¹ Dangkong dung Yesu lat la jepbi dung gə la nkom gurum muop, mən mwaan ya Kafarnahum. ² Kurəm memə wulek, dung a wu ɗem nyi, nyi a wu gok fu muut. ³ Zak dung kələng ɓəlep kə Yesu, wulek nəshak lep pak daskagam Yahudiya, də mə mwan ɗang Yesu də nyi jii lat got kurəm a muup dung də muut. ⁴ Dung mə rwə kus gə Yesu, mə ɗang nyi gəret, mə yen, "Gwə hən warə də gə chin kam də muup, ⁵ wa nsa nyi a wu ɗem yil a mu, a nyi ɗiak lənaan a mu. ⁶ Mən Yesu mwaan gəmee gə muop. Zak dung mə yok kus gə gəpang a muup, wulek nəshak lep wushaarmuup muop mə la də muup, "Nda gə wel məu, wa nsa a warə də gə rə nlənə məu. ⁷ A nyi sa a kat a warə də wul ntagam gə məu, gə la ɓəlep dat, ɓə gok kurəm anə gə lat. ⁸ Nsa an a gurum wu ma, an gə jeplek muop. Bi a la də hə, gə mwaan bə mwaan, ɓə a la də nde gəwul ɓə wul, bi a la də kurəm anə chin bi hə ɓə chin." ⁹ Dung Yesu kələng kamhə, sə mamaki dagwə nəshak, bat la də gurum dung muop gəme gənyi "A la də gu, ko nɗəgən Israila a kat wu mwvtnaduk ka dagwə nhə məu." ¹⁰ Muop dung mə lep muop mə yok kat gok kurəm nəshak lat. ¹¹ Dangkong hən, Yesu nin mwan pee dung mə yong a shi Na'im. Məndər muup muop gəmee gənyi, gə gurum muop nɓəl. ¹² Dung mə jaa kus gə ɗəgən tugun, mən mə kat məmang kum me məgwə. Ani a wutəs la nəgən muup. Nyi zak a matka, gurum nɓəl muop gəmee gə namat nəshak. ¹³ Gə nani dat, mən Nda Yesu, naa chigir a muup, mən la də muup, "Nayong yi wal." ¹⁴ Mən ji, ji gə bəm sheep dung mə ɗen kum a ka, mən wupian mang kum nəshak mədiam. Mən yen "Lasuwal a la də gə, gə yagal". Mə kum nəshak yagal ɓəm ɓəlep. ¹⁵ Mən yesu mwət la nəshak nnəgən muup. ¹⁶ Mən lugut yak muop dip mə ya fu wapnaan, muop fu ye, "Mə ep memə lalepnaan wuyoon nɖəgən mu" "Naan zak na gurum afe muop. ¹⁷ Bəlep Yesu takyal nɖəgən Yahudiya dibit gə saryit yil afe. ¹⁸ Məndər Yahaya mv la də muup jepbi muop nhə dip. ¹⁹ Mən Yahaya yong vəl gənaar muop, lepmuop də Nda, mə la də muup, "A gə a wu wul nhə ha, ko mə ləngyit mu də wul nde gurum eh?" ²⁰ Dung mə jaa kus gə Yesu mən mə yen "A Yahaya wupin Kən gə am lep mən mə nang, 'A gə a wu wakwət ah ko mə ləngyit mu də nde məgwə eh?" ²¹ Nɗəgən tar nani, lat gok gurum muop nɓəl gə wupian məriip wubias muop. Wuvagam muop nɓəl mə kat na-pee. ²² Yesu lap fu muop "Gu yok ɓə gu la də Yahaya bi dung gu kələng gə bi dung gu naa. Wuvagam fu na-pee, wukəɓəl fu mwan, mə lat gok wutəlogom. Gədugar fu kələngpee, muop fu ap kum gə kagam, muop fu la ɓəlep wushang də wu piya muop. ²³ Naan gə langwuret kə gurum dung ɗar kə mwətnaduk gənyi wa nsa jepbii dung a chin." ²⁴ Dangkong dung muop dung Yahaya lep muop mə yok. Yesu ɓəm la ɓəlep kə Yahaya də gurum muop. "Mwan gu na ame nɗəgən gəgər eh, ndung piep fu ɓuwap? ²⁵ Zak gə mwan a də gu na me, gurum dung ɗarɗok