1 Gǝ mǝ laa a mee gǝ Ibrahim nakǝmu nung swopshik, kat amee? 2 Dok Ibrahim kat shiang a nkaa ɓǝlang, ɓǝ ni dok gǝbii nung nas zung, a ntagam Naan mǝu. 3 Ɗee iran laa yen amee? "Ibrahim pǝn naduk nNaan, mǝn mǝ kun ni a wuret dǝ muop." 4 Gǝdes hǝ, wu chin ɓǝlang, kopgǝshi afe mǝ kun ni a nɗǝgǝn chindong mǝu, a bii ndung a nǝ muup hǝ. 5 Dǝ gurum wu chin ɓǝlang mǝu, ɗee ɗin pǝn naduk wu gǝ tagat muop wu chan wubis, naduk afe mǝ kun ni a nɗǝgǝn wuret. 6 Dauda laa ɓǝlep wuret gǝ gurum ndung Naan kun ni a wukǝr ni mǝn ɓǝlang wǝn. 7 Ni laa yen, "wuret ni gǝ gurum muop ndung mǝ lap kon, gǝ muop ndung bii wubis a muop ni a wu ogogot 8 Wuret gǝ gurum ndung wa la ni yong Miskagam gǝ kun bii wubis afe mǝu. 9 Wuret ndung mǝ laa hǝ a nkaa muop wu mǝ san dǝp muop dat ah, a nau gǝ muop ndung dǝp muop nswǝl eh? Ɗin mǝ yen, "Naduk dok mǝ kun ni gǝ Ibrahim a wukǝr." 10 Dok anang mǝ kun a nkaa muop eh? Ɗee duk a nshee ɗee a ndangkong wu mǝ gap-dǝp muup eh? Dok a ndangkong mǝu, a nshe mǝ gap-dǝp muup. 11 Ibrahim lap bii gap-dǝp a bii tensar wukǝr wudok ni gǝ ni nkaa naduk bǝ dok gap-dǝp duk mǝu. Dok a dǝ ni ɗee Nda gurum muop ndung mǝ pǝn gǝ naduk nshe mǝ san-dǝp muop, ɗee mǝ kun bii wukǝr gǝ muop. 12 Ni bǝn a Nda muop ndung mǝ san-dǝp muop hǝ ndung mǝ san-dǝp dat mǝu ndung mǝ muan gǝ vung naduk ndung Nda mu Ibrahim dok ni gǝ ni nshe gap-dǝp. 13 Laa ɗen dǝ Ibrahim gǝ seen muup a muop gǝ mǝ ɗee a teerkop gǝyil nhǝ wul a dǝ bitǝt mǝu a dǝ bii wukǝr nung pǝn naduk. 14 Muop ndung a nung bitǝt hǝ a muop wu teerkop naduk ɗee nfii, laa ɗen wa ɗee nfii. 15 Bitǝt gǝ dǝfil, ɗee pee ndung bitǝt nǝgǝn mǝu bǝ niang ɗǝgǝl zeet. 16 A nwa ni gǝ naduk gv laa ɗen wa ɗee gǝdap chindong ɗee a nung seen Ibrahim, a dǝ muop ndung muop nɗǝgǝn bitǝt mǝu, nau gǝ muop ndung mǝ lap naduk nung Ibrahim. Ni a Nda mu dip. 17 Ka gǝbii ni nbiran hǝ, " a mang gǝ a Nda gǝyil nɓǝl". Ibrahin dok ni dok ni ntagam gwo ndung pǝn ɓal ni ndung a Naan ndung pǝn tooklang wumumuut bǝn bii yong jepee muop wu nook wǝn mǝ ɗee wu gǝ nook. 18 Nɗǝgǝn ɗen enn ni gǝ naduk nkaa ɗen enn bǝ ni gǝ wa ɗee Nda gǝyil nɓǝl, ka gǝbii ndung mǝ laa gǝ ni hǝ "kamhǝ seen gǝ kwǝt". 19 Gǝ zugum gǝ naduk mǝu naa kat ji duan nswopshik (nsaa yii afe warǝ daa-gǝme). Saratu gǝ boot pee lala mǝu. 20 Nwa laɗen Naan, Ibrahim bǝn kutni gǝ nyang pǝn naduk mvu kat ɓal gǝ naduk mǝn pǝn yoon Naan. 21 Ni gǝ bǝzung gǝbii wu Naan laa ɗen ɓǝ yong gǝ kwǝt a kamhǝ . 22 Nwa ni mǝ kun ni nɗǝgǝn wukǝr. 23 Ɗee a ɓǝlǝp, "dok mǝ kun dǝ muup" dok mǝ yil a dǝ muup dat mǝu. 24 Dok mǝ ran ni a dǝ mu dip, dǝ muop ndung mǝ pǝn gǝ naduk ni ndung yagal Yesu Miskagam a mu ntugun. 25 A ni ndung mǝ pǝn ni dǝ bii wubis a mu bǝn yagal dv lap mǝn kon.