¹ Muop nɗəgən memə ɓit Yesu bat nbit wapnaan mən jepgədər muup fu tal əksə nugus nsar muop fu sə. ² Mən pak Farisawa muop mə yen, "A mee sa gun fu chin biwubis nɓit wapnaan eh?" ³ Yesu lap fu muop yen, "Ba gu na bi dung Dauda nshi dung ɓəlak tənyi moo, nyi gə gurum a muup? ⁴ Mwan lənaan, mang nawe lənaan sə, mən mwət daas dung muop gəmee gə nyi, dung a nung Firistoci muop dat." ⁵ La də muop "La gə gurm a nyi a Nda ɓit wapNaan." ⁶ Memə ɓit wapnaan, rə lənaan mən shee gurummuop nnəgən. Meməgwə nyi nnəgən dung sar dasə a muup muut. ⁷ Wupian biyil gə Farisawa muop fu na nyi, ko yong gə lat gok paa ɓit wapnaan, ɗee mə kat war ɓəlep gə chin wuləleng bi. ⁸ Nyi man endiye a muop, mən la də wu sarfi, "Yagal gə ɗar gənaar gurummuop." Mən yagal dar. ⁹ Biwubis eh, mə pən gurum ko mə tə gurum? ¹⁰ Mən naa muop dip, mən bən la də dagwə nəshak, "Ep sar gə" Mən chin kam, mən sar muup waa a wuret. ¹¹ Difil mang muop, mə laa gə shik muop kə bii ndung yong mə chin gə nyi Yesu. ¹² Wa nɗəgən ɓit muop nəshak, Yesu ka kəpang də dang Naan, dang dang pee ləpar dip. ¹³ Dung ɓit ɓang lat, yong mədər muup də muup, mən pən muop sarshika-vəl, yong muop shi "Jeplep." ¹⁴ Səm Jeplep muop anyi Siman (dung mə yong shi Bitrus), gə emnəgənfe Andrawus, Yakubu, Yahaya, Filibus, Bartalomawus, ¹⁵ Matta, Toma, Yakub la Halfa, Siman dung bi mə yong shi Zaloti, Yahuda la Yakubu, ¹⁶ gə Yahuda la Iskariyoti, dung anyi seet gə Yesu. ¹⁷ Mən Yesu sam gəmee gə muop, mə diyam gəmee gəbang. Məndərmuop nɓəl muop nnəgən gəmee gə gurum Yahudiya gə nung Urushalima, gə nung fukong Taya gə Sidon. ¹⁸ Mə jaa də kələng nyi, gə kat lat gok a muop. Gurum muop dung muop gə məriip wubis nau mə kat latgok amuop. ¹⁹ Gurum mə tangkop ɓəm shishik muup də kat latgok a muop wa nsa maa latgok gə pət nshik muup, mən latgok a muop nau. ²⁰ Mən na məndər muup mə yen "Gun a wuret, gun wupiya, wa nsa long nung naan a nəmuk. ²¹ Gun a wu pətpiya wupian ɓə lat gəɗes, wa nsa yong mə ogol gun. Gun a wupətpiya wupian wal gəɗes hə, wa nsa yong gu swar. ²² Gun a wu pətpiya ngurum mə niang gun, mə nyin pənyit ngun, mə vak gə səm gu kə biwubis wa nsa Lagurum. ²³ Yong gu kat tookpiya a ɓit nəshak gunfu paarnapaar wa nsa tookpiya, wa nsa yong gu kat kopgəshi wuyon ngəbətəng, sa məkə-məkə muop mə chin a kam də jep lepnaan. ²⁴ Lat nka gu wulong muop! Wa nsa gu kat bii zuwaan a gə gwe. ²⁵ wupian əgəl chini! Wa nsa ɓəlak gəkatgun ntagam. Lat nka gu wupian swar chini! Wa nsa yong gu eer gə chigir ntagam. ²⁶ Lat nka gu kat mə kwət fu saan gun! Nsa nakə gu mə chan də jeplep wurum. ²⁷ Mən an fu la də gu wukələng an, gu ɗem wukas gu muop, gu chin biwuret gə wunianggun. ²⁸ Gu lang wuret kə wuvanggun muop, gu dangnaan də wu mwət təgərchiin ngun. ²⁹ ndung dap gun ngən dasə, ɓə gu bat gən