gə twən wuret, mən muop fu katshang muop nlə long. ²⁶ Zak gə mwaan a də gu naa a me, LalepNaan ah? ə, An fu la gu gun maa lalep. ²⁷ A nyi dung mə yil ka muup "Gu na an fu lep lalep a nə ntagam gə, dung gə miap war də gə ntagam gə. ²⁸ An fu la də gu, nɗəgən jep wu a surəp ɓə ɓak dip, məgwə a wuma Yahaya məu. Dip gə kam wuchom nlongNaan ma nyi. ²⁹ Dung gurum dip mə kələng kam, dip gə wulap gəndung muop, mə la Naan a wuret. Muop ɗəgən muop dung Yahaya sə muop gə kən. ³⁰ Zak Farisawa muop gə wuman sheep Yahudawa dung a nyi kən muop gə am məu mə lə baan gə biman Naan də kashik muop. ³¹ Mən Yesu yen "Ɗee a kam gurm satnyi muop a gə me? ³² Mə lap a me kam eh? Mə lap shikmuop gə jep dung muop fu ɗəgəl nkəlutuk, dung muop fu ɓəlep gu shikmwəp fu yen "Mə taah ɓel ngun, mən gu marap giya məu. Mə chigir, mən gu eer məu." ³³ A kam Yahaya wul, sə nawe məu, suwa mwəs məu, zak gə yen, ni gə sogot muop. ³⁴ La gurum wul nyi fu sə, nifu suwa, mən gu niang nyi gun fu yen, gu na gwə wu ɓəlak nhə, wu suwa mwəs, wu shaar wulap gəndung muop gə chan biwubis! ³⁵ Zak biman Naan bi la kə jep muup muop." ³⁶ Memə ɓit, memə Bafarasi ɗang nyi Yesu nyi mwan sə-sə gə nyi. Dangkong dung Yesu rələ Bafarasi, tong kə tagam də nyi sə-sə. ³⁷ Mən kat memə mat wuchin biwubis, tong nɗəgən tugun. Kələng yesu nyi nlə Bafarasi də sə-sə. Mang muhor alabasta wu tagas wuret. ³⁸ Ɗar duk gə Yesu nyi fu wal. Namwa nyi fu kong kə kuwak muup, nyi fu fas nyi gə muhor wutagas. ³⁹ Bafarasi dung yong Yesu rə ləmuup, na kam, mən diye endiye yen, "Ɗin mə yen dagwə nhə a lalepnaan, ɗingman napa nhə, dung nyi fu ɓəm nyi hə, nyi a wuchin biwubis." ⁴⁰ Yesu lap fu muup yen "Siman, a tangkop a la memə bi gə gə" layen, "Wu kamkam ɓə gə la!" ⁴¹ Yesu la yen, "Meməgwə fu bi pak gurum vəl kaat shagal, nyi fu bi nde sule yagurum sar, nde zak nyi gə kaat sule yagurum vəl gə sar. ⁴² Wa nsa muop gə shagal də kwat məu, mən mogor muop dip vəl. Nɗəgən muop wu vəl a wudang də nin ɗempee də dagwə nəshak eh? ⁴³ Siman lap yen "A naa anə ɓə nyi ndung mə mogor wuyoon." Yesu lap fu muup, "gə la nyit." ⁴⁴ Yesu bat də namat nəshak mən la də Siman "gə na namat nhə a rə nlə gə. Gə mwət am vangkwak n'an məu. mən a nyi mwət n'an. Vang kwaknə gə namwa amuup, fas gə suwap kaa muup. ⁴⁵ Gə ogom an məu, nyi zak ogom an, dung a rə npehən nook ogom kwaknə məu. ⁴⁶ Gə fas ka nə gə mohor məu, nyi zak fas kwaknə gə mohor wutagas. ⁴⁷ Wa nsa kam, nyi dung nyi gə biwubis nɓəl mwət nɓəl, nin ɗempee gwet. Nyi zak dung mə mogor nyi til, zak nin ɗempee til." ⁴⁸ Nnəgən mən la də muup "Mə mogor biwubis a yii." ⁴⁹ Muop dung mə tugatɗok gəmee gənyi mə ɓəm ɓəlep də shikmuop, "Nyi a wudang dung gə mogor biwubis eh? ⁵⁰ Mən Yesu la də namat "Mwətnaduk a yii pən yi. Yi mwan kolok."