ɓǝlǝp wurum mǝ yen a mǝn eh, "mǝ chin wubis, ɗee wuret wul?" Sheep a muop a wuzugum dat. 9 Ɗee a mee? ɗee gǝ mǝ pǝn pera nsun oh? 10 Ka gǝbii ni nbiran, "Mugwǝ wukar kwǝt mǝu". 11 Mǝgwǝ man gǝ kang mǝu. Mǝgwǝ wa gǝme tang Naan mǝu. 12 Muop dip mǝ bat war mǝ wak ɗee wubaan gurum muop, mǝgwǝ chin wudong mǝu, wa a gǝme mǝu. 13 Ghagarak moup a tugun gǝcheer. Liss muop gǝ bii wubis. Gok shishij wu ni gǝ liis muop. 14 Fu muop ni gǝ zhirii gǝ ɓǝlǝp wulǝleng. 15 Vaap muop gǝ tang a tǝgǝm. 16 Dam gǝ tǝgǝrchin a war a muop. 17 Gurum muop nhǝ mǝ man war tuaghat chagap mǝu. 18 Lugut Naan ni nyit muop mǝu. 19 Gǝɗes hǝ mǝ man bii wu bitǝt laa, laa ɓǝlǝp gǝ muop ndung muop nɗǝgǝn bitǝt a dǝ mǝ ogot gǝfu dip, ɗee gǝyil dip lap ɓǝlǝp ntagam Naan. 20 Nsaa mǝgwǝ yong gǝ ɗee a wurap wǝn nɗǝgǝn bitǝt mǝu. A nwa bitǝt bii man nung bii wubis wul. 21 Gǝɗes hǝ a gǝ bitǝt zak mǝu mǝ nyin bii wuret, nnung Naan. Ndung bitǝt gǝ mǝjeplep Naan muop mǝ tuamshik aka fee. 22 Wuret Naan dǝ naduk nɗǝgǝn Yesu Kristi dǝ muop ndung mǝ pǝn gǝ naduk hǝ. Nsaa ni gǝ gǝyit mǝu. 23 Nsaa dip mǝ chan wubis mǝ bǝn kat gǝ chindong Naan, 24 bǝn chinɗong afe shang mǝn bǝn angkaa mu nɗǝgǝn Yesu Kristi. 25 Mǝn Naan lep gǝ Yesu Kristi a bii tokfu nɗǝgǝn pǝn gǝ naduk ntǝgǝm afe. Pǝn Yesu a dǝ nyin shik afe nsaa bii wubis wu dok mǝ chan hǝ. 26 Nɗǝgǝn mogorkung afe, a dǝ mǝ nyin wuret afe nɗǝgǝn bit wu chini, dǝ nyin gǝ kaashik muop ni gǝ rap mǝu, bǝ ni zak bǝn vang rap gurum dip nsaa pǝn gǝ naduk nYesu. 27 Ɗee nas zung a ne? Mǝ pǝt gǝ ni. A nkaa bitǝt wu me nang? Gǝ ɓǝlang?Kam mǝu nɗǝgǝn bitǝt nung pǝn gǝ naduk. 28 Bǝ mǝ laa tǝs mǝ yen mǝ shang gurum nɗǝgǝn pǝn naduk a gǝ ɓǝlang nung bitǝt mǝu. 29 Ɗee Naan a Naan nung Yahudawa muop dat ah? Ɗee ni ma a Naan nung wujong muop mǝu mǝ? ǝǝ, a nung wujong muop dip. 30 Ɗin, Naan ni gǝme, bǝ gǝ shang gwǝ wu mǝ gap dǝp muup a gǝdǝ pǝn gǝ naduk, ɗee wu dǝp nwǝl nɗǝgǝn wuret. 31 Ɗee mǝ tǝ bitǝt nɗǝgǝn wuret ah? Gǝ ɗee kam hǝ, bǝ mǝn pǝ ɗǝk bitǝt.