dakul gu mwət nyi. ³⁰ Məgwə nmang godo a gə ɓə gə mwət təgoo a gə nnyi. Gu mwət gurum wudang gun, in məgwə nmang meməbii a gu, yong ba gu shaknyi shin bən. ³¹ Duk bii dung gə tangkop gurum mə chini də gə, gə zak gə chin nyi muop. ³² In gə ɗem a wuɗem gə dat, gə pət a mee ngə eh? Wupian chan biwubis maa bi mə ɗem wuɗem muop. ³³ In gu chan biwuret a dv gurum muop dung bii mə chan biwuret dv gu, a mee a kop gəshi agu eh? Wupian chan biwubis muop bii mə chan a kam. ³⁴ In gu mwət kaat jepbii a də gurum dung gu ɗen buzung yong mu bwət fu mwvt ngun dat, a mee anyi a kopgəshi a gu eh? Wupian chan biwubis ma bi mə mwət kaat nwupian chan biwubis, mən bi mə ɗen buzung kə lap gə kopgəshi. ³⁵ Ɓə gu ɗem wunianggun, gu chan biwuret də muop. Gu mwət kaat nmuop, yong ba gu ɗen buzung yong mə chin mwət ngun, kopgəshi agu yong gə wa a wuyoon. Yong gu wak a jep wumah nau, wa nsa ni gə kashik bii nin chinɗong də gurum dung bii mə niang ɗəkyil gə chan biwubis. ³⁶ Gu wak wuchan chinɗong, wa nsa Nda gu a wu chinɗong. ³⁷ Na yong gu sheep məgwə, yong ba mə sheep gun. Na yong gu yaa yaa-pe, yong ba mə yak gun. Gu mogorsuk, gun ma yong mə mogor gun. ³⁸ Gu mwət ngurum muop, gunzak yong mə kat ngun a kam zak - kat wuyoon ngam ndung yong gə gam ntaa ka nkon, yong gə kon kə chigu. Nsa dip bi kam dung gu chin ɓəlang gə nyi, yong mə kam ngun ashi nyi. ³⁹ bən laa nde ɓəlep gə muop, "Wuvugum bii gə dəl sar wuvugum ah? Ɗin chin kam ɓə muop dip vəl yong mə pələp, ko a kam məu eh? ⁴⁰ bi gə maa wushenyi məu, duk gurum wukat kam wuret gə wa gəbi wushenyi. ⁴¹ Ame sa gə fu naa lugum ndung nii assyit wu emnang, mən gə bwət fu na kambi dung ni n'yit gə məu eh? ⁴² Ame sa gə la də wu emnang, nit ɗagat lugum nyit gə, dung gə gə kasak gə ɓwət fu na kambi dung nii n'yit gə məu eh? Gə wubətbis! Yawar gə shang kambi dung nii n'yitgə, ɗewar gə naa pe gəret də gə shang la kambi dung nii n'yit wu emnang. ⁴³ Ba memə təng wuret dung gə la jep wuləleng, ko təng dung gə la jep wuret. ⁴⁴ Wa nsa bii məman təng a gə jep muup. Gurum bi mə tal jep Twər shi nikien məu, ko mə yak jep inabi erkung. ⁴⁵ Gurum wukər bi mwət jep wukər shi buzung muup, wu chin biwubis zak bi dak endiye biwubis ashi buzung, mən bi chin. Fuu bi la a bi ndung tong buzung hə. ⁴⁶ Ame sa gu yen gə "Nda, Nda", zak bi gu chin ɓəlep a nə məu eh? ⁴⁷ Gurum wu wul də nə, kələng ɓəlep a nə mən chin muop a la shik gurum nəshak. ⁴⁸ Ni a gəbi gurum dung ɗiak lə, dung bwan tugus a wu sə-səng nyil, dung lang tugus lə kə pang. Am sam nkong, am nas lə afe, mən bwət fu ship ni məu, wa nsa mə ɗik lə nəshak gəret ⁴⁹ Zak gurum ndung kələng ɓəlep a nə mən niang chin ɓəlep a nə, nyi a gəbi gurum dung ɗik lə kə esskong, tugus wən. Zak am nsam nkong, nas lə muup mən ship nyi tak lə nəshak rugup dip.