¹ Wa nsa gurum mə təl kəshik muop fu kələng ɓəlepnaan, mən Yesu da nfu liis Janisarata. ² Naa chi am vəl mə diyamdok anfulis. Wukwat cherep mə fat nɗəgən chi am nəshak fu vang taru a muop. ³ Yesu rə ɗəgən gəmee chi am nəshak dung a nyi a nung Bitrus, mən la də muup nyi dərgə chi nəshak le nfu liis də mwn ɗəgən til. Mən tong shifu shee gurum ɗəgən chii. ⁴ Dung lat ɓəlep, mən la dv iman, "Dər gə chii a gə npe wu səng də gə tak taru a gə yak chirep eh." ⁵ Siman lap yen, "Nda, mu chii ɓəlang, ləpaar gə fuus mə yaa məbi məu, wa nsa ɓəlep a gə, yong a tak." ⁶ Dung mə chin kam, mə yak chirep nɓəl dung ɓəl ba taru a muop mə kwap. ⁷ Mən mə yen wushaar ɓəlang a muop dung muop ndəgən nde chii mə jaa lap muop. Mə jaa gam chii muop vəl gə chirep, har mə ɓəm sə n'am. ⁸ Mən Siman Bitrus, dung naa kam, dugum gə fərəm ntagam Yesu, nifuyen, "Bwət'an Nda, wa nsa an a wu chin biwubis." ⁹ Wa nsa lugut ya nyi gə gogot gurum dung muop gəmee, wa nsa ɓəl chirep dung mə yak. ¹⁰ Dung roop gə Yakubu gə Yahaya jep Zabadi wushaar ɓəlang Siman. Mən Yesu laa də Siman, "Yong gə lugut yaa gə məu, wa nsa gə gədes hə, yong gə yak gurum muop." ¹¹ Mən dəl chii am a muop nook nyi kə yil wufii, mə nook jepbii nau mə bat gədə muup. ¹² Dung nyi nɗəgən tugun nung meməpee, memə wutəlogom nyi nnəgən. Na Yesu dat, duwak kaa muup n'yil ni fu dang nyi, nyi fu yen, "Nda, ɗin took gə nɗem, ɓə gə lat gok a nə." ¹³ Yesu shen sar muup ɓəm nyi, nyi fu yen "Adem. Gok a gə lat." Gədeshə, gədeshə, mən təlogom nook nyi. ¹⁴ La də muup yong ba nla də məgwə, mən yen "Mwaan mwaan gə nyin ka gə Firist mən gə mwət bi-tok də vangkəsak, gəbii dung Musa la hə. ¹⁵ Ɓəlep a muup takyal nsəng, gurum muop nɓəl mə ja də muup də mə kələng nyi, nyi lat gok a muop. ¹⁶ Mən bii nook, də nyi mwaan pe meshik də nyi la ɓəlep gə Naan. ¹⁷ Memə bit dung nyi fu bishee, Farisawa muop gə məshep-sheep dung mə tugatdok nnəgən, dung mə tugat wang saryit Galili gə Yahudiya gə ɗəgən tugun Urushalima. Maa nung Naan nyi gəmee gə nyi də lat gok gurum muop. ¹⁸ Tar na nyi, pak gurum mə jaa gə memə wu sarfi teer dok kə karam, mə tangwar del gə nyi, mə teer gə nyi ntagam Yesu. ¹⁹ Mə kat war də del gə nyi məu wa nsa ɓəl gurum muop, mən mə kaa kə lə, mə sam nyi gəkang kələ, kə karam a muup, mə mwan gə nyi ntagam gurum muop, ntagam Yesu. ²⁰ Naa mwət naduk amuop, Yesu yen, "Wu pinlə, mə mogor biwubis a gə. ²¹ Wu pian biyil gə Farisawa mə bəm la-pe, mə yen, "A wudang gə bwət mogor biwubis niang a Naan eh?" ²² Yesu, gə man bii dung muop fu laa shi buzung muop, mən, lap fu muop yen, "A meh sa gun fu la-pe shi buzung gu eh? ²³ A mənang a wu bes eh, 'ɗe mə mogor biwubis a gə ko mə yen yagal gə mwaan mwaan a gə eh? ²⁴ Amma gu man la gurum gəbət də mogor biwubis gəyil, a la də gu, "Yagal, mang karam a gə, wa də ləgə." ²⁵ yagal ntagam muop, mang karam amuup, mən wa də lə muup nyi fu wapnaan. ²⁶ Lugut ya muop dip mən mə wapnaan. Mə gam gə lugut muop fuyen "Mə naa bi wu maa chini." ²⁷ Dangkong bii wa taa muop hə, Yesu pət nnəgən mən kat memə wulap gəndung dung səmmuup a Lawi tongɗok npe lap gəndung afe. La də muup, "Bat gədə nə." ²⁸ Mən Lawi nook jepbi nau, yagal bat gədə muup. ²⁹ Lawi zak chin səbii wuyoon gəpang ləmuup, wupian lap gəndung muop nɓəl nəgən, gv pak gurum muop dung mə tugatdok tagam teburi səbii muop fu sə gəshak. ³⁰ Mən Farisawa gə wupian biyil mə ɓəm ɓəlep gə məndər Yesu, muop fu yen "A mesa gun fu sə gə suwa gəmee gə wupian lap gəndung gə wupian buwubis muop eh? ³¹ Yesu lap fu muop "Wu kagammuop ba mutangkop wudakba, a wugok muop fu dang wudak. ³² Ba a wul a də yong wupian chin wuret məu, a wul a də yong wupian chin biwubis də mə nook biwubis." ³³ Mə la də muup, məndər Yahaya bi mə sənfu gə dangnaan, məndər Farisawa shizak bi mə chin kam. Mən məndər bi mə sə suwa?" ³⁴ Yesu lap fu muop "Ɗee a wuɗang gə shak wushaar ango sənfu, dung Ango nyi gəme gə muop eh? ³⁵ Ɓit nin'wul dung yong mə mang ango npe muop, a nyi yong mə sənfu." ³⁶ Yesu bən la memə ɓəlep gə muop "Ba gurum dung gə te təgoo wu fə də nyi taan təgoo wusəgər gə nyi. Chin kam ɓə tee təgoo wu fə, gə biyat wu fə gə ɗong gə gok biyat wusəgər məu. ³⁷ Bən yen, memə gurum kwət ndung gə dək am waar wufə a gəgən nar/shaa wusəgər məu. Ɗin chin kam, am waar wufə gə pian nar/sha nashak, am waar zak gə kon, nar/sha zak gə dam. ³⁸ Wa nsa kam am waar wufə məɗək n'sha/nar wufə. ³⁹ Ba gurum dung gə chaa am waar wufə dangkong dung suwa wusəgər, nsa yong gə ye, "wusəgər shang ma wufə."