Jing 2

1 Gǝ kam hǝ gǝ pera mǝu, gǝ gurum, wu gǝ shep-shep, nsaa bii wu gǝ fu sheep ni gǝ gǝ kasak gǝ taat kaa gǝ. Nsaa gǝ wu shep-shep gǝ chan jepee muop na ni a kam hǝ. 2 Nsaa mǝ man shep nung Naan gǝ kwǝt a nkaa naduk ndung yong gǝ sam nkaa gurum muop wu mǝ chan jepee muop na ni. 3 Gu diye, gun gurum, gun wu gu shep muop wu mǝ chan jepee na ni, gun zak gu chan kam hǝ, ɗee yong gu fat fu sheep Naan ah? 4 Ɗee gǝ fu ɓak chindong afe ndung ya kǝ shik ndun bǝn lang lee gǝ pǝn nogol gǝ mogorkung afe gǝ muan gǝ gun dǝ seer wubis a gu? 5 A nwa kaaɓal a gu gǝ bǝzung gu wu gu nyang seer hǝ gun fu tǝl dǝfil ndung a ɓit nin sheep Naan wuret. 6 Gǝ pǝn mak gǝ kop gǝchi bii wu gǝ chin hǝ. 7 Dǝ muop wu mǝ dyambal dǝ din wuret mǝ pǝn gǝshak lapyoon gǝ saam sǝm gǝ bii wubis nung dam gǝ tooklang gǝgwǝ. 8 Dǝ muop wu bii mǝ ɗem kaashak hǝ. Ndung mǝ ɓak naduk ɗee mǝ ɗem a wubis dǝfil gǝ tookdam ni nwul. 9 Naan gǝ wul gǝ natuangang gǝ manchiin nkaa gurum wu gǝ nook wu chin bii wubis, dǝ Yahudawa muop shdeel she Hellinawa muop. 10 Lapyoon, ninyoon, gǝ tuagatchagap gǝ kat gurum muop wu mǝ chin wuret, shideel a Yahudawa muop she Hellinawa. 11 Nhǝ gǝ kwǝt gǝ ɓee gǝyit gǝ Naan mǝu. 12 Ngǝt gurum mǝ chin wubis nɗǝgǝn bitǝt mǝu,yong gǝ mǝ lat baan a gǝ bitǝt zuk mǝu, gurum mǝ chin wubis nɗǝgǝn bitǝt yong gǝ mǝ shep muop a ɗǝgǝn bitǝt. 13 A wukǝlǝng bitǝt muop a muop wu chin wuret dǝ Naan mǝu a muop wu laa bitǝt gǝ mǝ gap sheep. 14 Muop wujong ndung mǝ man bitǝt hǝ mǝu, gǝ pǝta mǝ chin bitǝt muop gǝ kaashak a bitǝt, dip gǝ kamhǝ muop gǝ bitǝt mǝu. 15 Mǝ nin ɓǝlang ndung bitǝt gǝ ni hǝ ni nyil shi bǝzung muop. Bǝzung muop ɗee tuamshik nmuop, endiye a muop gǝ ɗee a ɗogor nmuop ɗee ɓeen muop dǝ shik moup. 16 bǝn dip dǝ Naan. Nhǝ gǝ taa a bit ndung Naan gǝ sheep bi sok nung gurum muop dip, nkaa ɓǝlǝp wuret nɗǝgǝn Yesu Kristi. 17 Gǝ pǝ yong kaa sak a Yahudawa, bǝn gǝ tongɗok gǝ bitǝt bǝ gǝ fu nas zung gǝ gǝ Naan, 18 gǝ man endiye afe gǝ jepee muop ndung mǝ wak ɗidiak gǝ ni hǝ, bǝn gǝ kat bishee ndǝgǝn bitǝt 19 ɗin gǝ man gǝ a wu lang war dǝ wuragam a pee wusaan dǝ muop ndung muop nkwǝ hǝ. 20 gǝ ɗee a wukar wuyogor, a wushepee dǝ jep muop gǝ gǝ bii man gǝ naduk nɗǝgǝn bitǝt, ɗee nhǝ gǝ chin a me gǝ gǝ nung tong nook eh? 21 Gun wu bi gu shee gurum muop hǝ, dee bi gu shee ka suk mǝu mǝ? Gun wu bii gu shakbǝlǝp nkaa wat deh bii gu muan wat ah? 22 gun ndung gu laa gu yen mǝgwǝ chin ɓuwar gǝ mat gurum mǝu, ɗee bii gu chin ɓuwar ah? Gun wu gu dǝn wap Kum (gumaka), ɗee bii gu vogop lǝ wap mǝu mǝ? 23 Gun wu bii gu nas zung gu gǝ bitǝt, ɗee bii gu ɓak Naan wa wu gu ɓak bitǝt mǝu mǝ? 24 Bii sǝm Naan dam nɗǝgǝn wujong muop nwa gun ka gǝbii ni nbiran hǝ. 25 Gap dǝp ni gǝ kyen dǝ gu ɗin gu kǝlǝng bitǝt ɗee gu kwǝt a wu nyang bitǝt bǝ gap-dǝp gu wa ɗee a dǝp-nswǝl 26 Din gurum ndung gap-dǝp muup mǝu lang gǝdǝ btǝt, ɓǝ nyang gap-dǝp muup gǝ waa ɗee a wu gap-dǝp mǝu mǝ? 27 Ɗee gurum wu shi pǝtaa afe gap-dǝp mǝu mǝn chin bitǝt bǝ ni gǝ shep gun mǝu mǝ? Ni kamhǝ, nsaa gun gǝ bitǝt nbiran gǝ gap-dǝp mǝn gu tǝt muop mǝu! 28 Nsaa ni a Yahudawa ndung gǝbang hǝ mǝu, ɗee a wu gap-dǝp ndung mǝ shang a fogop swopshik dat. 29 Ni dee a Yahudawa nɗǝgǝn-nɗǝgǝn, ɗee gap-dǝp a nung bǝzung nɗǝgǝn chelem a nɗǝgǝn lep nbiran mǝu. Gurum na ni gǝ kat saam sǝm afe a dǝ gurum mǝu a dǝ Naan.